Ijeremaya 28:6 - IWE ỌNỊNỊ

⁶ Aamị! Ẹnẹyịmavara ọ̀ vavọọ mẹẹ. Ẹnẹyịmavara ọ̀ vaa mẹẹ anka Ịhananịya mẹ kà a gẹdẹ-gẹdẹ avọọ. Dị ọ̀ kụ ẹngụ ana a kụ hụụnị irehi Ohomorihi ọnịrị aza ana a dụ ne hi Ịbabịrọnị và vẹ nị.

Ijeremaya 28:6 Referans Kwoze

Ahẹ Ụgama 41:13

Ẹnẹyịmavara, ana vị Ohomorihi Anisirẹrị, ẹwụ a vaa kụ́ avọ pooro zịna-zịna nị Aamị, mị ka aamị.

1 Ohinọyị 1:36

Di Ịbẹnaya ozi Ijehoyada tụ́ ohinọyị dị ọ ka, “Ụ mẹ̀ yị kà a avọọ ọ vị nị. Taarụ, avọọ Ẹnẹyịmavara Ohomorihi awụ mẹ̀ kị kà a nị.

Ijeremaya 11:5

Ọ kà ịjị ọnọọ, ọnị vaa mẹ ịsị ọnị hị́ eku anị yị ohiku ẹnịnị, ka ọnị vaa sị ẹtẹ ịzị ịsụpa ẹnịnị ọnịrị ịsa ịnị aarẹ ẹnịnị vaa ha dị ẹ yaa mẹ ẹtẹẹtẹrẹ yị wa. Ẹtẹ ọnọọ ẹnịnị yà ịnị aanị nị. Dị Ijeremaya tụ́ ohi ka, Ẹnẹyịmavara, ọ̀ vavọọ ya (aamị).

Ẹtore 19:4

Dị azọkụ ohurẹẹna ẹnẹẹ beri ịsa ẹẹna ẹnẹẹ ana nyị ụhwẹ tana tụra ẹtẹ, dị ẹ hẹkẹ Ohomorihi ana yaayịtẹ ịnị aga ohinọyị ọnọọ nị. Dị ẹ ka, “Aamị; Ụga ọ vị yị Ẹnẹyịmavara nị!”

Ẹtore 5:14

Dị ịsa ẹẹna ana nyị ụhwẹ avọọ ka Aamị nị. Dị azọkụ ohurẹẹna ẹnẹẹ tana tụra ẹtẹ, dị ẹ hẹkẹ ọza ọnọọ ana yára pooro zịna-zịna nị.

Ẹtore 3:14

Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Irayodesiya ka: Ọza ana rị Aamị, anaā kà ịzẹyịza, dị a zụ sị ayị tụraa, ọ tụ́ ụtụ ọnọnị nị; avaba ịsa oni Ohomorihi tụ́ vị ana rẹ hụụnị ụvọ anị vẹ:

Ẹtore 1:18

Ọza ana yára mị vị nị. Mê vịdị sú, ama re, booro aanị mị kụkụ yára pooro zịna-zịna nị. Ẹma nyị ọda isu ọnịrị ini eku nị.

2 Anịkọrịntị 1:20

Agụvị avọọ avaba ịsa oni Ohomorihi kà a ka ayị zụ nyị ka ọnị ọyị vaa mẹ, Ijeesu ọ vị hịịn tụ́ ịnị ịsa ẹnẹẹ nị. Agụvị avọọ ịị̄ kà a ka “Aamị” ini oze anị nị, dị yaa sị ụbanyịị yị Ohomorihi.

1 Anịkọrịntị 14:16

È yị vị avọọ, wàaa sị ụkata Ụhwẹ Ohomorihi ga Ohomorihi, aza ẹnẹ ẹ̀ yị wụ́ ẹkụra ọnị ụ waa kà, mẹmẹ zụ kà a ka, “Aamị” tụ́ ịnị ụga ọnị ụ waa sịị yị Ohomorihi? Wâ yẹ ka ọ yị wụ́ ịsị ụ waa kà.

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Imatiwu 6:13

Asị ụ sị yị tụ ịnị ọyịzamare, ama dọ yị ha hụụnị ụvọ Echu. (Agụvị ka ẹwa vị Ohinọyị, dị ụ nyị avaba ụkata ọnịrị igirima pooro zịna-zịna Aamị!)

Ijeremaya 28:3

Ọ kà Ẹnẹyịmavara kà, ịnị akakana ịrayị ẹẹva, ọnị vaa kụ avaba ẹnya ọnị ohinọyị Inebukadineza kụ hụụnị irehi Ohomorihi ne hi Ịbabịrọnị vaavẹ ịzị ẹnị.

Ijeremaya 18:20

Ọnị ka, áá vọrọ ka aa sị odivii sị́ atọ ọyịza? Ama aza anị ẹ raa chị́ ụsị ka ọnị ò ve horo ngụ ọ. Ẹnẹyịmavara ọ̀ navọ ọ̀ tamayị ọnị mẹmẹ hụvị ẹnịnị va dá ịpẹ yọ, ka asị ọ́ kụ ayị hi wa.

Ijeremaya 17:16

Ijeremaya ka, ama, Ẹnẹyịmavara, ọnị ẹ́ yị kà a ka wa kụ́ ẹngụkata ve tu wa o. Waa yẹ ka ọnị ẹ yị va ụva ka à nyị ụmẹ ọnị ẹngụkata si tu wa. Waa yẹ ịsị ọnị kà.

Ahẹ Ụgama 106:48

À vẹ vị yaa kụ́ Ẹnẹyịmavara ana vị Ohomorihi ana Anisirẹrị aa hẹkẹ avọ pooro zịna-zịna. Avaba aza ẹ̀ kà a ka Aamị. À vẹ yaa kụ́ Ẹnẹyịmavara.

Ahẹ Ụgama 89:52

Ẹnẹyịmavara ẹwụ mị vaa kụ́ avọ pooro nị. Aamị, mị ka aamị.

Ahẹ Ụgama 72:19

Ẹwụ ana maanị nyị ụbanyị, ị vaa kụ́ wụ avọ pooro nị. Ụbanyị awụ vi ene vee chì avaba ẹhẹ ẹngụ. Aamị, mị ka Aamị.

1 Ịtọpa 16:36

À vẹ yaa kụ́ Ẹnẹyịmavara ana vị Ohomorihi Anisirẹrị. A vẹ yaa kụ́ avọ pooro zịna-zịna. Dị avaba aza ka, “Aamị”, à vẹ yaa kú Ẹnẹyịmavara nị.

Ịrịka 5:22

Enyi ọnọnị ọ ngụ ọ ịnẹ di o wu, dị ịhị ozi anị o kachị, dị usi anị e wu. Dị ọnyẹnẹẹ ọnọọ ha aamị.

Ịzakaraya 6:10

Ọ kà a Ịzakaraya ọ dọ ẹyịza Iheridayi, Itobaya, ọnịrị Ijedaya ana hụrẹ Ịbabịrọnị varẹma vẹ eehi, obobooro ọnọọ ọ sị nọ ịnị eehi Ijosaya ozi Ịzẹhwanaya.