Ijeremaya 25:32 - IWE ỌNỊNỊ

³² Ẹnẹyịmavara Ochẹtẹẹngụ ka ịrẹyị odivi aa kà ẹkụra Ikonya-ikonyara vẹ. Opomi ọbanyị o si nyima aa kụ ụ gụ ịnị ẹhẹ.

Ijeremaya 25:32 Referans Kwoze

Ijeremaya 23:19

Re, Ẹnẹyịmavara àa kụ ayị, vị ọ sị mẹ anka opomi avọọ nị. Ọ vaa tụ́ ne ku aza edivi ịrẹsụ anka okoruwa avọọ nị.

Ayịsaya 34:2

Ẹnẹyịmavara aa kụ́ ayịị hi avaba anẹhẹ ọnịrị avaba isoja ẹnịnị. Avaba ẹnịnị vị ọnị ọ vaa mẹ ka à wụ và ha saka-saka.

2 Ịtọpa 15:6

Á kụ́ ẹnịnị ga hi keni-keni ánẹkụra ẹnyị maa mẹ̀ ehunaa yị ọsa, dị anẹkụra ọbanyị ẹnyị aa mẹ̀ ehunaa yị ọsa, agụvị ka Ohomorihi aà kụ́ ẹngụkata ọnịrị ayodu tù wa nị.

Ijeremaya 30:23

Re, Ẹnẹyịmavara àa kụ ayị, vị ọ sị mẹ anka opomi avọọ nị, ọ vaa tụ́ vee ku aza edivi ịrẹsụ anka ahị anaa tụ́ kukuku avọọ nị.

Ayịsaya 30:30

Ịjị Ẹnẹyịmavara aa kà ịrẹyị ịnị ụbanyị ẹngụ anị, ọ vaa mẹ ka aza ẹ̀ wụ́. Ọ rẹ vaa mẹ ka ẹ̀ yẹ ka ayị aa kụ́ ọnị. E vee re ọ́ màa sị ụkataa kụ́ ayị ka ọyịkụ ọnọọ ộ ngụra ẹtẹẹtẹrẹ. Eguhi vị ana aa dà, dị apaana ihinẹba aa há, dị ata ihinẹba aa zụụ hi ẹtẹ.

Iruuku 21:25

Dị Ijeesu ka, “A vaa nyị apọtẹrẹwa ịnị ọyị ọnịrị ịnị ụhwẹ beri ụzọmị nịnị. Anẹhẹ nịnị vaa rị ụya ẹtẹẹtẹrẹ, dị ayị ẹnịnị kụ́ vazi agụvị òkū ana aa dà, dị aa sụ́ ịrẹyị.

Iruuku 21:10

Dị ọ rẹ kà a yị wa ka, “Anẹkụra ẹnyị vaa kwẹẹtẹ tù ọsa, dị ẹkụra ohinọyị ẹnyị rẹ kwẹẹtẹ tù ọsa.

Ịzẹhwanaya 3:8

Dị Ẹnẹyịmavara kà ee nee zi ẹkụhị ọnị ọnị vaa kwẹẹtẹ tù wa. Ọ kà, ọnị vaa kú avaba ẹkụra ọnịrị ịjọva ẹkụra irenyi-irenyi gụ dị ọnị ọ kụ́ ayị hi wa. Dị avaba ẹtẹ rị ịra agụvị ka ayị anị aa dà ọva.

Ayịsaya 66:18

Ẹnẹyịmavara kà ọnị ọ yẹ ịsa ọnị e yee ro ọnịrị ebira ẹnịnị. Ọnị aa vẹ vaa kụ avaba anẹhẹ gụ. Ịjị ẹ̀ẹ sị gụ, ẹ vaa yẹ ụkata anị za.

Ayịsaya 5:28

Ọpa ẹnịnị ệ rẹ, ọzọza vị ana tụra ọkịta anị. Ẹtụpa umaata ẹnịnị ộ katẹngụ hu ịrẹta. Ụkẹkẹ ịrẹkụ ẹnịnị oni umaata tụra ọnị ộ rẹ anka ahị.

Ijeremaya 6:22

Ẹnẹyịmavara kà, re, aza ẹ raa hụrị ẹkụra ọnya eyi ẹbẹẹba aa vẹ; Anẹkụra ana dẹngụ hụrị aha ẹnẹẹnẹ ee tenyi ẹngụ ịrẹkụ.

Ijeremaya 6:23

Ẹnịnị ẹ raa kụ ọpa ọnịrị ọha; aza edivi ẹ vị nị, ẹnịnị ẹ ma vayị ọza. Ẹẹ tụra umaata aa vẹ dị ụ aa wụ́ ịrẹyị anka enyi ịnị oku anaa da vụụvụ avọọ. Ẹnịnị ẹ sị ẹngụ tenyi ọ yị ve pe Ijerusarẹmị kụ̀ ịrẹkụ.