Ijeremaya 29:21 - IWE ỌNỊNỊ

²¹ Ẹnẹyịmavara Ochẹtẹẹngụ, Ohomorihi Anisirẹrị ọ́ raa kà ịrẹyị ọnọrụ ana aā hị́ Ahabị ozi Ikoraya ọnịrị Ịzẹdẹkaya ozi Imaseya. Ẹnịnị ee cheeche wụ nịnị ka vị ọnị tụ ẹnị ụtụ nị. Ẹnẹyịmavara kà ọnị vaa hụrẹ wa ụvọ yị Inebukadineza ohinọyị Anibabironi dị ọ wụ̀ wa eyi awụ nịnị goro-goro.

Ijeremaya 29:21 Referans Kwoze

Arụwẹ 2:14

Ireche kẹnẹ ọnịsẹ Anijuda nịnị ee che yị wa nị. Ẹnịnị ẹ yị kà ịzẹyịza yị wa, ẹnịnị ẹ yị sị zụ wa ka ẹ yaa mẹ̀ ebira odivi. Agụvị avọọ ẹnịnị ẹ yị ro ka a vọrọ ka ẹnị è ro ịnẹ varẹma.

2Ipita 2:1

Ịnị ịyẹẹyẹ, ọnịsẹ ireche nịnị hi ini Aniju nịnị. Ọnịsẹ ireche nịnị ẹnị rẹ vaa jịnẹ ịnị akakana awụ nịnị. Di e were vẹ, dị ẹyaa sị irechee zụ̀ aza, ana vaa mẹ azaa nyeeyi. Ẹ vaa kà a ka ẹnị ẹ́ yị yẹ Ijeesu Ikirisiti Ananyị yị, ọza ana hị́ wa varẹma. Agụvị avọọ, ẹ́ yị vaa jẹẹ, dị ẹ̀ wụ ẹngụ ẹnịnị và ha.

Ijeremaya 20:4

Ka, Ẹnẹyịmavara kà ọnị vaa mẹ ka Ipasihuri ọnị ụvọta òo chire ẹngụ anị angwa, dị ee chire avaba ọta anị angwa bẹẹ. Ọ kà eyi Ipasihuri goro-goro ọnịvị ẹnịnị vaa wụ̀ ọta anị ha nị. Ẹnẹyịmavara kà ọnị vaa sị avaba Anijudaa chire ohinọyị Ibabironii ụvọ, dị ọ za wa ọrịhị ne hi Ịbabịrọnị. Ẹnịnị vị ọnị ọ́ vaa wụ̀.

Ijeremaya 20:6

Ọ kà àa vị ẹwụ Ipasihuri yọ, ẹwụrị avaba aza awụ vana vaa za ọrịhị nee hi Ịbabịrọnị bẹẹ. Ẹwụrị avaba ọta awụ ẹnẹ ẹwụrị cheeche ka vị Ohomorihi tụ wụ nịnị ụtụ avọọ vene vee sú tụ ịzọọ.

Ijeremaya 29:15

Ẹnẹyịmavara kà, waa kà a nịnị ka, ọnị ộ sị ọnịsẹẹ wụ nịnị Ịbabịrọnị.

Ijeremaya 23:14

Ama ọnị o ve re ka ịsị ọnị ọnịsẹ ene hi Ijerusarẹmị aa mẹ e divi hu nị. Ọsẹrẹka vị nị, dị eyee cheeche nị. Ẹnịnị aa gụ aza ụvọ ka ẹẹ mẹ̀ ịsa ẹnẹ ẹ yị vọrọ nị, agụvị avọọ, ẹ yị nyị ọza ana dọ ka ọnị ọ̀ hụụnị ebira odivi ọ̀ yị mẹ. Ẹnẹyịmavara kà ịnị eyi anị, avaba ẹnịnị vị ene divi anka Anisodọmị ọnị Igomora.