Ijeremaya 18:20 - IWE ỌNỊNỊ

²⁰ Ọnị ka, áá vọrọ ka aa sị odivii sị́ atọ ọyịza? Ama aza anị ẹ raa chị́ ụsị ka ọnị ò ve horo ngụ ọ. Ẹnẹyịmavara ọ̀ navọ ọ̀ tamayị ọnị mẹmẹ hụvị ẹnịnị va dá ịpẹ yọ, ka asị ọ́ kụ ayị hi wa.

Ijeremaya 18:20 Referans Kwoze

Ahẹ Ụgama 57:6

Ọnịvị amị ee bè mi ka ẹnị ẹ̀ za mị Ayị amị o si du ẹtẹẹtẹrẹ Ọnịvị ẹ raà chị ụsị ka me zina ngụ ọ Ama dị ahịka ẹnị ụvọta ẹ rẹ varẹma horo ngụ ụsị ọnọọ nị.

Ahẹ Ụgama 35:7

Nyị m mẹ̀ kà yị wa di e yee bè mi, dị ẹ yaa va ịrẹpaa zi mị kẹnẹ-kẹnẹ.

Ahẹ Ụgama 106:23

Ohomorihi vi ana ka ọnị ọ̀ yaanị wụ̀ wa va ha, à yị vị oni Imosiisi ọnị ọ nyị va jị Ohomorihi oze, dị ọ̀ yị zẹẹ ka ọ̀ sị ọyịkụ wụ̀ wa và ha.

Ahẹ Ụgama 35:12

Màa mẹ wa ọyịza, dị ẹ sị odivi si mi atọ e yee sì ka ẹnị ẹ̀ dọ mị ụhwẹ.

Ijeremaya 18:22

Ọnị ka asị Ẹnẹyịmavara kà wa ọnọ, dị ọ̀ tụ enezigi nịnị va kụ wa ẹnya irehi. Ọ̀ navọ ọ̀ mẹ ayị hụrẹ wa ịnẹ, dị ẹ̀ jị òrèrè. Ẹnịnị ẹ sị ụsị chị̀ ka ọnị ò ve horo ngụ ọ. Ẹ́ sị ịrẹpa và ee zi ọnị.

Ịrẹyị Ọzwọzịsa 10:8

Ọza anaa chị ụsị ọ vee horo ngụ ọ nị. Ọza anaa jị ugene roo ẹ́wụ́ ọ zụ jị ọ ịrẹrụ.

Ụhịrẹyị 26:27

Ọza anaā va ịrẹpa zi ọza ọ́ vaa za nị. Ịsa ọnị ọ sị yị ọza o vee re nị.

Ahẹ Ụgama 119:95

Aza edivi jẹẹ ee zi ka ẹnị ẹ̀ wụ̀ mị, ama ọda awụ vị ana yị yà ịnị ayị amị.

Ịjọọnụ 15:25

Ama â nyị ka ịrẹyị ana a chẹrẹ tụ́ ini iwe ọda ẹnịnị, ọ̀ zụ sẹ. Â vịdị chẹrẹ ẹ ka: ‘Ẹyaa nyị ịhyẹrẹ amị kẹnẹ-kẹnẹ.’

Ịjọọnụ 10:32

Dị Ijeesu ka, “Ma raà mẹ̀ ụkọrọ ozoza-ozoza éyi awụ nịnị ana Ada amị sị ụkata mị ka ma mẹ. Ye re ana a vọrọ ka we si ne mi ịrẹta ịnị ụkọrọ ẹnẹẹ nịnị?”

Ijeremaya 14:20

Ẹ ka, ẹnị ệ dọ irenu ebira odivi ẹnịnị ọnịrị ebira odivi ohiku ẹnịnị ka ẹnị ệ rị ịvị Ẹnẹyịmavara.

Ijeremaya 11:14

Ọ kà, agụvị avọọ, asị ọnị Ijeremaya hụvị aza ẹnẹnị mẹ̀ aduwa; asị ọnị dá ịpẹ yị ọnị agụvị ẹnịnị, agụvị ka ọnị ẹ yị vaa wụ̀, ẹnịnị ẹẹ hị́ ọnị ịnị ụmẹ akanya ẹnịnị.

Ijeremaya 7:16

Ọ kà, agụvị avọọ, asị ọnị Ijeremaya hụvị aza ẹnẹnị mẹ̀ aduwa. Asị ọnị hụvị ẹnịnị da ịpẹ yị ọnị agụvị ka ọnị ẹ yị vaa wụ̀.

Ụhịrẹyị 17:13

Ọza anaā sịị ọhịmị sị atọ ọyịza, ịrẹyị odivi ẹ yị mā vana ta hụrẹ irehi pàá.

Ahẹ Ụgama 38:20

Aza hi ịzọọ ana ahịka màa mẹ wa ọyịza, ịsa odivi e yee sii si mị atọ nị Màa dụ ka ò zoza yị wa, dị eni ee du mi ịrẹsụ.

Ahẹ Ụgama 7:15

Ama ụsị ẹnị ẹ chi zi ọza, ẹnị gẹdẹ-gẹdẹ ẹ vaa hụrẹ ne ngụ ọ nị. Ebira odivi ẹnị ẹ yaa mẹ ọ vaa vara eyii sị ụyaa rị wa nị.

Ijoovu 6:27

Ọrịhị ọnịrị ọta ẹnịnị vị ẹnị ẹ yaa sịị sẹ ohu nyị ẹkẹhị.

1 Ịsamụwẹrị 19:4

Ijonatani ộ kà ọyịza Idevidi yị Ịsọọrụ ada anị. Ọ kà, “Taarụ, asị a nyị ịsị ụ sị mẹ Idevidi agụvị ka ẹ yị nyị ọ mẹ̀ kà wụ. Avaba ịsa oni Idevidi mẹ vị ọnị ọ nyayịnẹ sị mẹ ọgụvọ wụ.”

Ijeremaya 5:26

Aza edivi hi ịnị ẹngụ awụ nịnị ana vaka èe zi anka ọza enee bè inomi avọọ, ama ẹ sị ịrẹpa va hi ẹtẹ èe bè aza.

Ijeremaya 15:1

Ijeremaya ka Ẹnẹyịmavara ộ kà a yị ọnị ka, Imosiisi ọnịrị Ịsamụwẹrị ẹ̀ẹ daka va jẹẹ ọvịdị anị dị ẹ yaa dá ịpẹẹ yị ọnị nị, ọnị ẹ yị kụkụ aa vayị Anịjuda nịnị. Ẹnẹyịmavara kà, à dụ wa hụrẹ ọnị eyi, à kà a ka ẹnịnị ẹẹ na.

Ijeremaya 18:19

Ijeremaya ka, agụvị avọọ dị ọnị mẹ̀ aduwa nị ka, Ẹnẹyịmavara ọ̀ navọ ọ̀ wụ́ ịrẹyị anị, dị ọ̀ wụ́ ịrẹyị anị ọnị ọnịvị anị nịnị aa kà.

Ijeremaya 27:18

Ẹnẹyịmavara kà àa vị ọnịsẹ ẹ vị nị, dị ẹ ka ọnị ộ tụ ẹnị ụtụ nị, ẹnịnị ẹ̀ dà ịpẹ yị ọnị ka, asị ọnị Ẹnẹyịmavara Ochẹtẹẹngụ kụkụ zẹẹ ka à kụ ẹnya ana vọ tụ ịnị irehi anị ọnịrị ịnị irehi Ohomorihi ana yà Ijerusarẹmị aanị na tụ Ịbabịrọnị kẹ.

Arụwẹ 3:59

Ộ yẹ ebira odivi ọnị ọnịvị amị nịnị mẹ̀ hi mi, dị ọ jị ịhị mị nị.

Ijeremaya 17:18

Ọ̀ navọ asị ọ́ zẹẹ ka ụhị nyị ọnị ama ọ̀ mẹ̀ ụhị nyị aza anaa sị ụya rị ọnị. Asị ọ mẹ ayị hụrẹ ọnị ịnẹ, ama ọ̀ kụ ayịhụrịnẹ tu wa. Ọ̀ navọ ọ̀ kụ ẹngụkata odivi tu wa dị ọ̀ gara wa ha chẹkẹ-chẹkẹ.