Ijeremaya 30:19 - IWE ỌNỊNỊ

¹⁹ Ẹnịnị va jị ahẹ gono ọnị, dị eyee nowu ẹ́ẹẹ maa jẹ ịrajẹ. Ọnị vaa mẹ ka ẹnịnị ẹ̀ rụrụ, ẹnịnị ẹ yị ma vana jịha. Ọnị vaa mẹ ka a sị ụbanyị yị wa, ọza ẹ́ yị ma vana sị eyi oweyi re wa.

Ijeremaya 30:19 Referans Kwoze

Ijeremaya 33:22

Ẹnẹyịmavara kà, ọza ẹ̀ yị mẹ zụ zá ụzọmị ene hi ẹbẹẹba ịrịka, dị ọza ẹ̀ yi rẹ zụ ngọ ààrẹ ụtọ ókụ̄ avọọ, avọọ gẹdẹ-gẹdẹ ọnị mẹ vaa mẹ ka ezi Idevidi ọnịrị Anireevi ana vị ohirẹsụ irehi Ohomorihi ka ẹ̀ rụrụ dị ọza ẹ́ yị zụ zá wa ịrịka nị.

Ayịsaya 51:11

Aza ọnị ọ dọ ha vaa ngụ Ijerusarẹmị ịnị ayohine, dị ẹ yaa jị ahẹ, di e yee na owu booboro agụvị ka ayị ẹnịnị ee hine. Ẹnịnị vị ana vaa jị ịrajẹ pooro agụvị ka ẹ sị hụụnị ayodu ọnịrị ẹngụ ọyị và hí.

Ayịsaya 60:22

Ovwoovu ene weyi kere-kere vaa nyị ụkata anka ẹkụra. Ịjị ụmẹ òo si tu, ọnị vaa mẹ ka ịsa ẹnịnị ẹ mẹ eyiha-eyiha. Ọnị ọ vị Ẹnẹyịmavara nị.

Ayịsaya 35:10

Ẹnịnị vaa sị ayohine na ngụ Ijeruasarẹmị, dị ẹ yaa jẹ ịrajẹ, dị ẹ yaa jị ahẹ naa pooro. Ẹnịnị vaa jẹ pooro, dị ẹ mā vana yẹ ịsị aā hị́ orere ọnịrị ayodu pàá.

Ezikẹẹrị 36:37

Ẹnẹyịmavara Ochẹtẹẹngụ ka, ọnị vanaa zẹẹ ka Anisirẹrị nịnị ẹ̀ họ̀ ọnị use ka ọnị ọ̀ gụ ẹnị ụvọ. Ọnị vaa mẹ ka ẹnịnị ẹ̀ rụrụ atẹmẹ ọrụrụ ana aa pa avọọ.

Ịzakaraya 10:8

Ẹnẹyịmavara kà ọnị vaa hị́ anị, dị ọnị kụ́ wa gụ, dị ọnị dọ wa ha, dị ọnị mẹ̀ wa ka ẹ varẹma rụrụ anka ẹ mẹ vịdị ya.

Ijeremaya 31:4

Ọ kà, ẹwụ nịnị Anisirẹrị ọnị vanaa kụ ụ nịnị kwẹẹtẹ, ịzẹyịza dị ụ kwẹẹtẹ nịnị. Ụ vanaa sị ahịhya awụ nịnị, dị waa nyẹzẹ ụ waa maa jẹ ịrajẹ nịnị.

Ịzakaraya 12:8

Ịnẹ ẹkụhị ọnọọ Ẹnẹyịmavara vaa vị ogonto kú aza ana ra Ijerusarẹmị agụvị ọkụmị ene hi akakana ẹnịnị ẹ ya anka Idevidi, dị ovwoovu Idevidi ẹ ya anka Ohomorihi, anka anggẹẹrị Ẹnẹyịmavara ana aa na ọvịdị ẹnịnị.

Ịzakaraya 8:19

Ộ kà: Awẹ ụhwẹ ẹẹna, ụhwẹ ẹẹhị, ụhwẹ ịhịmba, ụhwẹ ẹẹwụ ọnị ẹ za vaa vara ụmẹ eche ịrajẹ ọnịrị ụmẹ ayohine yị aza ene hi Ijuda; avọọ e sì ịrẹyị ịzẹyịza ọnịrị ẹngwọọrọ.

Ezikẹẹrị 37:26

Ọnị vaa hị́ eku yị wa ka, ẹngwọọrọ ọ́ vaa vịị yị wa pooro zịna nị. Ọnị vaa mẹ ka ò zé yị wa, dị ẹyaa rụrụụ hu avọọ. Ọnị vaa dà irehi anịị tụ ịnị ẹtẹ ẹnịnị, dị ọ kụkụ yà ịzọọ pooro zịna.

Ayịsaya 12:1

Ụmẹ ọnyara aa vẹ ana aza vaa jị ahẹ dị ẹ yaa Kụ Ẹnẹyịmavara avọ! Ịzẹyịza wâ vịdị kụ́ ayị hi mi, ama booro aanị, wẹ yị kụkụ kụ́ ayị. Wa raà sị ayị amị hunẹnẹ.

Inehemaya 8:12

Avaba aza ệ và nọ eehi ka ẹnị ẹ̀ naa rị, dị ẹnị ee hú, dị ẹnị ẹ̀ dà ịsa na yị aza ẹnẹ ẹ̀ yị nyị, dị ẹnị ẹẹ mẹ ayohine agụvị ka ẹnịnị ẹ raà yẹ ịrẹyị Ohomorihi ana a za ịrịka yị wa.

Ẹzịra 6:22

Ẹkụhị ịhịmba ẹ̀ sị tịtẹ rị eche akara ẹnẹ ẹ yị nyị owu nị. Dị avaba aza aa jẹ ịrajẹ agụvị ka Ẹnẹyịmavara ọ raà mẹ wa ayị ohinẹ. Ộ mẹ ka ohinọyị Asiriya ọ̀ gụ wa ụvọ ịnị ụkọrọ irehi Ohomorihi Anisirẹrị ọnị e tenyi dà.

1Ipita 1:7

Iruvo ẹzamare ẹnẹẹ ọ vị ka è zu ré ka ẹdọwụ obooro ụ nyị nịnị nị. Wâ yẹ igooru nịnị, ana ahịka oō du; ịra aā sịị zama a re ka à yẹ, àa vị obooro ọ vị nị. Avọọ ọ mẹ rẹ vị yị ẹdọwụ awụ nịnị nị, ana ahịka óo huna igooru ẹtẹẹtẹrẹ. Àa zama ẹdọwụ awụ nịnị re, dị ọdịrẹma anị vị ụga ọnịrị ụbanyị ne beri igirima, ịhị Ijeesu ọ̀ọ sị ẹngụ zụ̀.

Ayịsaya 60:19

Ẹ yị vị ọyị ọ kụkụ vaa vị ẹtohweyi ọọdụ, a vị ụhwẹ ọ vị ẹtohweyi ịrahụ. Ẹnẹyịmavara kà a ọnị ụvọta ọ vaa vị ẹtohweyi arịmata. Ụbanyị ẹtohweyi anị vaa va ku ọ.

Ayịsaya 52:9

Nyima waa jị ahẹ nịnị, ẹwụ nịnị ene sị vu ẹtẹ hi Ijerusarẹmị. Ẹnẹyịmavara vaa dọ ẹkụra anịị ha, di o hunẹnẹ aza anị ayị.

Ịzakaraya 2:4

Dị ọ ka oni o zwe na ka yị ozwọọmụha ọnọọ, ka Ijerusarẹmị aa vaa vara ẹkụra ẹnẹ ẹ yị nyị ọvọ. Ọnị ọ vavọọ na kà a agụvị aza ọrụrụ ọnịrị ịsụpa ọdẹngụ ene hi ịzọọ.

Ijeremaya 31:27

Ẹnẹyịmavara kà, ọnị ka ụmẹ aa vẹ ọnị ọnị vaa mẹ ka ẹtẹ Isirẹrị ọnịrị Ijuda ẹ vị ohihi yị aza ọnịrị ịsụpa.

Ayịsaya 51:3

Ẹnẹyịmavara vaa sị ayị Anisirẹrị nẹtẹ. Ộ vaa mẹ ka ẹtẹ ẹnịnị ana vị ọpapara ò zoza anka ụbazị Edẹnị avọọ. Ayị ẹnịnị vene vee hine, dị ẹ yaa jị ahẹ ọyịza ga Ẹnẹyịmavara.

Ayịsaya 27:6

Ụmẹ ọnya aa vẹ dị Anisirẹrị nịnị ana vị ezi Ijekọvụ nyị ahụ hị́ ẹtẹ ẹtẹẹtẹrẹ. Ẹnịnị vaa yárá, dị ẹ ngụ ịrẹyị tụ́ avaba ẹhẹ.

Ahẹ Ụgama 53:6

Ọ maa navọ Ohomorihi ọ̀ hụrẹ vẹ dị ọ va mẹ ka Anisirẹrị ẹ̀ nyị ẹbẹẹba ọnịvị ẹnịnị Ịjị Ohomorihi ọ̀ọ rẹ raà mẹ ka òo zee yị Anisirẹrị, ẹnịnị vaa dàa jẹ kẹnẹ.

Inehemaya 8:17

Dị aza ana hụrẹ Ịbabịrọnị vẹ eehi jị ajẹngụ ẹnẹ ẹ ra ịnị anị ẹkụhị ịhịmba nị, dị ọzọza aa jẹ nị. Anisirẹrị ẹ yị vana maanị rị eche Ijesuwa ozi Inuni me hụrẹ su.

Ịjọọnụ 17:22

Ụbanyị ọnị ụ sị mị, ẹ́mị rẹ sị yị wa nị, agụvị dị ẹ̀ zụ vị ọnya, anka ẹ́mịrị ẹwụ mẹ̀ vị ọnya.

Ayịsaya 60:9

Ẹnịnị vị ẹpa ana hụrẹ aha onoze aa vẹ. Ệ kụ aza Ohomorihi vẹ eehi. Ệ kụ igooru ọnịrị isiriva saasa wa ọyị sị sị ụbanyị yị Ẹnẹyịmavara, Ohomorihi ọnịnị Isirẹrị. Ọnị ọ mẹ avaba ẹhẹ ka ẹ sị ụbanyị yị aza anị nị.

Ayịsaya 55:5

Ụ vaa hị́ anẹkụra ọsa nịnị, dị anẹkụra ẹnẹẹ ẹnẹ ẹ̀ yị vịdị yẹ wụ nịnị zwè ve tu wu. Ẹmị Ẹnẹyịmavara, Ohomorihi awụ nịnị, Ohomorihi Ọnịnị Ísirẹrị ọ vaa mẹ ka ọ̀ vavọọ ya nị. Mị vaa sị ụbanyị ọnịrị igirimaa yị wụ nịnị.

Ijeremaya 17:26

Ẹnẹyịmavara kà: Aza vaa hụrị ẹkụra ene hi Ijuda ọnịrị ẹkụra eweyi-eweyi ana kara Ijerusarẹmị; dị aza hụrị ẹtẹ Ịbẹnjamịnị, dị ẹ hụụnị ataba ọnịrị iruvo ataba beri eyi ụvẹtẹ Ijuda, dị ẹ kụ ịsị ịsọvọ irenyi-irenyi vị ịnị Irehi anị.

Ezikẹẹrị 37:10

Ịzẹyịza dị ọnị vavọọ kà ịsẹ anka a mẹ kà a yị ọnị nị. Kẹnẹ dị oku ẹnẹnị nyima aa tụ́ ụhwẹ nị, dị ẹnịnị kụkụ yára nị. Ẹnịnị ệ kwẹẹtẹ jẹẹ anka ọkọnị isoja nịnị avọọ.

Ayịsaya 26:15

Ẹnẹyịmavara, wa raà mẹ ka ẹkụra ayị ọ̀ yara ẹtẹẹtẹrẹ. Wâ mẹ ka ọ̀ gana eyi okiri-okiri. Ọnọọ ộ mẹ̀ ka aza ẹ̀ẹ sị ụbanyịị yị wụ.

Ijeremaya 3:16

Ẹnẹyịmavara kà, ịjị waa ta yárá tụ ẹkụra awụ nịnị, aza ẹ yị kụkụ vaa kà a ka: Apoti oto Ẹnẹyịmavara yọ. Aza ẹ yị hyakụ kụkụ vaa tamayị anị. Ẹnịnị ẹ yị kụkụ vee tenyi ọ mẹ.