Ijeremaya 22:18 - IWE ỌNỊNỊ

¹⁸ Avọọ, Ẹnẹyịmavara kà, Ijehoyakimi, ozi Ijosaya, ana vị ohinọyị Ijuda aanị: Aza e yi vee sụ ùnè anị ịhị oo su ka, kwaa-kwaa; ọta amị o! Ọza ẹ yị vaa hụvị anịị jị òrèrè ka, Inda o! ohinọyị amị o!

Ijeremaya 22:18 Referans Kwoze

Ijeremaya 16:6

Ọza ọbanyị ọnịrị onuruwa ene hi ịnị ẹtẹ ọnọnị vene vee súu ha, ama ẹ́ yị nyị ọza ene vee ne wa; ẹ́ yị nyị ọza ana vaa zị ẹngụ ẹnịnị. Ẹ́ yị nyị ọza ana vaa hụvị ẹnịnị tọ ẹngụ anị ụnava avịka ẹ̀ hụvị ẹnịnị kụ ịrẹsụ ẹnịnị ka vị ẹnị ee du ayị nị.

1 Ohinọyị 13:30

Ọnịsẹ ọkụkụ ọnọọ ô ne e tụ́ ini ikuta anị ụvọta, di aa jị òrèrè anị dị ọ ka, “Ma sị dà, oo, ọyịnyara amị!”

Ijeremaya 22:10

Ijeremaya ka, ẹwụ nịnị Anijuda, asị ụ hụ agụvị ohinọyị Ijosaya jị òrèrè nịnị o. Asị ụ zị ẹngụ anị nịnị oo su. Ama waa jị òrèrè nịnị ẹtẹẹtẹrẹ agụvị ozi anị ana aa hị́ Ijowahazi. Aa vaa sị ọ hụrị ẹkụra ọnọnị ana a ma a tụ. Ẹ́ ma vana vavẹ va si eyi re e.

Ijeremaya 16:4

Ọ kà, ụkụ odivi ọ vaa wụ̀ wa ha nị. Ẹ yị nyị ọza ana vaa zị ẹngụ ẹnịnị. Oku ẹnịnị vene vee hi ẹtẹ anka ịhyẹrẹ ene e kune jẹẹ avọọ. Eyi ịrẹkụ á vaa wụ̀ wa nị, ẹ̀ yi vavọọ dị ụngwẹ wụ̀ wa, dị ahịka inomi nịnị ẹnịrị uye ịnị avị nịnị ẹ rị oku ẹnịnị nị.

Ijeremaya 34:5

A vaa rị eturare ịra yị oku awụ anka a mẹ mẹ̀ ẹ yị oku ohiku awụ nịnị ana vịdị rị ohinọyị dị o ve tu u. Aza awụ vaa jị òrèrè awụ dị ẹ ka, ohinọyị ẹnịnị oo wusu ee.

2 Ịtọpa 35:25

Ijeremaya ana vị ọnịsẹ ộ chẹrẹ ahẹ ọnị ọ sị zị ẹngụ anị. Ahẹ ọnọọ aza vị ana aa jị zị ẹngụ usu anị hụrị ụmẹ ọnọọ. Â chẹrẹ ahẹ ọnọnị tụ́ iwe ahẹ orere.

2 Ịsamụwẹrị 1:26

Ijonatani, ọhụva amị, isu awụ ộ zị mị Ewee re sì ịrẹyị amị pooro, ọnị ọza ọ̀ yị zụ ka. Wâ hyakụ sì ịrẹyị amị hụụnị ọnẹẹ mè zụ sì ịrẹyị ọza

2 Ohinọyị 23:6

Dị ọ sị ọchị uyi ori Asẹra hụụnị irehi Ẹnẹyịmavara Ohomorihi na ngụ Ikidironi ịrẹma Ijerusarẹmị, dị ọ rị ọ ịra nị. Dị a kụ̀ ọ anka ayị, dị ọ gara atịtọ anị hi ịrẹsụ ukuta aza kẹnẹ ene hi ịzọọ.

2 Ohinọyị 23:36

Ijehoyakimi vị ịrayị ohurẹẹhị dị ọ rị ohinọyị Ijuda, dị ộ mẹ̀ ẹ ịrayị ẹwụrọnya Ijerusarẹmị nị. Ịrẹha ọnyị anị ọ rị Izebuda, ozi Ipedaya ana vị Anẹkụra Iruma.

2 Ohinọyị 24:6

Ijehoyakimi me su, di ozi anị Ijehoyakini rị ohinọyị dọ ọ ịrẹsụ nị.

2 Ịtọpa 36:5

Ijehoyakimi vị ịrayị ohurẹẹhị ịnị ụmẹ ọnị ọ́ rị ohinọyị Ijuda. Ộ mẹ̀ ohinọyị ịrayị ẹwụrọnya Ijerusarẹmị, dị ộ mẹ̀ ebira odivi hi Ẹnẹyịmavara ana vị ohinọyị anị.

Ijeremaya 22:12

Ẹkụra ana a za a nọ avọọ, o vee su tu nị, ẹ́ ma vana sị eyi re ẹkụra ọnọnị.

1 Ịtọpa 3:15

Ijosaya ộ ma ezi ọnọrụ ẹẹna ana aā hị́: Ijohananị, Ijehoyakimi, Ịzẹdẹkaya ọnịrị Ijowahazi.

Ijeremaya 21:11

Ẹnẹyịmavara kà Ijeremaya ọ̀ ka ẹ yị avaba aza ohinọyị Ijuda ana vị evere Idevidi ka

Ijeremaya 36:30

Avọọ, Ẹnẹyịmavara kà ọnị aa kà a yị ẹwụ ohinọyị Ijehoyakimi booro anị ka, ẹ́ yị ma vana nyị evere awụ anaa vanaa yaatụ ịrẹsụ aga ohinọyị Idevidii mẹ ohinọyị. Oku awụ vị ene e vee nee ta tụ ịzị ọyị vaa haa ku ọ ọọdụ, dị eguhi ee chire ku ọ ịrahụ.