Ijeremaya 30:6 - IWE ỌNỊNỊ

⁶ Ọ kà, jẹẹ nịnị daa re, vị ọnọrụ wáá rẹẹ barẹẹ nị? Sị ẹ vavẹ dị ọnị ee re ka ọnọrụ ọzọza ẹ raa kụ ụvọ ka ọtẹ anka ọnẹẹ anaa barẹẹ avọọ? Sị ẹ vẹ dị ọzọza sị eyi vara eyihi?

Ijeremaya 30:6 Referans Kwoze

Ịnahụmị 2:10

Ịjị Anininivẹ maanị re ẹtẹ, dị e nowu za ẹtẹ, dị ẹ ka, oo Ininivẹ ô si du nịnọọ! ộ sị tụ osusu! ệ yị nyị oza vụrụ-vụrụ! Ayị ẹnịnị ọ́ sị sẹ̀ hi wa ẹngụ angwa mee hi wa; Dị ẹgahị ngụ wa ẹngụ, dị ahụ ẹnịnị aa jị wa ụvọ ụkata ẹnịnị ta nị; Dị eyi ẹnịnị aa hụrẹ ọvụ nị.

Ijowẹrị 2:6

Dị ẹgahị ngụ ọzọza ẹngụ e mee re wa, dị ẹngụ ẹnịnị hi azọnọ nị.

Ijeremaya 4:31

Ijeremaya ka ọnị ộ wụ̀ aza mee nowu anka ọnẹẹ anaa vaa ma ozi ịpaapa anị, ọnị ịrẹẹ aa zị avọọ. Anijerusarẹmị nịnị ẹ vavọọ ee nowu, ẹ maa vụrịị tụ́ ụhwẹ nị. Ẹẹ tana ụvọ, dị ẹ vaku ẹtẹ ọvịdị ọwọza nịnị nị. Ẹ ka, ẹwụ aa za ẹnị aanị nị. Ẹnị ẹ sị da!

Ayịsaya 21:3

Ịrẹyị ọnị mị wụ́ m mẹ̀ vavọọ re ẹtẹ ọnọọ ộ mẹ̀ ka avaba ẹngụ ọ̀ọ zị mị. Ộ kata mị ẹngụ anka ọnẹẹ ana aa barẹẹ avọọ. Ịsị mị wụ́ ọnịrị ịsị mi re ô chire mi angwa.

1 Anịtẹsaronika 5:3

Ịjị aza àa kà a ka ẹ́ yị nyị ịrẹyị vụrụ-vụrụ, dị ịrẹyị vana ngụ tù wa kẹnẹ anka ọnẹẹ ọnị ịrẹẹ aa zị avọọ. Dị ẹnịnị ẹ́ yị zụ há.

Ihoseya 13:13

Ẹnịnị aa mẹ ụra anka ozi ene yi ka ọnị ẹ yị jịnẹ hụụnị ihi ozi ọnyị anị avọọ nị.

Ijeremaya 22:23

Oo zoza ụ mẹ hi ịnị irehi ọyịza-ọyịza ana a sị ọchị isida Ịrẹbanọnị mẹ ọvị nịnị aanị, ama e yi vee kù di waa jị òrèrè, di wee rimanya nịnị anka ọnyẹnẹẹ ana barẹẹ mee rimanya avọọ.

Ijeremaya 6:24

Dị Anijerusarẹmị nịnị ka, ẹnị ệ vavọọ wụ ọ, dị ẹngụ ẹnịnị wusu nị. Ayịhụrịnẹ ọ sị ẹnị za va hi ẹtẹ, dị ẹnị ee rimanya anka ọnẹẹ ọnị ịrẹẹ aa zị avọọ nị.

Ahẹ Ụgama 48:6

Ẹgahị mẹ̀ sụ wa ẹngụ, ẹngụ ẹnịnị ộ kata anka ọnẹẹ ana aa ba ịrẹẹ avọọ.

Ịdanịyẹrị 5:6

Ịjị ohinọyị vavọọ re e dị ẹngụ anị sị và hí nị. Dị ayị aa hụrẹ ẹ ịnẹ, dị ahụ anị aa dọ ẹgahị pàpàpà nị.

Ijeremaya 50:43

Ịjị ohinọyị Ịbabịrọnị wụ́ ịrẹyị aza ẹnẹnị, ụvọ anị ee wusu za ẹngụ. Ẹngụkata ọọ sụ̀ ọ ẹngụ, dị ee rimanya anka ọnẹẹ anaa barẹẹ avọọ nị.

Ijeremaya 49:24

Anịdamasịkọsị nịnị ẹ raa tụ ọkụmị, ẹnịnị ẹ sị zwe ayị maa hụrẹ wa ịnẹ. Ẹngụkata ô tù wa, ẹ sị mẹ suku-suku anka ọnyẹnẹẹ anaa barẹẹ avọọ.

Ayịsaya 29:22

Ẹnẹyịmavara ana dọ Abụrahamị tụ́ ộ kà a yị Anisirẹrị, ọ ka ụhị ọ yị kụkụ vaa nyị wa. Ọ rẹ ka eyirẹsụ ẹnịnị vaa nịya.

Ijeremaya 13:21

Sị ụ vaa kà nịnị ịjị aza ẹnị ụ rò ka ẹẹ vị ọta awụ nịnị ẹẹ raa nyị ẹbẹẹba awụ nịnị, dị ẹ yaa mẹ ohinọyịị wụ nịnị nị? Ọ vaa zị ụ nịnị anka ọnẹẹ ọnị ịrẹẹ aa zị avọọ.

Ijeremaya 48:41

Ẹkụra-ẹkụra ene hi Imowabi ọnịrị irehi ọbanyị ọnị isoja ẹnịnịị yaa sere ẹtẹ vị ọnị ẹkụra ọnọọ vaa za. Ịhị angwa vị ene vee hi isoja Animowabi nịnị anka ọnyẹnẹẹ anaa barẹẹ avọọ.

Ijeremaya 49:22

Ọnịvị Anibozira vaa kwẹẹtẹ tu ọ anka ukokoro mẹẹ gana avaka chii vẹ vee che ịsa obonobono avọọ. Ịhị ọnọọ angwa vee hí isoja Anedomi nịnị anka ọnyẹnẹẹ anaa barẹẹ avọọ.