Ijeremaya 29:13 - IWE ỌNỊNỊ

¹³ Ọ kà, u vee sì ọnị nịnị, di u re ọnị nịnị; agụvị ka avaba ayị nịnị (ịzẹyịza) ụ kụkụ ve sii si ọnị nịnị nị.

Ijeremaya 29:13 Referans Kwoze

Ahẹ Ụgama 119:2

Mị ka aza ana vavọọ aa saasa ọda Ẹnẹyịmavara, dị ẹ sị avaba ayị ẹnịnị si eyi pè ọda anị ẹ̀ nyarị ịrẹsụ ọyịza.

Imatiwu 7:7

“Wee họ̀ use ịsa nịnị ka a vaa sịị yị wụ nịnị! Wee sì ịsa nịnị ka u vee re e nịnị!

Ahẹ Ụgama 119:10

Avaba ayị amị mị sị jẹẹ pe wu nị, aarịhịnị asị ụ zẹẹ ka me nyee eyi hụụnị ọda awụ.

Ijeremaya 24:7

Ọ kà ọnị vaa sị ayị yị wa ana vaa mẹ ka ẹ̀ yẹ́ ka ọnị ọ vị Ẹnẹyịmavara nị. Ẹnịnị vaa vị aza anị, dị ọnị vị Ohomorihi ẹnịnị, agụvị ka ẹnịnị vaa sị avaba ayị ẹnịnị và a ka ọnịị vẹ.

Ijowẹrị 2:12

Ẹnẹyịmavara kà booro aanị, ẹ sị ayị ọnya ro ịnẹ hụụnị ebira odivi ẹnịnị, dị ẹ va ka ọnị vẹ. Ẹnịnị ẹ va ẹngụ hi, dị ẹẹ jị òrèrè, asị ẹẹ rị ịsa.

Ahẹ Ụgama 91:15

Ohomorihi ka aza ana vavọọ sị ayị tụra ọnị ẹ̀ẹ hị́ ọnị, ọnị vee tụ́ wa ohi. Ọ kà èe hi ịnị ẹngụkata ọnị ọ yị vaa hụrẹ wa ụvọ, ama ọnị vaa dọ waa tụ́, dị ọnị sị ụbanyị yị wa.

Ahẹ Ụgama 119:145

Ẹnẹyịmavara, ayị ọnya m maa sịị hí wụ nọ, navọ kwogwo we tụ́ mi òhi. Wèe tụ́ mi ohi, mị vaa saasa ọda ọnị ụ mẹ.

2 Ịtọpa 31:21

Ô zee yị Ihezekaya ẹtẹẹtẹrẹ, agụvị ka avaba ịsa ọnị ọ mẹ yị Irehi Ohomorihi, ọnịrị ọ́ mẹmẹ saasa ọda Ohomorihi, vị ọnị ọ́ mẹ agụvị ka ộ sị ayị yị Ohomorihi anị ọnịnya, dị ọ kụ́ ẹngụ hi ịrẹyị anị nị.

Ahẹ Ụgama 119:58

Avaba ayị amị m maa sịị dá ịpẹ ka wa vayị amị anka ụ mẹ̀ kà a nị.

2 Ịtọpa 22:9

Ịjị aza Ijehu maanị sị wa wụ̀, di e yee si Ahaziya ene zwe na tẹ̀ Isamariya nị. Ẹ mẹ za a, dị ẹ sị ọ ve tụ̀ Ijehu, dị ẹ wụ̀ ọ nị. Ẹnịnị ê ne oku anị agụvị ka ẹ sị ụbanyị yị Ijehosahwati ada anị ọbanyị ana sị avaba ayị mẹ̀ ịsị Ẹnẹyịmavara si. Ẹ yị kụkụ nyị aza ịnị ovwoovu Ahaziya ana zụ vị ohinọyị Ijuda.

2 Ohinọyị 23:3

Ohinọyị ộ jẹẹ pe ọhẹ, di o tenyi eku hị́ ọvịdị Ẹnẹyịmavara kà ọnị vaa sị avaba ayị ọnịrị ivehu anị saasa a ọnịrị avaba ọda anị. Ọnị vaa mẹ avaba ịrẹyị ana chẹrẹ tụ ịnị iwe oto ọnọọ. Dị avaba aza ene hi ịzọọ hị́ eku ka ẹnị rẹ vavọọ vaa saasa a.

Ihoseya 5:15

Ọnị ộ vavọọ sị wa mẹ, dị ọnị va nọ aha anị na ya. Ẹ vị ịjị e ro ịnẹ, di e si ọnị ka ọnị ọ gụ ẹnị ụvọ. Obobooro ọnị akanya ọ̀ọ vẹ, e vee si ọnị.

Ahẹ Ụgama 119:69

Aza ana aa mẹ eyii zị e reè cheeche irenyi-irenyi kú mị, ama avaba ayị mị sị sị saasa ọda awụ nị.

Ijeremaya 3:10

Ẹnẹyịmavara kà, dị ọ́ maanị yị mẹ avaba ẹsẹnị, onyeyiza anị, Ijuda ẹnẹẹ yị nyị ịzẹyịza ẹ yị sị ịzẹyịza và ka ọnị vẹ; vaa da ọbọ kẹnẹ nị.

1 Ohinọyị 2:4

Ộ kà a mị ka, ‘Ezi ewu ẹ̀ẹ zẹẹ di e si eyi pè oze amị nị, dị ẹ yaa sị avaba ayị ẹnịnị ọnịrị ivehu ẹnịnị mẹ̀ ebira ịzẹyịza ini eyi amị nị, ọ ka ọza ana vaa vị ohinọyị Anisirẹrị vị ana vaa yà ini ovwoovu amị pooro.’ ”

Ahẹ Ụgama 32:6

Ẹngụkata ọ̀ọ vẹ, â vọrọ ka aza Ohomorihi ẹ̀ẹ mẹ̀ aduwaa hi ọ Ẹngụkata ọnọọ ọ zụ vẹ kúkùkù ama o yi vee tù wa.

Odeyi 8:36

Ẹ màa na óze, e ve tù aha ọnya aanị, ịzị enyi yà. Di osuretu ọnọọ ka, “Enyi yọ, sị a vọrọ ka ọ̀ za mị ka asị a mẹ̀ ọyịhwọzenyi mị?”

1 Ịtọpa 22:19

Ọ kà ọyaanị, ẹnịnị ẹ̀ naa sị avaba ayị ẹnịnị ọnịrị ẹhẹ ẹnịnịị hẹkẹ Ẹnẹyịmavara Ohomorihi ẹnịnị. Ọ kà ẹnịnị è nyima ẹẹ dà irehi Ohomorihi ọnọọ booro aanị, ụvị dị ẹnịnị ẹ̀ sị apoti oto Ẹnẹyịmavara ọnịrị avaba ẹnya Ohomorihi ana vọ ana a sịị mẹ ahẹkẹ tụ́ ịnị anị.

1 Ịtọpa 28:9

Ộ kà a yị Isoromọnị ka, ozi emi, ò re ka ọnị ọọ yẹ Ohomorihi ada anị, dị ọọ̀ sị ayị ọnya hẹkẹ ẹ, dị ọ̀ rẹẹ sị ayị anịị mẹ̀ ịsa oni o si. Ọ kà Ohomorihi ộ yẹ ịsị aza ee ro, ọnịrị ịsị eyee sì. Isoromọnị ọ̀ọ ká Ohomorihi na, vi aa dọ ọ nị. Ama ọ̀ọ va ịrẹma ka Ohomorihi, vi aa và ịrẹma anị pooro zịna-zịna nị.

Ayịsaya 45:19

Ọnị e yi were ka ịrẹyị. Ọnị ẹ yị ka yị Anisirẹrị nịnị ka ẹ họ̀ use ịsa ọnị ọnị ẹ yị vaa zụ mẹ yị wa. Ịzẹyịza ọnịrị ịsa ana vọrọ ọnịị̄ kà a nị.

Ahẹ Ụgama 145:18

Ẹnẹyịmavara ộ gụrị avaba aza ana sị ayị ọnya nowu na za a.

Ayịsaya 65:10

Yị aza amị anaa hẹkẹ mị, ẹtẹ Ịsarọnị vaa vara ịzị atẹmẹ aa rị, dị inozi Aakọ vị aha ịzị ịsụpa vaa sụ́tẹtẹẹ hi.”

Ijeremaya 50:4

Ẹnẹyịmavara kà, ịjị ụmẹ ọnọọ oo tu, Anisirẹrị nịnị ẹnịrị Anijuda nịnị vaa jị òrèrè, dị eyee sì ọnị, Ohomorihi ẹnịnị.