Ijeremaya 26:21 - IWE ỌNỊNỊ

²¹ Ịjị ohinọyị Ijehoyakimi ọnịrị isoja anị nịnị beri ẹnị ọdọvịdị nịnị wụ́ ịrẹyị ọnị Uriya kà, dị eyee sì ọ ka ẹnị aa wụ̀ ọ nị. Ama Uriya ộ wụ ọ dị ó zwe na tẹ̀ Ijipiti nị agụvị ka angwa ee hí ọ.

Ijeremaya 26:21 Referans Kwoze

Imatiwu 10:23

Ịjị àaa sị ụyaa rị wụ nịnị ịnị ẹkụra ọnya, zwe nọ ịnị ẹkụra ọsa nịnị! Dị ma kà a wụ nịnị, wẹ yị va zụụ ngụ avaba ẹkụra Anisirẹrị ta, dị ẹmị Ozi ọza onigirima ọ̀ vavẹ.

Imatiwu 14:5

Ịhẹrọdị yaanị sị Ịjọọnụ wụ, ama angwa aza ee hí ọọ, agụvị ka avaba aza ệ dọ ka Ịjọọnụ vị ọnịsẹ.

Ijeremaya 36:26

Ama dị ọ tụ ozi anị ọnya ana aā hị́ Ijerahimẹẹrị beri anọrụ ana aā hị́ Iseraya ozi Azireri ọnịrị Iseremaya ozi Abideeri ka ẹ̀ na za Ibaruki ọnịrị Ijeremaya ana vị ọnịsẹ vẹ nị.

2 Ịtọpa 16:10

Ịrẹyị ọnọnị ọ mẹ ka Asa ọ kụ́ ayị hi ọnịsẹ ọnọọ, dị ọ ka a kụ́ ịchẹkẹchẹkẹ hi ọ ụvọ tụ ịnị ẹngwa nị. Hụrẹ ụmẹ ọnọnị Asa nyima aa chamayị yị aza anị ẹnyị nị.

Ịmaakị 6:19

Agụvị avọọ dị Iherodiya aa kụ́ ayị Ịjọọnụ ẹtẹẹtẹrẹ, di ee sì ka ọnị ọ̀ wụ ọọ nị. Ama ọ yị nyẹngụ wụ ọọ,

Imatiwu 10:39

Ọza ana àa ka ọnị aa sị ụhwẹ anịị tẹ, vi ee vú ọọ nị. Ọza ene èe ne ụhwẹ anị ta agụvị amị, vị aa sị ọọ tẹ nị.

Imatiwu 10:28

Asị u hí angwa aza anaā wụ ọchẹngụ ọza kẹnẹ, ama dị ọ̀ yị zụ wụ ụhwẹ anị. Ama wee hí angwa ọza ana ahịka o zụ du ọchẹngụ ọnịrị ụhwẹ ọza ha ini ẹkụra!

Ụhịrẹyị 29:25

Ọza ene e hí angwa ọza vị ana a va ịrẹpa zi ẹngụ anị, ama ọza ana sị ayị tụra Ẹnẹyịmavara ọ sị ha.

Ahẹ Ụgama 119:109

Ụmẹ tụra ụmẹ mịị sịị sị ịrẹsụụ tụ isu nị, ama me yi ree hí ayị ọda ọnị ụ mẹ.

2 Ịtọpa 24:21

Dị ẹnịnị geyi tu ọ, dị ohinọyị mẹ̀ ọda ka a sị ịrẹta wụ́ Ịzakaraya ịnị ohweje irehi Ohomorihi nị.

Ijeremaya 26:10

Ijeremaya ka ịjị ẹnị ọdọvịdị ẹkụra wụ ịsị ana mẹ, dị ẹnịnị hụụnị irehi ohinọyị va ngụ ịnị irehi Ohomorihi nị. Ẹ va sị ngụ ịnị irehi Ohomorihi, dị ẹ yaatụ enoze ọwọọwa ana a zịị ngụ ịnị irehi Ohomorihi nị.

Ijeremaya 38:4

Dị ẹnị ọdọvịdị nịnị na kà a yị ohinọyị ka, vị á vọrọ ka à wụ ọnọrụ ọnọnị nọ̀. Ẹ ka, ẹngụ ịrẹyị ọnị ọnị aa kà aanị, vị ọnị ọnị aa sị mẹ ka asị isoja ana vọ tụ ịnị ẹkụra kụkụ nyị ọtụtụrụma. Ẹ ka ịsị ọnyọọnya ọnị ọnị raa yịị mẹ̀ ẹ hi aza ana vọ ọ vị ọnọọ nị. Ẹ ka, ọnị ẹ yị gụ aza ụvọ vụrụ-vụrụ; vị ọnị aa kụ ọ kata wa ẹngụ kẹnẹ nị.

1 Ohinọyị 18:10

Mâ sị Ẹnẹyịmavara Ohomorihi awụ hị́ eku ịnị ịrẹyị ọnị maa vaa kà aanị. Ẹ yị nyị ẹkụra ọnịrị ịnị ẹtẹ ohinọyị ọnị ọga amị, ọ̀ yị tụ́ ka è ne sì wụ. Ẹ̀ẹ ka ẹnị e yi re wụ, dị ọ ka ẹ̀ hị́ eku ka ịzẹyịza ẹnị ẹ yi re wụ.