Ijeremaya 25:16 - IWE ỌNỊNỊ

¹⁶ Ọ kà ẹnịnị ee hú ịnị anị, ọ vaa mẹrị wa, dị ẹnịnị ẹ́ yị kụkụ yẹ ịsị ẹyaa mẹ, agụvị ka ọnị aa kụ́ ịrẹkụ nee tù wa.

Ijeremaya 25:16 Referans Kwoze

Ịnahụmị 3:11

Anininivẹ vaa vanga anka ọza ọnị eche aa mẹrị avọọ. Ẹ vaa sị vụrụ ka ẹnị e zwe ẹ̀ yị ọnịvị ẹnịnị nị.

Ijeremaya 51:7

Ẹnẹyịmavara kà, Anibabironi nịnị vị ana sị mẹẹ anka ako ana a sị igooru mẹ̀ ọnị ọnị sị rị ụvọ, dị ẹnịnị kà avaba anẹhẹ eche nị. Ẹkụra-ẹkụra ê hú eche anị, ẹnịnị ẹ̀ yị kụkụ yẹ ịsị ẹyaa mẹ.

Ẹtore 18:3

Ọ raà mẹ ka avaba anẹkụra ẹ dọ ọda ebira ịdọtị ọnị ọọ̄ mẹ̀. Ohinọyị anẹhẹ nịnị e reè pe e sẹ̀ ịrẹka. Agụvị ka ụbanyị anị ẹ mā hụ ọọ, ọ raà mẹ ka osohu anẹhẹ nịnị ẹ̀ vara ọnyẹkẹhị.

Ẹtore 14:10

ọ vaa yẹ ọyịkụ Ohomorihi. Ọyịkụ anị ọnọọ vị ana sị mẹẹ anka ẹchịpa ohuru-ohuru avọọ, ọnọọ ká tụ́ ini ako ọyịkụ anị ana aza ẹnẹẹ vee hú. Dị ẹ yaa rị ụya ịnị ịra anaa sị ohuru tụ́ éyi anggẹẹrị ọnịnị nịnị ọnịrị Ozi Atẹmẹ ọnọọ.

Arụwẹ 4:21

Ẹwụ nịnị Anedomi ọnịrị Anuzi waa jẹ ịrajẹ, dị waa mẹrị nịnị booro aanị. Ama yẹ́ ka ụyọrị awụ nịnị aa vẹ ịsọnsọọnị. U vee hu ụya anka eche dị aa mẹrị wụ, dị ụ tụ ẹngụ awụ ahwaahụ.

Ijeremaya 51:39

Ẹnẹyịmavara kà, ịjị aa raa hị́ wa ịrẹkụ kẹnẹ, ọnị vaa mẹ ịsọyịrị yị wa, dị ọnị kà wa eche, di ẹyaa jẹ. Ẹnịnị vanaa sụ̀ dị ẹ yị ma vana ha.

Ijeremaya 25:27

Dị Ẹnẹyịmavara kà a yị Ijeremaya ka ọ̀ kà a yị yị avaba aza ka, ọnị Ẹnẹyịmavara Ochẹtẹẹngụ, Ohomorihi Anisirẹrị ọọ mẹ ọda yị wa ka ẹnịnị è hú eche ọnọnị ne tu ịjị aa mẹrị wa dị ẹyaa hẹrẹ nị, ẹ̀ vavọọ hú ọ ne tu ka ẹnịnị ẹ̀ sẹ ẹdụ dị asị ẹ́ kụkụ zụ kwẹẹtẹ, agụvị ka ọnị aa kụ́ ịrẹkụ nee tù wa.

Ẹtore 14:8

Dị anggẹẹrị ọsa aa saasa anggẹẹrị ịpaapa, dị aa hị́: “Ịbabịrọnị ọ sị hyẹdụ, ẹkụra ọbanyị ọnọọ ọ sị hyẹdụ; ọ sị ọyịkụ Ohomorihi yẹ, agụvị ka ọ raà kụ́ anẹhẹ ka ẹ̀ẹ sẹ̀ ịrẹka.”

Arụwẹ 3:15

Ohomorihi ọ raà dà ụya ana ngụ ajẹ yị ọnị rị, dị ọ sị àyodu mẹ enyi yị ọnị ka ọnị oo hú ọ nị.

Ọbadaya 1:16

Anka ẹnịnị mẹ mẹ̀ aza Ẹnẹyịmavara ana ra ịrẹsụ ataba anị ẹsẹvẹsẹvẹ, avọọ gẹdẹ-gẹdẹ anẹkụra ana kara wa mẹ vaa sị eyi ẹnịnị re ẹẹva nị. Ẹnịnị vaa rị ụya ana ngụ ajẹ, di e su, dị ayị ẹnịnị hí ịnị ẹhẹ.

Ijeremaya 13:12

Ọ kà Ijeremaya ọ̀ kà a yị wa ka, Ẹnẹyịmavara, Ohomorihi Anisirẹrị nịnị ka, avaba okoko eche ẹnịnị vaa vị ohihi yị eche. Ẹnịnị ve tụ́ ohi ka, aanị ka vị ẹnị ẹ yị vịdị yẹ ka avaba okoko eche ẹnịnị vee hi yị eche nị?

Ijeremaya 13:14

Ẹnẹyịmavara kà ọnị vee gù avaba ẹnịnịị chire ẹngụ. Ada rị ozi bẹẹ vị ọnị ọnị guu chire ẹngụ. Ọnị ẹ yị vaa vayị ẹnịnị ka ọnị ẹ yị vu wa ẹtẹ.

Ijeremaya 45:5

Avọọ, asị ẹwụ Ibaruki kà a ka wee si ịsa ozoza-ozoza yị ẹngụ awụ, agụvị ka ọnị Ẹnẹyịmavara vaa kụ ẹngụkata tu avaba aza, ọ ka, ama ẹwụ Ibaruki, aha tụra aha ọnị waa nọ, ọnị ẹ́ yị vaa zẹẹ ka à nyị ịsị ẹ mẹ̀ ẹwụ.

Ijeremaya 48:26

Ọ kà à Animowabi nịnị eche, agụvị ka ẹnịnị ẹ́ raà kụ̀ hịrẹ ọnị. Ẹnẹyịmavara Animowabi nịnị vee muna ahẹrẹ ẹnịnị, dị aza ee nyị wa unyi.