Ijeremaya 20:18 - IWE ỌNỊNỊ

¹⁸ Ọ kà sị a vana ma ọnị vẹ ẹhẹ ve si da? Váá ma ọnị vẹ ẹhẹ ka ọnị ọ̀ maanị vee re ẹngụkata ọnịrị ayodu, dị ọnị ọ̀ sị ụhị za ẹhẹ anị ẹtẹ nị?

Ijeremaya 20:18 Referans Kwoze

Ijoovu 3:20

Ijoovu ka sị ẹ vẹ dị Ohomorihi navọ ọnị tụ ịnị ẹhẹ ụyụya dị ẹ yị dọ ọnị ụhwẹ?

Arụwẹ 3:1

Ọnị ọ raà yẹ́ Ohomorihi mẹ mẹẹ sị ụyaa rị ọza àa kụ ayị.

Ijoovu 14:1

Ẹhẹ ọnị ọza vẹ ẹ yị nyị ọ ya, dị ọ rẹ vị ọnịrị akanya-akanya kẹnẹ nị.

Ahẹ Ụgama 69:19

Wê re aza màa mẹ mi isiya, dị ẹ yaa mẹ ụhịị nyị mị. Wâ yẹ avaba ọnịvị amị

Anihiburu 13:13

À vẹ vi ye ne tù ọ ịrẹma ẹkụra, dị ẹ yà rẹ gà ịnị ụhị anị!

Anihiburu 12:2

À vẹ ya sị eyi pe Ijeesu! Ọnị ọ mẹ ka ye nyima ẹdọwụ, dị ọ rẹ mẹ ka ẹdọwụ ayị ọnọọ ọ̀ gụ nị. Ộ dọ ka oni ò sú isu ụhị ị́rẹsụ ọchị apavahị. Ọ yị za ụhị ọnọọ ịrịka tụ́ ịnị ịsọnyị-ịsọnyị agụvị ịrajẹ ọyịjẹ oni Ohomorihi sị tịtẹ ee zí ọọ. Ọ yaayịtẹ éyi ụvọrị ịnị aga Ohomorihi ohinọyị booro aanị.

Anihiburu 11:36

Aza ẹnyị ệ rị ụya ẹtẹẹtẹrẹ, aza màa mẹ wa isiya, di e ree tụ́ wa ịjapa. Â sị ẹba sụ́ aza ẹnyị, dị a rẹ kụ́ wa và hi ịnị ẹngwa nị.

Anihiburu 10:36

Áa nyị ka wa nyị isuuru nịnị, agụvị wàa ịsa oni Ohomorihi sì, mẹ nịnị, dụ wa zụ dọ ịsa ọnị ọ zẹẹ wụ nịnị ịzẹzẹ anị.

2 Itimoti 1:12

Agụvị avọọ m maanị aa rị ụya aanị nị. Ama ụhị ẹ yị hụ agụvị avọọ nyị mị, agụvị ka mâ yẹ ọza ọnị mị sị ayị tụra. Mâ yẹ kaakara ka ịsị o si chire mị ụvọ, o zụ si eyi pee pooro ne tù ẹkụhị ọkarẹyị.

Odeyi 5:41

Dị odeyi nịnị hụụ ịdị anikootu ẹnẹẹ, dị ẹyaa jẹ ka ẹnị ẹ yị yẹ ka ẹnị rẹ vị ọza ana aa rị ụya, dị a mẹ̀ ụhị nyị ẹnị agụvị ịrẹha Ijeesu.

Ịjọọnụ 16:20

Ịzẹyịza m maa kà a wụ nịnị nị, u vee nowu, di u wee sụ ùnè nịnị, ama dị anẹhẹ ẹnị aa jẹ. Ayị awụ nịnị vee du, ama ayodu awụ nịnị vaa vara ayohine.

Arụwẹ 1:12

Ẹ yaa hị́ avaba aza anaa parahu ẹ maa jị òrèrè. Ẹ ka, “Ọzọza o re ịsị Ẹnẹyịmavara sị ẹnị mẹ̀. Ẹ yị nyị ọza ana maanị rị ẹngụ ụya ọnị ẹnị rị aanị da”. Ẹnẹyịmavara vị ana sị ọyịkụ-ọyịkụ sị sị ụya rị ẹnị.

Ijeremaya 8:18

Ijeremaya ka, tee! ayodu anị ộ dà banyị kẹnẹ ịnẹ aa zị ọnị.

Ayịsaya 51:7

Ẹnẹyịmavara kà, Batọ ẹwụ nịnị ana yẹ ịsa ana vọrọ, ene hi ayị ịrẹyị anị. Asị e hí angwa aza ee du wa, dị ẹ yaa kụ wa ụhụ nị.

Ayịsaya 1:6

Hụrẹ ịrẹsụ awụ huu na ngụ ahẹtẹ awụ, ẹ yị nyị ịzị ẹ dà tịtẹ ẹnẹ ẹ̀ yị nyị ụnava. Avaba ẹngụ awụ vị ịtahụ-ịtahụ dị ẹ yaa và nị. Ọza ọ yị nyee yọ dị à hyakụ va sụ́ ọ. Ọza ọ yị sị ahọ̀nọ tụ́ ọ.

Ijoovu 14:13

Ijoovu ka aa yẹ Ohomorihi ọ sị ọnị na tẹ̀ ịdaneku, ịjị ayị anị ọ sị nẹtẹ, dị ọ vaa tamayị anị.

Ijoovu 5:7

Ẹ́ yị nyị ọza ọnị akanya èe mē tù. Ọọ̄ vẹ anka akịna meē che vaa hịrẹ avọọ nị.

Ahẹ Ụgama 102:3

Nyị ẹhẹ amị yà, ịsọnị-ịsọnị dị ộ ta anka eguhi avọọ. Avaba ẹngụ amị ọ sị jịnẹ ịra.

Ijeremaya 3:25

Ẹ ka, à jẹẹ vị ẹnị sụtẹẹtẹ và hí ẹtẹ ụhị-ụhị, agụvị ka ẹnịrị ohiku ẹnịnị ẹ sị ebira odivi mẹ hi Ẹnẹyịmavara, Ohomorihi ẹnịnị. Ẹ ka, ẹnị mẹ hụrẹ vị ozweyi, pooro va ngụ ajịnị, ẹnị ẹ yị wụ́ chire Ohomorihi da.

Ijeremaya 15:10

Ijeremaya ka, kaaa! Aayẹ asị ọnyị anị ma ọnị va ngụ ẹhẹ. Ọnịrị avaba aza aa kụ́ dị ọnịrị wa aa nyị ahankata ngụ ịnị ẹkụraa zị nị. Ọnị ẹ yị rị ọza ụta, ọza ẹ yị rị ọnị; ama ọzọza vanaa tu ozirenu hi ọnị.

Ihabaku 1:3

Dị ọ rẹ họ̀ Ẹnẹyịmavara ụsẹ ka sị ẹ vẹ dị ọ navọ ka aza ẹnyị ẹ̀ mẹ ọsa rị, dị ọnị oo re e? Dị ọ ha ẹtẹ tụ́ aza ka ẹẹ zyaazị, ee ba egidi, ẹẹ wụ́ ẹngụ ha, dị aza ẹnyị aa kụ́ ogu ọsa mẹ̀ anị.

1 Ohinọyị 19:4

di Erija ọnị si hu aa nọ ịnị ọpaapara nị. Ộ zị gọdọ ịnị ọpaapara ọnọọ tù ẹhụ ụsẹ ẹkụhị ọnya avọọ. O mè ne si tù iruvo ọchị ọnya aanị ana aā hi irotemi, dị ọ yaayịtẹ iruvo ọchị ọnọọ, dị ọ ka à kà ka oni ò sú nị. Dị ọ kà, “Ẹnẹyịmavara, ọsọnị ọ sị vị ẹnẹmẹhị, navọ wa sị ụhwẹ amị. Vị ẹmị wéé vene zoza huna ohiku amị nịnị nị?”

Ijeremaya 15:18

Ijeremaya ka, sị ẹ vẹ dị ọnị vaa yịị rị ụya? Sị ẹ vẹ dị ụnava anị ka ọnị ẹ yị vị? Ọ kà vị Ẹnẹyịmavara wee sị ka ọnị ọ̀ mẹ̀ ụhị nyị ọnị anka okuha anaa wụ ụmẹ ọhahị avọọ nị?