Ijeremaya 25:1 - IWE ỌNỊNỊ

¹ Ana tụ ọ ịrayị ọhụna ọnị Ijehoyakimi ozi Ijosaya sị rị ohinọyị Ijuda, Ijeremaya ka Ẹnẹyịmavara ộ kà ịrẹyị yị ọnị ịnị ịpa Anijuda nịnị. Ụmẹ ọnọọ ọ vị ịrayị ịpaapa ọnị Inebukadineza nyima aa mẹ ohinọyị Ịbabịrọnị nị.

Ijeremaya 25:1 Referans Kwoze

Ijeremaya 36:1

Ijeremaya ka, ana tụ ọ ịrayị ọhụna ọnị Ijehoyakimi ozi Ijosaya rị ohinọyị Ijuda, Ẹnẹyịmavara ộ kà a yị ọnị ka,

Ịdanịyẹrị 1:1

 nyị ọnọrụ ọnya aanị ana aā hị́ Ijehoyakimi ana vị ohinọyị Ijuda ịnị ụmẹ ọnya aanị. Ụmẹ ọnọọ ọnọrụ ana aā hị́ Inebukadineza ọnị rẹ sị vị ohinọyị ẹtẹ Ịbabịrọnị nị. Ịnị ịrayị ọhụta ọnị Ijehoyakimi rị ohinọyị, dị Inebukadineza kụ ịrẹkụ ne tu anị Ijerusarẹmị dị ẹ họ̀ karaa okiri-okiri nị.

Ijeremaya 46:2

Ịrẹsụ Ijipiti o nyima hụrẹ nị. Ịsị ọ ka yị ọnị ịnị ịpa ọkụrẹkụ ohinọyị Ijipiti ana aā hị́ Ineko yị. Inebukadineza, ohinọyị Ịbabịrọnị ộ nyị ẹbẹẹba ohinọyị Ineko ọnọnị ịzị aā hị́ Ikakemisi, ọ̀ sị gụrị irehu Éhwirate. Ịrayị ọhụna ọnị Ijehoyakimi sị rị ohinọyị Ijuda, ọ́ vavọọ nyị ẹbẹẹba Ineko nị.

2 Ịtọpa 36:4

Ohinọyị Ineko mẹ raà chi Ijowahazi hi ẹtẹ, dị ọ sị ẹnẹbẹnị anị ana a hị́ Eriyakimi dọ ịrẹsụ tụ́ Ijuda nị. Ọ mẹ̀ sị rị, dị ọ vara ịrẹha anị tụ́ ịnị Ijehoyakimi nị. Ijowahazi vị ọnị Ineko si nọ Ijipiti.

2 Ịtọpa 36:6

Ebira odivi anị, Inebukadineza ohinọyị Ịbabịrọnị va za a, dị ọ tụ́ ọ ịchẹkẹchẹkẹ na ngụ Ịbabịrọnị nị.

Ijeremaya 1:3

Ẹnẹyịmavara ộ rẹ kà ịrẹyị yị ọ ịnị ụmẹ ọnị ozi Ijosaya ana aā hị́ Ijehoyakimi sị vị ohinọyị. Ịrẹma anị ộ vana rẹ kà ịrẹyị yị ọ ụmẹ ọrụrụ-ọrụrụ naa ngụ ana tụ ọ ịrayị ẹwụrọnya ọnị ozi Ijosaya ọsa ana aā hị́ Ịzẹdẹkaya sị vị ohinọyị nị.

Ijeremaya 32:1

Ijeremaya ka, Ẹnẹyịmavara ộ kà ịrẹyịị yị ọnị ịnị ana tụ ọ ịrayị ẹẹwụ ọnị ọnọrụ ana aā hị́ Ịzẹdẹkaya rị ohinọyị Ijuda. Ịrayị ọnọọ ọ tụ ọ ịrayị ẹwụrịhịnta ọnị Inebukadineza rị ohinọyị Ịbabịrọnị nị.

Ijeremaya 45:1

Ịnị ịrayị ọhụna ọnị Ijehoyakimi ozi Ijosaya sị rị ohinọyị Ijuda, Ijeremaya ka, ọnị ộ za ịrẹyị ọnị Ẹnẹyịmavara kà yị ọnị ịrịka hi ẹtẹ yị Ibaruki ozi Ineraya, dị ọ́ chẹrẹ wa tụ ịnị iwe nị. Ọnị ộ kà a yị ọ ka,

Ịdanịyẹrị 1:2

Ananyị yị ộ hụrẹ Ijehoyakimi ụvọ yị Inebukadineza beri ẹnya ẹnyị ene hi ịnị irehi Ohomorihi. Dị ọ kụ wa na ngụ ịnị irehi ori ẹnịnị Ịbabịrọnị nị. Ô tu ịzọọ dị ọ kụ ẹnya ẹnẹẹ hi ịnị irehi ori anị nị.

Ijeremaya 7:1

Ẹnẹyịmavara ọ maanị tụ Ijeremaya ụtụ nị.

Ijeremaya 35:1

 nyị ọnọrụ ọnyara aanị, ana aā hị́ Ijehoyakimi; ozi ọnọrụ ana aā hị́ Ijosaya ọ vị nị. Ijeremaya ka Ẹnẹyịmavara ộ kà a yị ọnị ka,

Ịdanịyẹrị 2:1

Ịrahụ ẹkụhị ọnya, ịnị ịrayị ọhụva ọnị Inebukadineza rị ohinọyị, dị ọ ra ụra nị. Ụra ọnọọ vana nyayịnẹ mẹ ayị hụrẹ ịnẹ ẹtẹẹtẹrẹ, dị ẹ yị zụ sụ ara nị.