Ijeremaya 2:31 - IWE ỌNỊNỊ

³¹ Ẹnẹyịmavara kà ẹwụ nịnị Anisirẹrị ọ̀ wụ́ ịrẹyị anị: Vị ọnị wa sị vara ụnọmị yị wụ nịnị nị? Vị ọnị wa sị vara ẹtẹ ọnị ịrahụ ruma-ruma za yị wụ nịnị nị? Sị ẹ vẹ di ụ va ka ịsị e zee wu nịnị eyi kẹnẹ ụ kụkụ aa mẹ nịnị nị? Dị ụ ka wẹ yị ma vana và ka ọnị vẹ nịnị?

Ijeremaya 2:31 Referans Kwoze

Iwe Ọhụhị Imosiisi ana aa hị́ Ọyịvatụrọda 32:15

Ẹwụ nịnị Anisirẹrị, ẹhẹ ộ sị mẹ yị wụ nịnị, dị ụ kụkụ aa mẹ̀ akamawụ hị́ Ẹnẹyịmavara, dị ụ hi ayị ọza ana tụ̀ vẹ ẹhẹ, di u yi Ẹnẹdọha ọbanyị.

1 Anịkọrịntị 4:8

Wée ro ka wa sị avaba ịsa nyị nịnị! Ụ ka wa sị vị ọzọbanyị nịnị, ụ rẹ ka ohinọyị ụ vị nịnị nị, ẹyị ẹ̀yị daka vị ohinọyị. Àa yẹ à hị́ ka ohinọyị obooro ụ vị nịnị nị, dị ẹyịrị ẹwụ nịnị ọ̀ yaanị dudu rị ohinọyị!

Imika 6:9

Ẹnẹyịmavara ee nowuu hị́ anẹkụra Ọza ana àa yẹ ịrẹyị ọ sị ụbanyị yị Ẹnẹyịmavara Ụya awụ nịnị aa vẹ. Ẹnẹyịmavara aa tụ́ ọ hi wu nini.

Emọsị 1:1

 nyị ọnọrụ ọnya aanị ana aā hị́ Emọsị. Ọza ịnya ọ vị ịnị ẹnị anaā pa ịsụpa ẹkụra ana aā hị́ Itekowa nị. Ẹnẹyịmavara ộ tụ ọ ụtụ hi Anisirẹrị ịnị ụmẹ ọnị Uziya si vị ohinọyị ẹtẹ Ijuda. Ụmẹ ọnọọ Ijerobowami, ozi Ijehowasi ọnị rẹ sị vị ohinọyị tụ ẹtẹ Isirẹrị nị. Ịrayị ana tụ́ ọ ọhụva ọnị Emọsị kà enube ọnọọ kwooze, ẹtẹ ve henyi jigi-jigi nị.

Ihoseya 13:6

Ama ịjị ẹ sị ịsa rị, dị ịnẹ sị wa ha, dị e yee wu, dị ayị anị hi wa nị.

Ayịsaya 45:19

Ọnị e yi were ka ịrẹyị. Ọnị ẹ yị ka yị Anisirẹrị nịnị ka ẹ họ̀ use ịsa ọnị ọnị ẹ yị vaa zụ mẹ yị wa. Ịzẹyịza ọnịrị ịsa ana vọrọ ọnịị̄ kà a nị.

Ụhịrẹyị 30:9

Asị ịnẹ na ha ọnị baaba, dị ọnị o hi ayị Ẹnẹyịmavara. Asị osiye ọngwọọngụ za ọnị, dị ọnị o vee yi ọ tịtẹ, dị ọnị vaa mẹ̀ ụhị nyị yọ.

Ahẹ Ụgama 12:4

Ẹnịnị ee ro o, ẹ ka ịrarẹ ọ mā yà ọza irenu dị ụvọ ò re kú ọza ọnọọ. Ẹ ka ịsị èe zee ẹnị eyi kẹnẹ ẹnị vaa kà nị Ẹ ka ẹ yị nyị ọza ana zụ za ẹnị irenu kụ oku.

Ahẹ Ụgama 10:4

Aza edivi vi ene ee wo otoo zị ẹ yị kà ka ẹnị ee sì Ohomorihi. Ẹ yị nyị ụmẹ ọnị ẹ hyakụ sị tamayị Ohomorihi ịnị ayị ẹnịnị.

2 Ịtọpa 31:10

Azariya ana vị ohirẹsụ ọbanyị irehi Ohomorihi ohirẹsụ ana vị ozi Ịzadọkị kà a yị ohinọyị ka hụrẹ ụmẹ ọnị aza aa kụ́ ịsa vẹ ịsọyịrị vị ana gwẹẹtẹ dị ọ vọ ẹtẹ. Ộ maanị zee yị ẹnị agụvị ka Ẹnẹyịmavara ộ mẹ̀ ka o zee yị aza anị.

Iwe Ọhụhị Imosiisi ana aa hị́ Ọyịvatụrọda 31:20

Ẹnẹyịmavara kà ọnị vaa kụ́ wa nọ ịnị ẹtẹ ozoza ọnị ọnị wo oto anị yị ohiku ẹnịnị. Ịzọọ ẹ vaa nyị avaba ịsọyịrị ọnị e yee si. Ẹ vaa ra ẹhẹ ana rọ wa ẹngụ. Ama ẹ vaa sị eyi wụ́ ọnị, di e yi oto ọnị ọnịrị wa mẹ̀, dị ẹ varẹma na hẹkẹ ori nịnị.

Ijeremaya 2:20

Ẹnẹyịmavara ene hu kere-kere ka, Anisirẹrị, o si ku ọnị ụ hụrẹ ka a sị mị kụkụ mẹ ọda tụra wụ nịnị, Ụ ka wẹ yị kụkụ saasa ịrẹyị amị nịnị, dị ụ wẹ̀ yị rẹ kụkụ hẹkẹ mị nịnị nị. Dị ụ naa hẹkẹ ori nịnị ịrẹsụ avaba ataba ọnịrị avaba iruvo ọchị ohwoohu nịnị nị.

Ijeremaya 2:25

Ọ kà, ẹwụ nịnị Anisirẹrị, sị ẹ vẹ dị wẹ yị dọ ka waa va hụụnị ori ọnị wa dụụ zị dị ụ ta mẹ sẹkẹ-sẹkẹ nịnị aanị? Ama ẹwụ nịnị ka, asị mị du irenu amị ha, agụvị ka vị ụ nyayịnẹ sì ịrẹyị ori ẹnẹnị nịnị nị. Ori ẹnẹnị vị ịsị ọzọga yị ụ nịnị. Ama ụ ka wẹ yị kụkụ zụ hụrẹ wa ụvọ nịnị.

Iwe Ọhụhị Imosiisi ana aa hị́ Ọyịvatụrọda 32:18

Ê hi ayị Ohomorihi ẹnịnị, ọdọzaha ọbanyị ẹnịnị ana sị ụhwẹ yị wa.

1 Ohinọyị 11:22

Di Ihwarawo va họ̀ ọ dị ọ ka, “sị wẹ̀ yị nyị ịda amị, dị ụ ka wee sì ka wa nọ eehhi awụ nị?” Di Ihadadi ka, “Ẹ yị nyị. Navọ wa zẹẹ ka ma na kẹnẹ!”

Ijoovu 21:14

Dị ẹ ka yị Ohomorihi ka ọ navọ ẹnị. Ọ sị anị tụ aha anị.

Ijeremaya 5:5

Avọọ ọnị ee ne tu ọdọvịdị ẹnịnị dị ọnị ò pe wa ka ịrẹyị. Ịzẹyịza ẹnịnị ẹẹ yẹ ịsị Ẹnẹyịmavara Ohomorihi ee si ka ẹnịnị ọ̀ mẹ. Ama avaba ẹnịnị ẹ ka ẹnị ẹ yị dọ ka Ẹnẹyịmavara ọ nyị ọda ẹnịnị nị. Ee yi ka ẹnị ẹ yị wụ́ chire e.

Ijeremaya 5:6

Ịsị idu nịnị vaa sị hụụnị iruku vaa wụ̀ wa ha ọ vị ọnọọ nị; dị akatapooro nịnị hụụnị ụnọmị va gara wa ha chẹkẹ-chẹkẹ. Dị ẹzụ e be wa ịnị ẹkụra, ọza anaa jịnẹ tụ ẹhẹ dị ọ na a ha agụvị ka ebira odivi ẹnịnị ọ sị dẹngụ baaba. Ụmẹ tụra ụmẹ ẹnịnị sịị ha hụrị oze Ohomorihi nị.

Ezikẹẹrị 14:5

Avaba ori ẹnẹẹ ẹ sị Anisirẹrị nịnị tụra hụrị ọnị ẹngụ, ama ọnị ee sì ka ọnị ọ̀ sị ohi yị wa, dị ọnị ò si tura wa va ka ẹngụ anị vẹ.