Ijeremaya 25:4 - IWE ỌNỊNỊ

⁴ Ẹnẹyịmavara ộ tụ ezi ahụ anị, ọnịsẹ nịnị hi wu nịnị pooro, wee yi ka wẹ yị sị ụtọ pe ẹtẹ dị wa wụ nịnị.

Ijeremaya 25:4 Referans Kwoze

Ijeremaya 25:3

Ọ sị mẹ ịrayị ohurẹẹta ọnị Ẹnẹyịmavara hụrẹ ee pe ọnị kà ịrẹyị. Hụrị ịrayị ẹwụrẹta ọnị Ijosaya ozi Amọnị sị vị ohinọyị Ijuda pooro va ngụ ajịnị ọ́ vavọọ aa kà ịrẹyị yị ọnị nị. Ijeremaya ka, ẹ́ yị nyị ịsị Ẹnẹyịmavara kà yị ọnị ọnị ẹ̀ yị kà yị wa. Ama wẹ yị wụ nịnị.

Ijeremaya 26:5

ẹnịnị ẹ̀ yị saasa ịrẹyị ezi ahụ anị ọnịsẹ nịnị ọnị ọ naa tụụ hi wa pooro dị ẹ ka ẹnị ẹ́ yị wụ aanị.

Anihiburu 12:25

Agụvị avọọ, sị eyi pe ẹngụ awụ nịnị, asị u ne yi ọza ana aa kà ịrẹyịị wụ nịnị! Aza ẹnẹẹ ene yi dị ẹ̀yị wụ́ ọnọ ọza ana a kà ịrẹyị Ohomorihi yị wa ịnị ẹhẹ ọnọnị, ẹ yị há. Ẹyị èe re ve yi, dị yẹ̀ yị wụ́ ọnọ ana aa kà a hụrẹ ẹbẹẹba vẹ nị, wéé ro ka ya zụ há vụrụ-vụrụ?

Ijeremaya 36:31

Ẹnẹyịmavara kà ẹwụrị ezi ewu beri ọdọvịdị ana kara awụ, vị ọnị ọnị vaa sị ụyaa rị agụvị avaba ebira odivi ẹnẹ ẹ mẹ. Ọ kà ẹwụrị aza ene hi Ijerusarẹmị ọnịrị Ijuda ẹ́ yị wụ́ ịrẹyị anị ọnị maa kà wụ, nịnị ọnọ. Agụvị avọọ, avaba ụya ọnị ọnị wo oto ka ọnị vaa sịị rị wụ nịnị, vị ọnị ọnị vaa sịị rị wụ nịnị ịzẹyịza.

Ijeremaya 32:33

Ọ kà, ẹnịnị ệ varẹma ka ọnị, ọnị ọ ka ịrẹyị yị wa pooro ẹnịnị ẹ́ yị wụ́ ịrẹyị anị.

Ijeremaya 29:19

Ẹnẹyịmavara kà aanị ọ́ mẹ vaa yà yị wa nị, agụvị ka ẹnịnị ẹ́ yị saasa ịrẹyị anị ọnị ọnị aa sịị tụ ezi ahụ anị ọnịsẹ nịnị hi wa. Ẹnịnị ee yí ka ẹnị ẹ yị wụ.

Ijeremaya 22:21

Ụmẹ ọnị o si zee yi wụ nịnị, Ẹnẹyịmavara ộ kà ịrẹyịị ụ, ama ụ ka wẹ yị wụ nịnị. Avọọ ụ mẹ mẹ nịnị ụ́ mẹ hụrẹ vẹ ẹhẹ nịnị nị. Wẹ́ ma saasa ịrẹyị Ẹnẹyịmavara nịnị.

Ijeremaya 19:15

Ẹnẹyịmavara Ochẹtẹẹngụ, Ohomorihi Anisirẹrị ọ́ sị ọ ka ka, ọnị vaa sị ụyaa rị Anijerusarẹmị nịnị ọnịrị avaba anẹkụra ana kara wa anka ọnị mẹ kà a, agụvị ka ẹnịnị aa mẹ ayị ọkatẹngụ, ẹnịnị ẹ yị saasa ịrẹyị anị.

Ijeremaya 18:12

Ama ẹnịnị vee tụ́ ohi ka, ịzị ọ na vị, sị ẹ vẹ dị ẹnị aa vaa và hụụnị ayọkatẹngụ ọnịrị ebira odivi ẹnịnị?

Ijeremaya 17:23

Ẹnẹyịmavara kà, ohiku ẹnịnị ẹ́ yị wụ́ ịrẹyị anị. Ama ệ mẹ ayị ọkatẹngụ, ẹnịnị ẹ́ yị wụ́ chire ọnị, ẹnịnị ẹ yị dọ ka ọnị ọ̀ zụ ẹnị ịsa.

Ijeremaya 16:12

Ẹnẹyịmavara kà ebira odivi Anijuda nịnị o divi huna oohiku ẹnịnị nị. Ayị ẹnịnị vana katẹngụ dị ahịka ịsị odivi ene sì kẹnẹ ẹyaa mẹ nị. Ẹnịnị ẹ́ yị saasa ịrẹyị anị.

Ijeremaya 25:7

Ama Ẹnẹyịmavara kà wee yi ka wẹ yị wụ́ ịrẹyị anị nịnị. Waa mẹ ka ọnị ọ̀ kụ ayị hi u nịnị agụvị ori awụ nịnị, dị ụ sị kụ ụya tu ẹngụ awụ nịnị nị.

2 Ịtọpa 33:10

Ẹnẹyịmavara ộ ka Ịmanasẹ ọnịrị aza anị ọnọ, dị ẹ yị wụ́ chire ẹ nị.

Ijeremaya 6:17

Ẹnẹyịmavara ọ va nyị aza ka ò sị eyi pe wa, dị ọ ka, ẹnịnị ẹ̀ sị ụtọ pe e ịjị oo hú ịkakanchị ọ yị ka wa ọnọ nị. Ama ẹnịnị ka ẹnị ẹ yị vaa wụ́.

2 Ịtọpa 24:19

Ẹnẹyịmavara ộ tụ́ ọnịsẹ ka ọ ka wa ọnọ ka ẹ varẹma ka ọnị vẹ. Ama ẹnịnị ẹ yị wụ́.

Ịzakaraya 1:4

Asị ẹ hama ebira ohiku ẹnịnị ịyẹẹyẹ ọnị ọnịsẹ nịnị kà yị ka Ẹnẹyịmavara Ochẹtẹẹngụ ka ẹ hụụnị ebira odivi ọnịrị ẹhẹ kẹnẹ-kẹnẹ ọnị ẹ yaa ra. Ẹnịnị ẹ̀ yị hyakụ sị ụtọ pe ịrẹyị ọnịsẹ ẹnẹẹ, a vị ka ẹ wụ́ chire Ẹnẹyịmavara.