Ijeremaya 30:20 - IWE ỌNỊNỊ

²⁰ Ẹnẹyịmavara kà, ọnị vaa mẹ ka ezi ẹnịnị ẹ̀ yà anka ẹ mẹ yà ịyẹẹyẹ. Ọnị vaa varẹma sị ẹkụra ẹnịnị hi ẹtẹ geri-geri. Dị ọnị sị ụya rị avaba aza ana mẹ ẹvaya (ehuna) yị wa.

Ijeremaya 30:20 Referans Kwoze

Ijeremaya 32:39

Ọnị vaa mẹ ka ẹnịnị ẹ̀ nyị ayị ọnya, dị ẹ̀ rẹẹ mị ịsị ọnyọọnya. Ẹnịnị vaa sị ụbanyị yị ọnị pooro, ụvị ò zoza yị ẹnịrị ezi ẹnịnị.

Ijeremaya 2:3

Ẹnẹyịmavara kà Anisirẹrị vị aza ọnị ọnị nyị tụ irenyi yị ẹngụ anị. Avaba aza ana kwọ kata wa ẹngụ vị ọnị ọnị sị ụya rị, dị ọnị kụ ẹngụkata odivi tu wa.

Ayịsaya 51:22

Ẹnẹyịmavara Ohomorihi awụ nịnị anaā vụ ịrẹvụ yị aza anị kà, ọnị ọ raà dọ ako ọnị ọnị sị yị wa ịnị ọyịkụ. A yị kụkụ vaa sị ụkata-ụkata za wa ka e hu dị ọọ vaa mẹrị wa.

Ayịsaya 49:26

Ẹnẹyịmavara kà ọnị vaa mẹ aza ana mẹ ẹvaya yị wa ẹẹ wụ̀ ẹngụ ha, dị anya aza ọnị ẹ yaa wụ̀ ọọ mẹrị wa anka eche avọọ. Ịjọnọọ anẹhẹ nịnị vaa yẹ ka Ẹnẹyịmavara ana dọ aza anị ha vị Ohomorihi ana nyị ụkata ẹnẹmẹhị.

Ahẹ Ụgama 102:28

Ezi eyi vee hi ịda awụ di wee sere wa, dị ụ mẹ ka ezi ẹnịnị ẹ nyị ahụ jẹẹ ịda awụ.

Ahẹ Ụgama 102:18

Maanị chẹrẹ ẹ tịtẹ nịnị yị ezirẹma, di aza ọnị ọza ọ̀ yị ma ẹ̀ va zụ kụ́ Ẹnẹyịmavara.

Ijeremaya 30:16

Ama booro aanị, avaba aza ana va gara ụ nịnị ha vị ana a vaa garaa ha; avaba ọnịvị awụ nịnị vị ana a vaa za ọrịhị nee hi ẹkụra ọsa. Avaba aza ana sị ụya rị ụ nịnị vị ana a vaa sị ụyaa rị. Aza ana kụ ẹnya awụ nịnị vị ana a vaa kụ ẹnya ẹnịnị.

Ayịsaya 54:14

Ịzẹyịza ọnịrị ịsa ana a vọrọ ọyịmẹ̀ vaa mẹ ka wa nyị ụkata. Ẹ yị nyị ọza ana va zụụ mẹ ẹvayaa yị wụ, agụvị avọọ we yi vee hí angwa. Ịsa ee chire ọza angwa ẹ yị vaa gụrị ẹwụ.

Ịzakaraya 8:5

Di oze hi yị ezi anẹẹ ọnịrị anọrụ ana mẹ aahẹ.

Ịzakaraya 10:8

Ẹnẹyịmavara kà ọnị vaa hị́ anị, dị ọnị kụ́ wa gụ, dị ọnị dọ wa ha, dị ọnị mẹ̀ wa ka ẹ varẹma rụrụ anka ẹ mẹ vịdị ya.

Arụwẹ 5:21

Ẹnẹyịmavara kwogwo, kụ yị varẹma ka ẹngụ awụ vẹ! Kụ yị varẹma! Navọ wa và ayị ịrẹma nọ udi ụbanyị ayị ịyẹẹyẹ.

Ịzakaraya 10:6

Ẹnẹyịmavara kà ọnị vaa sị ụkata yị Ijuda, ọnị aa dọ anineehi Ijosẹẹhụ ha. Ka ọnị ọ vayị ẹnịnị ọnị vaa va wa ịrẹma nọ udi ẹnịnị. Ẹnịnị vaa sị mẹ ka ọnị ẹ yị yi wa avọọ nị, ka ọnị Ẹnẹyịmavara ọ vị Ohomorihi ẹnịnị, ọnị vaa wụ́ aduwa ẹnịnị.