Ijeremaya 20:2 - IWE ỌNỊNỊ

² dị ọ kà a yị aza ka è tụ́ ọnị, dị à kụ́ ẹba hi ọnị ahụ tụ oze eyi ẹbẹẹba ana a zị ngụ ịnị irehi Ohomorihi nị. Eyi ọnọọ aā hị́ oze Ịbẹnjamịnị nị.

Ijeremaya 20:2 Referans Kwoze

Ijeremaya 37:13

Ọ kà ama ịjị ọnị tu oze ana a zịị̄ ngụ ẹtẹ Ịbẹnjamịnị kẹnẹ, â nyị isoja nịnị e nee sere ẹtẹ, ọga ẹnịnị aā hị́ Irija nị. Ozi ọnọrụ ana aā hị́ Iseremaya ọ vị nị, dị ọ vị aazị Ịhananịya nị. Ijeremaya ka ọga isoja ọnọnị ộ za ọnị jẹẹ, dị ọ ka vị ọnị ee zwe ka Anibabironi nịnị na nị.

Ịzakaraya 14:10

Avaba aha vaa vara inozi hụrị Ịgẹba na ngụ Irimoni, ụvẹtẹ Ijerusarẹmị. Ẹ vaa ya anka ẹtẹ Araba avọọ nị. Ama Ijerusarẹmị vaa kụ́ nọ udi anị hụrị oze ọbanyị Ịbẹnjamịnị na ngụ oze ọbanyị Ịpaapa, na ngụ oze ọbanyị ịnị Ịkọna. Hụrị ịnị irehi ọgọdọ Ịhananẹrị na ngụ ịnị ụkọ ohinọyị.

Ijeremaya 1:19

Ọ kà ẹnịnị vaa kụ ịrẹkụ tu ọnị ama ẹnịnị ẹ yị va zụụ za ọnị, agụvị ka ọnị ọ yà pe ọnị ọ yị dọ ọnị ha.

2 Ịtọpa 16:10

Ịrẹyị ọnọnị ọ mẹ ka Asa ọ kụ́ ayị hi ọnịsẹ ọnọọ, dị ọ ka a kụ́ ịchẹkẹchẹkẹ hi ọ ụvọ tụ ịnị ẹngwa nị. Hụrẹ ụmẹ ọnọnị Asa nyima aa chamayị yị aza anị ẹnyị nị.

Ijeremaya 36:26

Ama dị ọ tụ ozi anị ọnya ana aā hị́ Ijerahimẹẹrị beri anọrụ ana aā hị́ Iseraya ozi Azireri ọnịrị Iseremaya ozi Abideeri ka ẹ̀ na za Ibaruki ọnịrị Ijeremaya ana vị ọnịsẹ vẹ nị.

Ijeremaya 29:26

Ẹnẹyịmavara ọ sị ọ dọ ọnọrụ ana aā hi Ijehoyada ịrẹsụ ka ọ̀ vị ohirẹsụ irehi Ohomorihi nị, dị a hịka ọnị ọ kụkụ vị ohirẹsụ avaba anụkọrọ irehi Ohomorihi booro aanị. Ụ ka ọnị ọ vị ụkọrọ anị ka avaba ọnụra anaa mẹ apẹ ka vị ẹnị aa kà ịsẹ nị. Ọ̀ tụ wa ịchẹkẹchẹkẹ dị ọ sị enyusẹ kara wa ọrọkọ nị.

2 Ịtọpa 24:21

Dị ẹnịnị geyi tu ọ, dị ohinọyị mẹ̀ ọda ka a sị ịrẹta wụ́ Ịzakaraya ịnị ohweje irehi Ohomorihi nị.

1 Ohinọyị 22:27

Wèe tù ịzọọ dị ụ kà a ka mị ka à sị ọ tụ́ ịnị ẹngwa, dị waa dà ịsa kiiki yọ, dị wa rẹẹ sị enyi chee yọ. Ọ̀ vavọọ yà ịzọọ pooro dị ma vavẹ ịnị ẹngwọọrọ.”

Ẹtore 17:6

Dị mi re ka, ọnẹẹ ọnọọ mè hú anya aza Ohomorihi ọnịrị anya aza anaa wụ agụvị ka ẹ́ẹ nyị ịzẹyịza hi Ijeesu, dị ọ kụkụ aa mẹrị ọọ nị. M mè ree, óo hí mi irenu ẹtẹẹtẹrẹ.

Ẹtore 2:10

Asị u hí angwa ọnyọọnyị ịnị ụya ọnị ụ waa vaa rị! Re, Echu vaa zama wụ nịnịị re, dị ọ kụ́ aza ẹnyị awụ nịnị ne hi ịnị ẹngwa. Ụ vaa rị ụya nịnịị mẹ̀ ẹkụhị ẹẹwụ. Sị sị ayị yị mị nịnị pooro, wàa daka ee sú nịnị! Mị vaa sị ọgụụ wụ nịnị, ọnị ọ vị ka mị vaa mẹ ka wa yàra nịnị pooro zịna-zịna ị́dị Ohomorihi.

Odeyi 7:52

Áá nyị ọnịsẹ oni ohiku awụ nịnị ọ̀ yị sị ụya rị da? Ẹ raà wụ̀ aza ana vịdị va kà a tịtẹ ka Ọnịzẹyịza ọnọọ aa vẹ. Ọza ọnọọ u si chire aza ụvọ, dị ụ wụ̀ ọ nịnị nị.

Odeyi 5:40

Anikootu ệ dọ ịrẹyị anị, dị ẹ hị́ odeyi nịnị ngụ eehi, di e tụ́ wa ịjapa, dị ẹ mẹ ọda yị wa ka asị ẹ vana kà ịrẹyị ịnị ịrẹha Ijeesu nị. Dị ẹ hụrẹ wa ụvọ nị.

Odeyi 5:18

Dị ẹ za odeyi nịnị, dị ẹ kụ́ wa tụ́ ịnị otumare ịjọva nị.

Odeyi 4:3

Dị ẹ za wa, dị ẹ kụ́ wa ne hi ini otumare, ka ẹ̀ yà ịzọọ ne tù eyinẹhẹ anị nị, agụvị ka ọyị ộ ta.

Imatiwu 21:35

Dị aza ẹnẹẹ za ezi ahụ ẹnẹẹ, di e tụ́ ọnya, dị ẹ wụ ọsa; di e ne ọsa ịrẹta nị.

Ijeremaya 26:8

Ịjị avaba ụtụ ọnị Ẹnẹyịmavara tụ Ijeremaya taa ka kẹnẹ, dị ohirẹsụ irehi Ohomorihi nịnị, ọnịsẹ nịnị ẹnịrị avaba aza zaa, dị ẹ ka, vị ẹnị aa wụ̀ ọ nị.

Ijoovu 13:27

Ohomorihi ộ kụ́ ịchẹkẹchẹkẹ hi ọnị ahụ, dị ọ sị eyi pe avaba ahụ ọnị ee hu nị. Ịzị ọnị sị ahụ hị́ vị ọnị ọ́ hyakụ aa zama a re.

2 Ịtọpa 18:23

Di Izedekaya ozi Ikanaani tere pè Imikaya, dị ọ kụ́ arụhwọtọ hi ọ eyi nị. Dị ọ ka, “Ụhwẹ Ẹnẹyịmavara mẹmẹ zụ para mị hu, dị ọ̀ va kà ịrẹyị wụ?”

Ijoovu 33:11

Ộ kụ́ ịchẹkẹchẹkẹ hi ọnị ahụ dị ọ sị eyi pe oze ọnị ọnị aa zị nị.

1 Ohinọyị 13:4

Ijerobowami ohinọyị ọ wụ́ ọ́za Ohomorihi mè nowu kà ịrẹyị hi aha ịsọvọ Ịbẹtẹrị. Ọ́ mẹ̀ vavọọ wụ́, dị ọ tana ụvọ va jịnẹ aha ịsọvọ dị ọ ka, “À za a nịnị!” Dị ụvọ oni ohinọyị vavọọ tana avọọ vavọọ wụ jẹẹ, dị ọ̀ yị kụkụ zụ và a vẹ nị.

Ijeremaya 26:10

Ijeremaya ka ịjị ẹnị ọdọvịdị ẹkụra wụ ịsị ana mẹ, dị ẹnịnị hụụnị irehi ohinọyị va ngụ ịnị irehi Ohomorihi nị. Ẹ va sị ngụ ịnị irehi Ohomorihi, dị ẹ yaatụ enoze ọwọọwa ana a zịị ngụ ịnị irehi Ohomorihi nị.

Ijeremaya 37:21

Ịzẹyịza, dị Ịzẹdẹkaya ka è nee gu oze hi ọnị ohweje ohinọyị nị. Dị ọnị yà ịzọọ nị. Eyinị-eyinị dị aa sị ịbụrẹdị ikonyi ikonya hụụ ịdị aza anaā mẹ ịbụrẹdị vaa yị ọnị nị. Avọọ á mẹ sị yị ọnị pooro ne tu ụmẹ ọnị ịbụrẹdị ta hụụ ịdị aza anaā mẹẹ nị.