Biblia Todo Logo
Bib sou entènèt

- Piblisite -




Ijeremaya 27:7 - IWE ỌNỊNỊ

7 Avaba anẹkụra vị ana vaa kụụ hẹkẹ e. Ẹnịnị vaa kụụ hẹkẹ ezi anị ọnịrị aazị anị pooro nee tu ụmẹ ọnị ẹkụra anị ọnị rẹ vaa sị sẹ̀ ẹdụ. Dị anẹkụra anị ẹnị rẹ vaa kụụ hẹkẹ anẹkụra ọrụrụ-ọrụrụ ana nyị ụkata ẹtẹẹtẹrẹ ẹnịrị ohinọyị ẹbanyị-ẹbanyị nịnị.

Gade chapit la Kopi




Ijeremaya 27:7
29 Referans Kwoze  

Ịnị ana tụ ọ ịrayị ohurẹwụrịhịmba ana za ohinọyị Ijuda ana aā hị́ Ijehoyakimi ọrịhị, na tu ịnị ẹngwa Ịbabịrọnị, ịnị ẹkụhị ẹwụrẹva ịnị ụhwẹ ẹwụrẹva ịrayị ọnọọ, dị a sị ọnọrụ ọnya aanị ana aā hị́ Evirimerodaki rị ohinọyị Ịbabịrọnị nị. Ịnị ịrayị ọnị ọ rị ohinọyị, dị ọ vayị Ijehoyakimi, dị ọ sị ọ hụụnị ẹngwa nị.


Dị ẹkụra ọbanyị ọnọọ che hi oze ẹẹta nị. Dị ẹkụra avaba ẹhẹ hyẹdụ va hi ẹtẹ nị. Ohomorihi ọ́ọ tamayị ẹkụra ọbanyị Ịbabịrọnị ọnọọ, dị ọ ká ọyịkụ ọbanyị anị tụ́ ini ako yọ ka ò hú ọọ nị.


Dị anggẹẹrị ọsa aa saasa anggẹẹrị ịpaapa, dị aa hị́: “Ịbabịrọnị ọ sị hyẹdụ, ẹkụra ọbanyị ọnọọ ọ sị hyẹdụ; ọ sị ọyịkụ Ohomorihi yẹ, agụvị ka ọ raà kụ́ anẹhẹ ka ẹ̀ẹ sẹ̀ ịrẹka.”


Angwa vee hi wa ịhị aza ẹnẹ rị ụta ẹ ngụ tu wa avaavoo. Dị ẹ ngụ tu wa, dị ẹ dọ wa avaba ịsa ẹnẹ ẹ nyị, di ivoovo za wa jẹẹ.


Ụmẹ ọnya kẹnẹ di o vene nowu dị ọ ka, “Aza ẹnẹẹ aa vẹ avọọ nọ! Ẹnịnị vị ana tụra umaata aa vẹ ẹvẹẹva!” Dị ọ rẹ ka, “Kwaa-kwaa, Anibabironi ẹ sị hyẹdụ, mị ka ẹ kụ́ hyẹdụ bemi! Avaba ori anị ana a bẹ vị ana maanị gara hi ẹtẹ.”


Etore ịrẹyị ene vee tù Anibabironi ọnị Ohomorihi sị zụ Ayịsaya ozi Amozi yị.


Aza edivi ẹ̀ẹ vavọọ mẹ, dị Ẹnẹyịmavara nyị wa unyi kẹnẹ Ộ yẹ ka ọ yị jẹẹ dị a wụ̀ wa va ha.


Ẹnịnị vị ana vaa kụ nee hi Ịbabịrọnị, dị ẹ kụkụ yà ịzọọ pooro nee tù ụmẹ ọnị ọnị ọọ sị va eyi vẹ ịnị ịrẹyị ẹnịnị. Dị ọnị kụ wa vavẹ va tụ aha anị ịzẹnị.


Ijeremaya ka Ẹnẹyịmavara ộ kà ịrẹyị yị ọnị ụmẹ ọnị Inebukadineza ohinọyị Ịbabịrọnị ọnịrị ezirẹkụ anị sị kụ ịrẹkụ ve tu Ijerusarẹmị. Ezirẹkụ avaba ẹkụra ọnị Inebukadineza aa mẹ ohinọyị tụra ịrẹsụ vị ana saasa a kụ ịrẹkụ ve tu Ijerusarẹmị ọnịrị ẹkụra ana kara a ụmẹ ọnọọ.


Ọ kà, ọnị vaa sị Ihohwira, ohinọyị Ijipiti chire ọnịvị anị enee si ọ usu ụvọ, anka ọnị mẹ sị Ịzẹdẹkaya, ohinọyị Ijuda chire Inebukadineza, ohinọyị Ịbabịrọnị ụvọ. Ọnịvị anị ọ̀ vị, dị ee si ọ usu nị.


Ijeremaya ka, ụmẹ ọnị Inebukadineza, ohinọyị Ịbabịrọnị sị kụ́ ịrẹkụ ve tu Anijipiti, Ẹnẹyịmavara ộ kà ịrẹyị yị ọnị, ọ ka


Dị ọ ka ohinọyị ọ taarụ nị, Ohomorihi ana mẹ ẹbẹẹba ọ mẹ̀ ẹ ka ọ̀ vị ohinọyị ene huna ohinọyị nịnị nị, dị ọ mẹ ka ọ̀ nyị ụkata ọnịrị ụbanyị nị.


Inebukadineza ohinọyị ọ vị ọchị ọnọọ nị. Ọ kà, udi anị ộ ta ka hịrẹ, dị aa mẹ ọdaa tụ ịrẹsụ avaba anẹhẹ nị.


Ẹnịnị vị anaā vịdị aa sị àko dọ aza ọnịrị anẹkụra ẹnya para hu, dị ẹ yaa wụ́ aza ha. Booro aanị aza ana ha hụụnị ụvọ ẹnịnị vaa vara eyii sị ụya rị wa agụvị aza ẹnẹ wụ̀ ọnịrị ezigi ẹnẹ ẹ kụ́ hi ẹtẹ.


Ọnị vaa sị ụkata yị ohinọyị Ịbabịrọnị, dị ọnị sị́ ụhwọ anị chire e ụvọ. Ama ọnị vee che ohinọyị Ijipiti ụvọ. Ó vee rimanya, dị ọ sú tụ ọvịdị ọnịvị anị nị.


Swiv nou:

Piblisite


Piblisite