Ijeremaya 29:17 - IWE ỌNỊNỊ

¹⁷ Ẹnẹyịmavara Ochẹtẹẹngụ ka, ọnị aa kụ́ ịrẹkụ, ụngwẹ ọnịrị ụkụ vee tù wa. Ọnị vaa mẹ wa anka ihwigi ana vụ̀ pooro dị ẹ̀ yị kụkụ wụra rị avọọ.

Ijeremaya 29:17 Referans Kwoze

Ijeremaya 29:18

Ọ kà ọnị vaa kụ́ ịrẹkụ ụngwẹ ọnịrị ụkụụ tù wa dị ọnị sị dụ wa. Avaba anẹkụra ene hi ẹhẹ vee re wa dị ayị aa hụrẹ wa ịnẹ. Ịsị ẹ mẹ tù wa vaa za azaa zizi, dị angwa ee hi wa aha tụra aha ọnị ọnị ọọ dụ wa ne hi. Aza vị ana vaa sị wa mẹ ịyẹyẹ, dị ẹ kụkụ aa sị ịrẹha ẹnịnị tụ ozirenuu hi aza.

Iruuku 21:23

Ọ vaa daa divii yị ọnịrẹẹ ọnịrị aza ana sị ozi rị ụvọ nịnị ịhị ọnọọ kẹnẹ. Ụyọrị ọbanyị vaa vẹ ịnị ẹtẹ ọnọnị, Ohomorihi vaa kụ́ ayịị hi aza ẹnẹnị.

Iruuku 21:11

Ẹtẹ vee henyi jigi-jigi aha ọrụrụ-ọrụrụ, ụngwẹ vaa kụ̀, ụkụ vee hi ẹtẹ. Apọtẹrẹwa irenyi-irenyi anaā sịị angwaa hí ọza, vaa jịnẹẹ hi ẹbẹẹba.

Ijeremaya 52:6

Ịnị ẹkụhị ịhịịna ịnị ụhwẹ ọhụna ịnị ịrayị ọnọọ gẹdẹ-gẹdẹ, Anijerusarẹmị nịnị é yi kuku re ịsa rị, dị ụngwẹ nyayịnẹ aa kụ̀ wa ẹtẹẹtẹrẹ nị.

Ijeremaya 43:11

Ẹnẹyịmavara kà, Inebukadineza vaa kụ́ ịrẹkụ ve Ijipiti, dị ọ nyị ẹbẹẹba nị. Aza anaa nyị ka ụkụ ọ̀ wụ, dị ụkụ wụ̀ wa, aza anaa nyị ka à za ọrịhị, dị a za wa ọrịhị. Aza anaa nyị ka à wụ ịnị ịrẹkụ ọnọọ, dị a wụ̀ wa.

Ijeremaya 27:8

Ẹnẹyịmavara kà, ama, àa nyị anẹkụra ọnyọọnyị, àa vị ohinọyị ana ka ẹnị ẹ̀ yị dọ ka ohinọyị Inebukadineza ọ̀ mẹ ohinọyị tụra ẹnị ịrẹsụ, ọnị vaa kụ́ ịrẹkụụ tù wa beri ụngwẹ ọnị ụkụ, dị ọnị sị sị́ ụya rị wa. Avọọ ọnị mẹ vaa mẹ wa pooro nee tu ịjị ọnị ọọ raa mẹ ka Inebukadineza ò vu wa ẹtẹ samị-samị nị.

Ẹtore 6:8

Dị mị kana eyi, di mi re umaata ọnya ana achẹrẹ anị sị mẹẹ anka areyi avọọ nị. Ịrẹha ọza ana tụra a ọ rị Iswọọza nị. Di ẹkụra aa dụ ọ ịrẹma nị. Â sị ọda yị wa tụ́ ịrẹsụ achena anẹhẹ ka ẹ̀ sị ịrẹkụ ọnịrị ụngwẹ beri ụkụ ọnịrị uye edivi ene hi ẹhẹ, dị ẹ̀ sị wụ̀ wa nị.

Ijeremaya 32:24

Wee re, Anibabironi nịnị ẹ sị kwẹẹtẹ tu yị, dị ẹ họ̀ kara Ijerusarẹmị ka ẹnị aa vaa za wa anị nị. Ịrẹkụ, ụngwẹ ọnịrị ụkụ, aza ẹnẹnị vị anaa za Ijerusarẹmị. Wee re ka vị avaba ịrẹyị ọnị ụ ka sị gẹ aanị nị.