Ijeremaya 22:16 - IWE ỌNỊNỊ

¹⁶ Ộ ngụ ayị onosiye nịnị, dị ẹhẹ anị zoza yọ nị. Ịsị ẹ sịị zụ ka ọza ọ yẹ Ẹnẹyịmavara ọ vị ọnọọ nị.

Ijeremaya 22:16 Referans Kwoze

Ijeremaya 9:24

Ama àa nyị ọza enee wo oto, oo wo oto ka ọnị ọọ yẹ ọnị Ohomorihi, ka vị ọnịị̄ sì ịrẹyị ọza pooro nị. Ịzẹyịza ọnịrị ana vọrọ ọnịị mẹ nị. Ịsa ẹnẹnị oo hine ọnị nị.

Ayịsaya 1:17

dị waa mẹ̀ ebira ene zoza. Na sị ụvọ hụụnị amẹrị. Wèe re ka aa chamayịị yị ọza, ụ na gụ ọ ụvọ. Asị ụ rẹ mẹ ehuna yị ozi oku. Ọza aa mẹ ehunaa yi osoku dị ụ na dọ ọ tụ́.

Ịtayịtọsị 1:16

Ẹẹ̄ sị irenuu kà a ka ẹnị ẹẹ̄ yẹ Ohomorihi, ama ebira ẹnịnị ẹ́ yị sị zụ ka ẹ́ẹ yẹ Ohomorihi. Ịsa eenyisi ẹnịnịị̄ mẹ nị, dị ẹ rẹ yaa mẹ akamawụ nị, ẹ yị nyị ịsa ozoza ẹnẹ ẹnịnị zụ mẹ vụrụ-vụrụ.

Ịjọọnụ 17:3

Ka ẹ̀ yàra pooro zịna-zịna ọ vị ka ẹ̀ yẹ ẹwụ ịnyara chọchọchọ ana vị Ohomorihi ọnịrị ẹmị Ijeesu Ikirisiti ọnị ụ tụ́ vẹ ẹhẹ.

Ijeremaya 9:16

Ọ kà ọnị vaa gara wa hi ịnị akakana aza ọnị ẹnịrị ohiku ẹnịnị ẹ yị vịdị yẹ. Ọnị vaa kụ ịrẹkụ tu wa, dị ọnị dụ wa nee tu ịjị ọnị ọọ sị wa vú ẹtẹ saka-saka.

Ahẹ Ụgama 109:31

Ọnị ọọ̄ gụ oniruwa ụvọ nị, dị ọ dọ ọ tụ́ hụụnị ụvọ aza ana aa jị ịvịị yọ.

Ahẹ Ụgama 9:10

Ẹnẹyịmavara, aza ana yẹ wụ vị ana vaa sị ayịị tụra wụ. Â yị nyị ọza ana vẹ ịda awụ da, ọnị ụ dụ varẹma.

Ijeremaya 5:28

Ẹnịnị ẹ ta banyị dị ẹ ta swa nị. Ebira odivi ẹnịnị ẹ ma nyị ẹhwị. Ẹnịnị ẹ ma mẹ̀ ọkarẹyị ịzẹyịza yị ezi-oku nịnị ka ụ vị ò zee yị wa. Ẹnịnị ẹ ma mẹ ịzẹyịza hi aza anaa rị ụya.

1 Ịtọpa 28:9

Ộ kà a yị Isoromọnị ka, ozi emi, ò re ka ọnị ọọ yẹ Ohomorihi ada anị, dị ọọ̀ sị ayị ọnya hẹkẹ ẹ, dị ọ̀ rẹẹ sị ayị anịị mẹ̀ ịsa oni o si. Ọ kà Ohomorihi ộ yẹ ịsị aza ee ro, ọnịrị ịsị eyee sì. Isoromọnị ọ̀ọ ká Ohomorihi na, vi aa dọ ọ nị. Ama ọ̀ọ va ịrẹma ka Ohomorihi, vi aa và ịrẹma anị pooro zịna-zịna nị.

Ịjọọnụ 17:6

“Ma raà sị wụ zụ̀ aza ọnị ụ sị hụụnị ẹhẹ yị mị. Ẹwa nyị wa, dị ụ sị wa yị mị nị. Ẹ raà sị ụvọ za ịrẹyị awụ.

Ịjọọnụ 16:3

Ẹ vavọọ vaa mẹ wụ nịnị, agụvị ka ẹnịnị ẹ yị yẹ Ada amị, avọọ ẹnịnị ẹ̀ yị mẹ̀ rẹ yẹ mị nị.

Ijeremaya 9:3

Ẹnịnị venee ne ịrarẹ ẹ nịnị tịtẹ ò yị cheeche Irikichi ẹ yaa mẹẹ ngụ ẹkụra ẹnịnịị zị nị; ẹnịnị ẹ ma ka ịzẹyịza. Ẹnẹyịmavara kà, aza anị vanaa hụrị ụvọ ebira odivi ẹnyị dị ẹ yaa sị ọsa. Ẹnịnị ẹ yị yẹ ọnị.

Ịjọọnụ 8:19

Dị ẹnịnị va họ̀ Ijeesu use ka, “Ịzị ada awụ yà?” Dị Ijeesu tụ́ wa ohi, dị ọ ka, “Wẹ yị yẹ mị nịnị, wẹ yị rẹ yẹ Ada amị nịnị. Wàa yaanị yẹ mị nịnị, ụ yaanị rẹ sị Ada amị yẹ nịnị bẹẹ.”

1 Ịsamụwẹrị 2:2

Ẹ yị nyị ọza ikonya ana vị ọnịnị anka Ẹnẹyịmavara. Ẹ yị nyị ẹngụ anị. Ẹ yị rẹ nyị ọza ẹnẹsa ene zu sere ọza anka Ohomorihi ayị.

Ahẹ Ụgama 36:10

Navọ weē sii sì ịrẹyị aza ana sị ayị ẹnịnị yị wụ dị waa sị ịzẹyịza beri anyị ọnyaa mẹ.

Ụhịrẹyị 31:9

Dị ọ̀ọ ka ịzẹyịza, dị asị aza re oze mẹ̀ onosiye nịnị rị.

Imika 6:8

Eyiye, Ẹnẹyịmavara ọ raa kà īsa vọrọ yị wụ nịnị anẹhẹ Ịsị e si hụụnị ụvọ awụ nịnị ọ vị ọnọọ nị. Waā kà ịzẹyịza, dị waā vayị ọza. Dị waa mẹ̀ ịsa oni Ohomorihi sì ịnị ịrẹsụ ọkahi.