Ijeremaya 29:7 - IWE ỌNỊNỊ

⁷ Ọ kà waa mẹ asịvụrị ka ò zoza yị anẹkụra ana a za wụ nịnị ọrịhị ne hi. Ẹnẹyịmavara kà waa hụ agụvị ẹnịnịị mẹ̀ aduwa ka ọnị ọ̀ mẹ ka ò zee yị wa, agụvị ize ẹnịnị ọ vaa vị awụ nịnị nị.

Ijeremaya 29:7 Referans Kwoze

Ẹzịra 6:10

Ẹ vavọọ mẹ agụvị Ohirẹsụ irehi Ohomorihi ẹ zụ mẹ̀ ịsọvọ ene hine Ohomorihi ayị, dị ẹ zụ mẹ̀ aduwa yị ọnịrị ezi anị.

Ịdanịyẹrị 4:27

Dị Ịdanịyẹrị rẹ ka, Taarụ, ọ̀ navọ ọ̀ dọ ajuwe anị, dị ọ̀ hụụnị ebira odivi ọyịmẹ̀ dị ọọ mẹ̀ ebira ọyịza. Ọ kà ọọ vayị ọnụya nịnị bẹẹ, ọnọọ ọ vaa mẹ̀ ka ò zé yọ nị.

Ẹzịra 7:23

Dị ọ ka ịsa tụra ịsa oni Ohomorihi ana nyị ẹbẹẹba èee si ịnị irehi anị, à sị yị ọ agụvị asị ọ kụ ayị hị́ ọnị avị ezi ịrẹma anị.

Aniroomi 13:1

Ọzọza ọ̀ ká ịrẹsụ hi yị aza ana aa mẹ ịjọva, agụvị ka Ohomorihi ọ sị wa tụ́ ịzọọ nị. Avaba aza ana sị ụvọ za ọda booro aanị, Ohomorihi ọ sị ọda ọnọọ yị wa nị.

Ịdanịyẹrị 4:19

Ịrẹyị ọnọnị ô hí Ịdanịyẹrị ana aā hị́ Ịbẹtịsaza irenu, dị ee ré ẹtẹ kẹnẹ nị. Dị ohinọyị kà a yọ ka, a sị ọ zẹẹ ka ụra ọnọnị ọnịrị ịsị ẹ vị iruvo anị ò hí ọnị irenu nị. Dị Ịbẹtịsaza tú ohi, dị ọ ka: Taarụ! àa yẹ ụra ọnọnị ọnịrị iruvo anị ẹ sị vị ọọza ana kụ ayị ohinọyị, dị à sị ẹ vị ohinọyị.

Aniroomi 13:5

Agụvị avọọ, â nyị ka wa ká ịrẹsụ hi yị aza ana nyị ọda nịnị, ayị vị agụvị ka Ohomorihi va kụ́ ayị kẹnẹ, ama agụvị ivehu awụ nịnị.

Ahẹ Ụgama 122:6

Waā mẹ̀ aduwa ka ẹngwọọrọ ọ yà Ijerusarẹmị. Ohomorihi ọ̀ navọ ò zee yị aza ene sì ịrẹyị Ijerusarẹmị.

Ijeremaya 38:4

Dị ẹnị ọdọvịdị nịnị na kà a yị ohinọyị ka, vị á vọrọ ka à wụ ọnọrụ ọnọnị nọ̀. Ẹ ka, ẹngụ ịrẹyị ọnị ọnị aa kà aanị, vị ọnị ọnị aa sị mẹ ka asị isoja ana vọ tụ ịnị ẹkụra kụkụ nyị ọtụtụrụma. Ẹ ka ịsị ọnyọọnya ọnị ọnị raa yịị mẹ̀ ẹ hi aza ana vọ ọ vị ọnọọ nị. Ẹ ka, ọnị ẹ yị gụ aza ụvọ vụrụ-vụrụ; vị ọnị aa kụ ọ kata wa ẹngụ kẹnẹ nị.

Ezikẹẹrị 11:16

Kàa yị anda awụ nịnị ana a za ẹwụrị ọrịhị ka, ọnị Ohomorihi ọ me ka à ku wa ve hi aha ene noze aanị, dị ọnị gara wa hi ẹkụra-ẹkụra nị. Ama ọnị vaa yàa pe wa avaba ẹkụra ẹnẹ ẹnịnị ee hi.