Biblia Todo Logo
Bib sou entènèt

- Piblisite -




Ijeremaya 2:36 - IWE ỌNỊNỊ

36 Wa sị ẹngụ awụ nịnị vara ọnịyẹyẹ ụ maa ngụ ori zịịzị nịnị hụrị ẹkụra ẹnyị naa ngụ ọsa. Anijipiti vị ana vaa mẹ̀ ụhị nyị ụ nịnị anka Anasiriya mẹ mẹ̀ ụhị nyị ụ nịnị avọọ.

Gade chapit la Kopi




Ijeremaya 2:36
22 Referans Kwoze  

Ẹnẹyịmavara kà, ịzị ụ vaa mẹ ọsọọsa nee tu, ẹwụ nịnị ẹnẹ yị nyị ịzẹyịza aanị? Ọ kà ọnị vaa mẹ̀ ịsa ọwọọwa ana vị irenyi ọ̀ mẹ ịnị ẹhẹ. Anisirẹrị nịnị vee sì ịrẹyị Ohomorihi ẹnịnị.


Ịjị e re ụkụ ọnịrị ụnava ẹnịnị, dị ẹ nọ Asiriya ne tu ohinọyị ọbanyị ama ẹ yị va zụ gụ wa ụvọ a vị dị ọ mẹ ụkụ ẹnịnị yị wa.


Anehwireemi nịnị vị ana sị avaba ụmẹ ẹnịnị tịtẹ aa sị dụ osusu ọnịrị oyidu kẹnẹ. Dị ẹ dà ụvọ tụ́ ụvọ ịnị ireche ọnịrị ezigidi ọyịmẹ̀ huu avọọ nị. Dị ẹnịrị Anisiriya mẹ̀ eto vabẹ, dị ẹyaa sẹ̀ ohu angwẹ nọ Ijipiti nị.


Ọ kà ẹnịnị ẹ́ẹ́ zụ ka a ka ẹnị ẹ yị sị ẹngụ ẹnịnị du ẹngụ aanị, ẹ́ẹ́ zụ ka a ka ẹnị ẹ yị mẹ̀ ori anaā hị́ Ịbaarị? Ọ kà ẹnịnị è re ịsị ẹnẹ raa mẹ, di è re ẹ mẹmẹ mẹ ịvị. Ọ kà vị ẹnịnị sị mẹẹ anka ịnyaakụmị ọnẹẹ enee si ka ọnị ọ̀ tụra di ee zwee zị,


Ịnị ụmẹ ọnọọ ohinọyị Ahazi ộ tụ́ ne tu ohinọyị Asiriya ka ọ vaa gụ ọnị ụvọ nị.


Anasiriya nịnị ẹ yị zụ dọ ẹnị ha, a vị umaata ịrẹkụ zụ dọ ẹnị ha nị. Ẹnị ẹ yị kụkụ va hẹkẹ ori dọ ịrẹsụ Ohomorihi ẹnịnị nị. Ẹnẹyịmavara vaa vayị ozi oku ẹnẹ ẹ yị nyị ọza na va ẹngụ ya.


Ori ẹnịnị vị ana a vaa sị nọ Asiriya na mẹ ohinọyị ọbanyị ịzọọ ẹyịza. Anisirẹrị vị ana a vaa mẹ̀ ụhị nyị agụvị ori ọnị ẹ yaa hẹkẹ.


Anehwireemi nịnị sị mẹẹ anka arivadi avọọ nị. Ẹnịnị ẹ yị yẹ ịrẹyị, ọ yị tụ́ akanya dị ọza o vene wa, avọọ ẹ yaa hị́ Anigipiti, di e yee ne tụ́ Anasiriya nị.


Ẹnịnị mẹ và ẹngụ ya wụ, vị ụ che, dị ụ jị ngụ wa arịvava, dị ụ mẹ ka ọjịrẹma ọọ zị wa.


Yâ sị ẹngụ ayị mẹ ezi ahụ yị Anijipiti ọnịrị Anasiriya agụvị di ye re ịsa za ayị zụ kẹnẹ.


Eyi ayị ọ sị jị tụ oze i mee sì ọnọgụvọ ọnị ye yi ve re. Ẹnị ee zi ọgụvọ pooro ne tu ka ẹnị ee zi anẹkụra ẹnị ẹ̀ yị nyị ịsị ẹ zụ mẹ ka, ẹ̀ va gụ ẹnị ụvọ.


ọnị, Ohomorihi Anisirẹrị nịnị ka; ọnị ọ̀ kà a yị ohinọyị Ijuda ana tụ ọnị ve tu ọnị avọọ ka: isoja Anijipiti yà oze aa vẹ vaa gụ wa ụvọ, ama ẹnịnị vaa vàa nọ eehi ẹnịnị.


Waa yẹ ọbọ irenyi-irenyi o yi sì aza ọnị ụ sì ịrẹyị anị nịnị, ọsẹrẹka ene divi hu kere-kere ee tu ịdị awụ nịnị vị ẹ yaa kọsẹ nị.


Ọ kà, ọgụ sị ụ va rị nịnị ịnị enyi ịnị irehu Ịnayịrị ọnị ụ nọ Ijipiti ne hú nịnị booro aanị? Ọgụ sị ụ rị nịnị ịnị enyi ịnị irehu Iyuhwireti ọnị ụ nị Asiriya ne hú nịnị?


Aza ana vịdị sị ayị tụra Anikusi, dị ẹ yaa sị Anijipiti nini wo oto vee hí angwa ịhị ọnọọ dị ụhị aa nyị wa.


Anẹkụra ana vọ ẹ raa wụ ka, á raa mẹ̀ ụhị nyị wụ nịnị. Avaba aza ệ wụ́ ụ mee nowu nịnị. Isoja awụ nịnị ọnya ộ vangga jịnẹ ọsa, dị ẹnị ẹyịva dudu sẹ ẹdụ va hi ẹtẹ nị.


Ka aza ana vọ ẹnẹ ẹwụrị aa sẹ̀ ịrẹka ẹ́ yị hụ wụ, dị u ree zwèe ka Anasiriya nịnị na nị. Ẹwụrị wa dudu aa sẹ̀ ịrẹka ama ẹ́ yị hụ wụ.


Ijeremaya ka, ẹwụ nịnị Anijerusarẹmị, nọ Ịrẹbanọnị nịnị dị we nee nowu, nọ ẹtẹ Ịbasanị dị waa jị òrèrè nịnị. Yà ịnị ataba Imowabi dị wee nowu booro-booro nịnị, agụvị ka asị avaba aza ẹnẹ ẹwụrị sì ịrẹyị ẹngụ nịnị hu ẹtẹ.


Ọdọvịdị awụ nịnị vana ahị vaa kụụ kwooze. Aza ẹnẹ ẹwụrịị sì ịrẹyị ẹngụ nịnị vana vaa za ọrịhị eyi ịrẹkụ. Ẹkụra awụ nịnị vana vaa mẹ ụhịị nyị di ụhị aa nyị ụ nịnị agụvị ebira odivi ọnị ụ mẹ nịnị.


Swiv nou:

Piblisite


Piblisite