Biblia Todo Logo
Bib sou entènèt

- Piblisite -




Ijeremaya 18:8 - IWE ỌNỊNỊ

8 Aza ẹnẹẹ ẹ̀ẹ va hụụnị ịsị odivi ẹnịnị, ọnị rẹ vaa và a hụụnị ịsị ọnị ka ọnị vaa mẹ wa.

Gade chapit la Kopi




Ijeremaya 18:8
32 Referans Kwoze  

Ẹnẹyịmavara kà, ama ọza odivi ọ̀ọ va hụụnị ebira odivi anaa mẹ, dị aa saasa ọda anị, dị aa mẹ ịzẹyịza ọnịrị ịsị ana vọrọ nị; ịzẹyịza, ọza ọnọọ ẹ́ yị vee sụ, vị aa yàra nị.


Ọ kà, aa nyị ka wa vara ẹhẹ ọnị waa ra nịnị ọnịrị ịsa ọnị waa mẹ nịnị, dị waa saasa ịrẹyị Ẹnẹyịmavara Ohomorihi awụ nịnị. Wàa vavọọ mẹ nịnị, ẹ́ yị kuku vee vu u nịnị ẹtẹ anka ọ mẹ kà a.


Ọ kà a ọnị mẹmẹ nyẹngụ hụrẹ Isirẹrị ụvọ? Ọnị mẹmẹ nyẹngụ navọ ka wa? Ọnị wáá vaa sị ụya rị wa anka Anadima ọnịrị Izeboyimi nị? Ọ kà ọnị o re sì ịrẹyị ẹnịnị baaba. Ịrẹyị ẹnịnị vị ene sụ ùnè e ayị anka ịtahụ avọọ.


Ẹnẹyịmavara kà ẹyịyara, ẹnịnị vaa wụ́, dị ẹẹ và hụụnị ebira odivi ẹnịnị. Ẹnịnị èe ro ịnẹ varẹma, ọnị vaa vàa hụụnị ẹngụ ọnị ọnị tenyi ka ọnị ee vu wa ẹtẹ agụvị ebira odivi ẹnịnị.


Ụmẹ tụra ụmẹ ọnị Ẹnẹyịmavara ọ̀ọ nyị ọdọvịdị yị wa ọọ jẹẹ pe wa, dị ọ dọ wa ha hụụnị ụvọ ọnịvị ẹnịnị pooro di e su nị. Ẹnẹyịmavara vị anaā vayị ẹnịnị agụvị aza ana mẹ ẹvaya yị wa, dị a sị ụya rị wa.


Ohomorihi ộ hụ ụvị ẹnịnị tamayị ịrẹyị ọnị ọ kà tịtẹ, dị ọ nyị isuuru yị wa nị agụvị ka ô sì ịrẹyị ẹnịnị ẹtẹẹtẹrẹ.


Ẹnẹyịmavara vaa vayị aza anị, dị ọ vụ́ ịrẹvụ yị wa.


Ẹnẹyịmavara, navọ de, wa nyị isuuru. Aanị ụ wáá mẹ̀ vaa kụ́ ayị pooro nị? Navọ wa vayị ezi ahụ awụ.


Ịzẹyịza, dị ohinọyị ọnịrị ọdọvịdị ẹnẹẹ dọ irenu ka ẹnị ệ rị ịvị Ẹnẹyịmavara nị. Ịsa ana vọrọ ọnị Ẹnẹyịmavara aa mẹ̀ nị.


Ẹnẹyịmavara vaa dọ aza anị ha ụmẹ ọnị òo re ka ụkata ẹnịnị ọ̀ọ ta. Ọ vaa vayị aza ana hẹkẹ ẹ, òo re ẹ mẹmẹ tụ̀ ọkụmị. Ẹ yị nyị ọza ana vaa vọ, ọ vị ọrịhị a vị ọza obooro.


Wàa vavọọ mẹ, wáā yẹ ka vị Anijipiti vaa kà a ka ịsa odivi u ro tụ́ ịnị ayị dị ụ kụ́ wa jịnẹ vẹ ka wa va wụ̀ wa hi ịnị ataba ịzẹnị nị. Dị ẹ ka ụ sì ka we vu wa ẹtẹ hụụnị ẹhẹ nị. Aarịhịnị navọ wa nyị isuuru, di u we ro o, dị asị ụ zẹẹ ka ịsa odivi ò tù aza awụ ẹnẹnị.


Dị ọ mẹ̀ aduwa hị́ Ẹnẹyịmavara, dị ọ ka; taarụ Ẹnẹyịmavara! Á vị ịsị ọnị ọnị vịdị kà ka ọ vaa mẹ dị ọnị va hụrị ẹkụra anị yịị? Agụvị avọọ ọnị vịdị zwe nọ Itasisii agụvị ka ọnị ọ yẹ ka ẹwụ Ohomorihi vị ọza anaā vayị ọza. Wẹ yị mā hụra kụ ayị, dị ọọ̄ ngwayị ọza ẹtẹẹtẹrẹ, dị ọọ̄ vaa hụụnị ụya ọnị ọ̀ọ ka ọnị a sịị rị ọza nị.


Ẹnẹyịmavara kà ọnị kà a yị ọza ọyịza ka ọ vaa yara, ama dị ọ kụkụ sị ayị tụra ọyịza ọnị ọ́ vịdị mẹ, dị ọ kụkụ aa mẹ̀ ebira odivi nị, ọnị ẹ́ yị vaa tamayị ọyịza ọnyọọnyị ọnị ọ vịdị mẹ. Ọza ọnọọ vee sú agụvị ebira odivi anị.


Ọ kà, ọnị kà a yị wa ka, àa vị ọnị Ẹnẹyịmavara Ananyị yị ọ vị Ohomorihi ana yara nị, ayị anị é yi hine ka ọnị oo ré ka ọnịvị ee sú. Vị ọnị ee sì ka ẹnịnị ẹ̀ hụụnị ebira odivi ẹnịnị, dị ẹ̀ yàra nị. Ẹwụ nịnị Anisirẹrị, hụụnị ebira odivi ọ̀ yị mẹ nịnị. Sị ẹ vẹ dị wee sì ka we su nịnị?


wàa dọ di ụ yà ịnị ẹtẹ ọnọnị nịnị nị, ọnị vaa mẹ ka waa yara nịnị, ọnị ẹ́ yị vaa gara wụ nịnị. Ọnị vaa hị́ wụ nịnị, ọnị é yi vee hu wu nịnịị hụrẹ ẹtẹ. Ọ kà ụya ọnị ọnị sị rị wụ nịnị aanị, ô du ọnị ayị.


Ẹnẹyịmavara kà, ẹyịyara, ịjị avaba Anijuda ẹẹ wụ avaba ụya ọnị ọnị ka ọnị vaa sịị rị wa, ọzọza vaa vàa hụụnị ẹhẹ odivi ẹnịnị. Ịjọnọọ ọnị rẹ vaa vagu avaba ebira odivi ẹnịnị ọnịrị ịvị ẹnẹ ẹ rị yị wa.


Ihezekaya ohinọyị Ijuda ọnịrị Anịjuda nịnị ẹ́ yị hụvị avọọ wụ ọ. Ama Ihezekaya ô hí angwa Ẹnẹyịmavara dị ọ dá ịpẹ yọ nị. Ịzẹyịza Ẹnẹyịmavara ộ và hụụnị avaba ụya ọnị ọ ka ọnị aa sịị rị wa. Ẹ ka, vị ẹnị aa vaa kụ ẹngụkata odivi tù ẹngụ ẹnịnị aanị nị ọ.


Ọ kà wa sị ọnị yi tịtẹ nịnị, wa sị ịrẹma và ka ọnị nịnị. Avọọ, ọnị vaa tana ụvọ za wụ nịnị dị ọnị vu u nịnị ẹtẹ, agụvị ka ịzị ọnị vayị awụ nịnị tu avọọ oo zee.


Ọ kà, ẹnịnị ẹ̀ẹ sị avaba ayị ẹnịnị aa hẹkẹ ọnị anka aza anị maa hẹkẹ ọnị, ọnị vaa sị wa anka aza anị. Ẹnịnị àa sị ịrẹha anịị hị́ eku anka ẹ mẹ vịdị kọ aza anị ka, ẹẹ sị Ịbaarị hị́ eku, o vee zee yị wa.


Ọnị ọ zụ ka ọza odivi ọnọ ka ọ vee sú. Ama ọza ọnọọ ọ̀ọ hụụnị ebira odivi ọ̀yị mẹ, dị aa mẹ̀ ịsa ana vọrọ dị o zoza nị,


Ịzẹyịza dị Ẹnẹyịmavara varẹma ro o, dị ọ̀ yị va zẹẹ ka ịrẹyị odivi ò tù aza ẹnẹẹ anka ọ mẹ̀ vịdị yaanị mẹ nị.


Booro aanị, ọnị ozi-ọza ọ̀ kà a yị Anisirẹrị nịnị ka, ịjị ọza ọyịza òo nyima aa mẹ̀ ebira odivi, ọyịza ọnị vịdị mẹ, ẹ́ yị vaa zụụ dọ ọ ha. Ọza odivi ọ̀ọ hụụnị ebira odivi ọ̀ yị mẹ, ẹ́ yị kụkụ vaa rị ụya ebira odivi ọ̀ yị mẹ. Ọza ọyịza òo nyima aa mẹ̀ ebira odivi, ẹ́ yị vaa ha o.


Ọ kà ẹnịnị ẹ nyị ịhyẹrẹ odivi, dị ẹ sì ịrẹyị ebira ọyịza dị ẹ mẹ ịzẹyịza ịnị ikootu ẹnịnị. Ẹnẹ yẹ ẹyịyara Ẹnẹyịmavara vaa vagu aza anaa vọ ẹtẹ.


Swiv nou:

Piblisite


Piblisite