Ijeremaya 25:26 - IWE ỌNỊNỊ

²⁶ avaba ohinọyị Ịbabịrọnị ana ya aha ene noze ọnịrị ana gụrị ẹtẹ, ikonya-ikonya, ọnịrị avaba ohinọyị ene hi ẹhẹ ọnọnị. Ịrẹma ẹnịnị dị ohinọyị Ịbabịrọnị ọnị ò re ve hú.

Ijeremaya 25:26 Referans Kwoze

Ijeremaya 51:41

Ẹnẹyịmavara kà, tee! Ịbabịrọnị ana avaba anẹhẹ maanị aa gā á maanị zá aanị nịị? Ịrẹyị anị kụkụ ee chire anẹkụra ana vọ nịnị angwa ẹnịnị mee re e.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ihabaku 2:16

Booro aanị, Ẹnẹyịmavara vaa mẹ̀ ụhị nyị ọ, dị ọ rẹ rị ụya ọnị ọ sị̀ yị aza rị. Dị aza ẹnị ree re ahwaahụ anị, dị ụhị nyị ọ eyi ẹnịnị.

Ezikẹẹrị 32:30

Avaba ẹnị ọdọvịdị anị eyi ẹbẹẹba ẹnịrị Anisidoni nịnị hi ịzọọ. Ệ vịdị sị ụkata ẹnịnị kụ ayịhụrịnẹ hi avaba da, ama booro aanị, a sị ụhị mẹ nyị ẹnịrị aza a maa kụ̀ ịrẹkụ. A sị wa ne. Ụhị ọnyọọnya a mẹ nyị ẹnịrị aza anaa nọ ịdị aneku nị.

Ijeremaya 25:12

Ọ̀vavẹ ịrẹma anị, dị ọnị vaa sị ụyaa rị ohinọyị Ịbabịrọnị ọnịrị ẹkụra anị agụvị ebira odivi ẹnịnị. Ọ kà ọnị vee vu ẹkụra ọnọọ ẹtẹ dị ọnị jị ọ eburu tịtẹ pooro nị.

Ayịsaya 51:23

Ọnị vaa sị ako ọnọọ yị aza anaa mẹ ẹvaya yị wụ nịnị. Aza ana za wụ nịnị tana tụra ẹtẹ, dị ẹ yaa kụ ahụ hi wụ nịnị parahu anka edudu oze avọọ.

Ijeremaya 51:51

Ọ kà ẹwụ nịnị aza anị aa kà a ka, asị ụhị mẹ nyị wụ nịnị. Ụ ka wé yị re ọza gụ wụ nịnị ụvọ vụrụ-vụrụ agụvị ka anẹkụra ọsa ẹ́ raa ngụ ịzị ẹ́ vị aha Óhomorihi ọnị nya ịnị irehi anị.