Ijeremaya 2:6 - IWE ỌNỊNỊ

⁶ Ẹnẹyịmavara kà ọnị ọ kụ ụ nịnị hụrị ẹtẹ Ijipiti dị ọnị kụ ụ nịnị zị oze ịnị ẹtẹ ọpaapara nị: Ụnọmị ọnọọ vị ẹtẹ aarẹ-aarẹ ọnị orihi ẹ yị ma hụra zụ ịnị anị, ẹtẹ ọyị wụ ene divi ẹtẹẹtẹrẹ ọ vị nị. Ọza ẹ́ yị ma ra ịnị anị, ẹ́ yị nyị ọza anaa dọ ka ọnị ọ zị avọọ jịnẹ. Ama ayị anị o ve hi ụ nịnị.

Ijeremaya 2:6 Referans Kwoze

Iwe Ọhụhị Imosiisi ana aa hị́ Ọyịvatụrọda 32:10

Anisirẹrị nịnị vị Ẹnẹyịmavara hee ịnị ụnọmị ịzị aza ẹ yị ra hi. Ẹnẹyịmavara o sere wu nịnị, dị ọ tẹsị awụ nịnị anka ọza mē sị eyi pe igoreyi avọọ.

Ihoseya 13:4

Ẹnẹyịmavara kà ọnị ọ vị Ẹnẹyịmavara Ohomorihi ẹnịnị ana dọ wa ha hụụnị ụvọ Anigipiti ana za wa ọrịhị nị. Asị a nyị ịsa ọnyọọnyị ẹnị ẹ mẹ Ohomorihi ẹnịnị ẹ vị ọnị. Ẹ yị nyị ọdọzaha ọsa.

Imatiwu 4:16

Aza ene hi ịnị ịrahụ vee re ẹtohweyi ọbanyị. Etohweyi vee hweyii tụra aza ene hi ịnị ịrahụ ịnị ụvọ isu.”

Ihoseya 12:13

Ẹnẹyịmavara ộ tụ́ ọnịsẹ ka ọ kụ́ Anisirẹrị hụrị Ijipiti, dị o sere wa.

Ijeremaya 5:2

Dị ụ daka aa yịị kà a nịnị ka waa hẹkẹ Ẹnẹyịmavara nịnị aanị, ireche u we che nịnị nị.

Ijeremaya 2:8

Ẹnị ohirẹsụ irehi Ohomorihi ẹ yị kụkụ họ̀ use ka Ẹnẹyịmavara mẹ kà kẹ. Ẹnẹyịmavara kà ẹnị ohirẹsụ irehi anị ẹ yị kụkụ yẹ ọnị, Ẹnị ohinọyị ẹnịnị ệ kụ hịrẹ ọnị; ọnịsẹ nịnị kụkụ â sị ịrẹha ori anaā hị́ Ịbaarị kà ịrẹyị, dị ẹyaa hẹkẹ ori ịyẹyẹ-ịyẹyẹ nị.

Ijeremaya 2:2

ọnị ọ̀ na kà a yị Anijerusarẹmị nịnị ka ọnị ộ tamayị ẹnịnị mẹmẹ kụ ẹngụ hi ịrẹyị anị ịyẹẹyẹ anka ọnẹẹ ana sẹsẹ va ọnọrụ avọọ, ọnị ộ tamayị, ẹnịnị mẹmẹ saasa ọnị ịnị ụnọmị ọnị ọza ẹ yị da aarẹ tụ da.

Ayịsaya 64:7

Ẹ yị nyị ọza anaa hị́ ịrẹha awụ. Ẹ yị nyị ọza anaa vẹ ịdị awụ vee sì ọgụvọ. Wa raa sị ẹngụ awụ tẹ̀ yị, wa raa hụrẹ yị ụvọ, agụvị ebira odivi ayị.

Ayịsaya 63:9

hụụnị avaba ụya ẹnịnị nị. Ẹnẹyịmavara ụvọta ọ dọ wa ha, ẹ yị vị anggẹẹrị. Ộ dọ wa ha agụvị oyisì ọnịrị ayamva anị, ộ vịdị tẹsị ẹnịnị hụrị ẹtẹẹtẹ.

Ahẹ Ụgama 77:5

Mê ro ịrẹyị ịyẹẹyẹ hụrẹ ịrẹma vẹ,

Ahẹ Ụgama 23:4

Màa daka a zị ụsẹ aha odivi ịnị ụmẹ odivi me yi vee hí angwa ka â nyị ịsa odivi ana vaa mẹ mị Mâ yẹ ka Ohomorihi vị ana yà pè mi Arubebe anị ọnịrị okutẹ anị eni eē sii sere mi ọ̀ sị ayị amị nẹtẹ.

Ijoovu 35:10

Ama ẹnịnị ẹ́ ma kà a ka, ịzị Ohomorihi amị ana tụ mị yà, Ohomorihi ana sị ọyịtureyi yị wa ịnị ụmẹ ọnị ịrahụ ruma-ruma sị za wa.

Ijoovu 3:5

Etohozi ruma-ruma ọnịrị eguhi o vu ọ hi ẹngụ. Ịhị ọnọọ o chire ọza angwa.

2 Ohinọyị 2:14

Ô che awuru Erija ọnọọ rị enyi, dị ọ ka: Ịzị Ẹnẹyịmavara Ohomorihi Erija ya? Dị ọ́ varẹma re che ịsa rị enyi ọnọọ, dị ọ gà hi ẹẹva, dị ọ jịnẹ okuha ọnọọ na ngụ eyi ọsọọ nị.

Ọdọvịdị 6:13

Dị Igidiyọnị kà, Aarịhịnị àa zẹ ka ọnị họ̀ use ịrẹyị, Nda, Ẹnẹyịmavara ọ̀ọ ya pe ẹnị, sị ẹ vẹ dị avaba odivi ẹnẹnị ee tụ́ ẹnị? Ịzị ohyozirenu ọnị ohiku ẹnịnị pa ịta ka Ẹnẹyịmavara ộ mẹ̀ ọnị ọ kụ wa hụrẹ Ijipiti ya? Ẹnẹyịmavara ọ raà va ịrẹma ẹnịnị, dị ọ hụrẹ ẹnị ụvọ yị Animidiya.

Ọyịkụra 20:2

“Ẹma vị Ẹnẹyịmavara ana vi Ohomorihi awụ nị. Ẹma tụ̀ wụ hụrẹ Ijipiti ịzị ụ vịdị vị ọrịhị tụ́ nị.

Iwe Ọhụhị Imosiisi ana aa hị́ Ọyịvatụrọda 1:19

Ịjị Anisirẹrị nịnị raà mẹ̀ ịsa ọnị Ẹnẹyịmavara Ohomorihi ka yị wa, dị ẹ hụrị ataba Ịhọrẹbị zị oze ịrẹsụ ataba ẹkụra Anamọrị ịnị ẹtẹ vansa ene chire ọza angwa na ngụ Ịkẹdẹsị Ibaneya nị.

Ijeremaya 13:16

Waa sị ụbanyị yị Ẹnẹyịmavara, Ohomorihi awụ nịnị dị ọ̀ vaa mẹ ka ịrahụ ọ̀ za ụ nịnị, dị wa vaa vangga nịnị ịnị ataba. Sị ụbanyị yọ nịnị dị ọ̀ vaa vara ẹtohweyi ọnị wee zi eyi nịnị ịrahụ ruma-ruma.

Ijeremaya 51:43

Ẹkụra-ẹkụra ene hi Ịbabịrọnị kuku e chire ọza angwa. Ẹ́ kụkụ sị mẹẹ anka ẹtẹ aarẹ-aarẹ ẹnẹ ẹ yị nyị enyi vụrụ-vụrụ avọọ. Ẹ́ yị nyị ọza ana ra ịzọọ, ẹ́ yị hyakụ nyị ọza anaa zị avọọ paraahu.

Iwe Ọhụhị Imosiisi ana aa hị́ Ọyịvatụrọda 8:2

Tamayị Ẹnẹyịmavara Ohomorihi awụ nịnị mẹmẹ zụ wụ oze ịnị ụnọmị ịrayị ẹbẹẹva. Ọ sị ẹngụkata ọrụrụ zama ẹnịnị re agụvị dị e ka ịrẹsụ hi yị ọnị, dị ọ rẹ yẹ wee yị hi ayị nịnị ọnịrị waa saasa ọda ọnị ộ mẹ̀.

Ijeremaya 5:12

Aza Ẹnẹyịmavara ê cheeche ka ẹ yị nyị ịsị ọ vaa mẹ ẹnị. Ẹ ka ẹ yị vaa mẹ ka à kụ ịrẹkụ ve tu ẹnị. Ẹ yị rẹ vaa mẹ ka ụngwẹ ọ̀ ngụ ẹkụra ẹnịnị.

Emọsị 2:10

Avọọ ọnị mẹ dọ wa ha hụụnị ụvọ Anijipiti nịnị, dị ẹ ya ịnị ụnọmị ịrayị ẹbẹẹva nị. Dị ẹ dọ ẹtẹ Anamọnị nịnị nị.