Ijeremaya 22:13 - IWE ỌNỊNỊ

¹³ Ọza ana mẹ ọzaa rị dị ọ sị dà irehi, ọ sị da. Ọza ana mẹ ọza irikichi dị aa sịị dàa tụra irehi anị, ọ́ sị da. Ọza anaa zá ọnọhụva ka, ọọ mẹ̀ ụkọrọ ọọhẹ yị ọnị, dị e yi si wa ụta, ọ sị da.

Ijeremaya 22:13 Referans Kwoze

Ijemiisi 5:4

Aza ọnị ụ dọ ụkọrọ hi ịnị aarẹ, we yi si wa ụta, ẹnịnị ee nowu. Yẹ nịnị ka Ohomorihi Ochẹtẹngụ, aa wụ́, aza ana aa kụ́ ịsa ịnị aarẹ awụụ gụ, mee nowu.

Imika 3:10

Waa mẹ̀ ebira odivi, dị waa wụ̀ ọza nịnị nị. Ịsa ọnị ụ sị nyima ẹkụra Ijerusarẹmị ọ vị ọnọọ nị.

Ireevi 19:13

Ọ kà à sị ẹ mẹ ẹvaya yị ọnọhụva ẹnịnị à vị ka ẹ̀ mẹ akoo yị ọ. Ọza ọnị ẹ̀ẹ dọ ka ọ̀ mẹ̀ ụkọrọ yị ẹnị, à sị ẹ́ za a ku tu eyinẹhẹ anị dị è si ọ ụta.

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.

Ijeremaya 22:18

Avọọ, Ẹnẹyịmavara kà, Ijehoyakimi, ozi Ijosaya, ana vị ohinọyị Ijuda aanị: Aza e yi vee sụ ùnè anị ịhị oo su ka, kwaa-kwaa; ọta amị o! Ọza ẹ yị vaa hụvị anịị jị òrèrè ka, Inda o! ohinọyị amị o!

2 Ịtọpa 36:4

Ohinọyị Ineko mẹ raà chi Ijowahazi hi ẹtẹ, dị ọ sị ẹnẹbẹnị anị ana a hị́ Eriyakimi dọ ịrẹsụ tụ́ Ijuda nị. Ọ mẹ̀ sị rị, dị ọ vara ịrẹha anị tụ́ ịnị Ijehoyakimi nị. Ijowahazi vị ọnị Ineko si nọ Ijipiti.

2 Ịtọpa 36:5

Ijehoyakimi vị ịrayị ohurẹẹhị ịnị ụmẹ ọnị ọ́ rị ohinọyị Ijuda. Ộ mẹ̀ ohinọyị ịrayị ẹwụrọnya Ijerusarẹmị, dị ộ mẹ̀ ebira odivi hi Ẹnẹyịmavara ana vị ohinọyị anị.

Ayịsaya 5:8

Avaba ẹwụ nịnị ana za avaba irehi ọnịrị ẹtẹ dị waa hị́ waa hi ẹtẹ nịnị aanị, wa sị dà nịnị. Aza ana vọ e yi kuku ee vee re aha yà. Ẹwụ nịnị ịnya kẹnẹ ọ kụkụ aa vaa ra ịnị ẹtẹ ọnọọ aanị nị.

Ijeremaya 17:11

Ijeremaya ka, ọza anaa sị irikichii nyị ẹkẹhị; vị ana sị mẹẹ anka irekwose enee kú ajẹ ẹnẹ ẹ yị vị ọnị ọ tụ́ avọọ. Avaba ogu anị vana vaa taa hi ọ ụvọ ẹhẹ anị ọọ maanị ta jẹẹ yị ọ kẹnẹ. Ọvavẹ ịrẹma anị dị o ne tù ka ọnụra kẹnẹ ọnị vị nị.

Iwe Ọhụhị Imosiisi ana aa hị́ Ọyịvatụrọda 15:13

Asị ọga anị hụrẹ ẹ ụvọ ka ọọ na ịnị osusu.

Ijoovu 31:39

màa rị ịsa ana a mẹ tụ ịnị ẹtẹ ọnọọ ọọhẹ, dị mị ka ụngwẹ ọ̀ wụ̀ aza ana nyị ẹtẹ nị,

Ihabaku 2:12

Ọ yị vee zee yị wa agụvị ebira odivi ẹnịnị ọnịrị anya ọza beri ogu onogu ẹnị ẹ sị da ẹkụra ẹnịnị nị.