Ijeremaya 18:13 - IWE ỌNỊNỊ

¹³ Ẹnẹyịmavara kà, à họ̀ avaba anẹkụra use ka áá nyị ịzị ẹngụ ịrẹyị ọnọnị vịdị mẹ da? Anisirẹrị nịnị ẹ sị ebira odivi hangụ-hangụ mẹ.

Ijeremaya 18:13 Referans Kwoze

Ijeremaya 5:30

Ọ kà, ịrẹyị odivi anaā za ọzaa zizi ọ sị mẹ ịnị ẹtẹ ọnọnị.

Ihoseya 6:10

Ẹnẹyịmavara kà ọnị o re odivi ana zụ chire ọza angwa ịnị Isirẹrị. Ori ọnị Anehwireemi nịnị aa dụ zị ọ re du wa ẹngụ.

Ijeremaya 23:14

Ama ọnị o ve re ka ịsị ọnị ọnịsẹ ene hi Ijerusarẹmị aa mẹ e divi hu nị. Ọsẹrẹka vị nị, dị eyee cheeche nị. Ẹnịnị aa gụ aza ụvọ ka ẹẹ mẹ̀ ịsa ẹnẹ ẹ yị vọrọ nị, agụvị avọọ, ẹ yị nyị ọza ana dọ ka ọnị ọ̀ hụụnị ebira odivi ọ̀ yị mẹ. Ẹnẹyịmavara kà ịnị eyi anị, avaba ẹnịnị vị ene divi anka Anisodọmị ọnị Igomora.

Ayịsaya 66:8

Ẹnẹ maanị wụ́ ẹngụ ịrẹyị ọnọnị da? Ẹnẹ vavọọ re e da? Áá zụ ma ẹkụra ịnị ẹkụhị ọnya? A vị ọza ọ zụ dọ ẹkụra ha ịnị aba ọnyọọnya?

Ijeremaya 31:4

Ọ kà, ẹwụ nịnị Anisirẹrị ọnị vanaa kụ ụ nịnị kwẹẹtẹ, ịzẹyịza dị ụ kwẹẹtẹ nịnị. Ụ vanaa sị ahịhya awụ nịnị, dị waa nyẹzẹ ụ waa maa jẹ ịrajẹ nịnị.

Ijeremaya 14:17

Ijeremaya ka, Ẹnẹyịmavara ộ kà a yị ọnị ka, ọnị ọ̀ kà a yị Anijuda nịnị ịsị ẹ vị ayodu anị, dị ọnị ọ̀ kà a ka, aanị eyi anị mẹ vaa ka ẹgọ, ọọdụ ọnịrị ịrahụ nị, ọnị ẹ yị hụụnị orere ọ̀ yị jị, agụvị ka aza anị ẹ́ raa tụ ụnava ngọtọọ, ịrẹyị odivi ô tù wa.

1 Anịkọrịntị 5:1

Aza aa kà a ka áa nyị aza ẹnyị ịnị ẹngụ awụ nịnị ana aa mẹ ụnọ. Ikenhweri nịnị ẹ yị hyakụ nyayịnẹ vavọọ mẹ ụnọ. Ho! A ka aza ẹnyị awụ nịnị aa sị ose ada anị.

Arụwẹ 1:15

Ẹnẹyịmavara ô nyị isoja ayị ana kata hu kere-kere unyi; dị ọ tụ isoja hụrị aha ọsa dị e ve vu ezwọọmụha ayị ẹtẹ nị. Ệ kwọrọ avaba aza ayị và ha anka a mẹẹ kwọrọ asẹ ịnị ụkọ avọọ.

Ayịsaya 36:22

Di Eriyakimi ozi Ihirikaya ana si eyi pè ohweje Ijowa ohinọyị ọnịrị Ịsẹbina ana vị ọchẹrịsa ne beri Ijowa ozi Asahwi ana si eyi pè iwe ịdị ohinọyị za awuru ẹnịnị dị ẹ na a áyị ẹnịnị mẹ̀ du, di e si hu aa nọ ịda ohinọyị nị. Ẹ́ mẹ̀ vavọọ tù ịzọọ, dị ẹ kà a yị ohinọyị avaba ịrẹyị ọnị ọga isoja Anasiriya va kà nị.

1 Ịsamụwẹrị 4:7

dị angwa ee hi wa nị. Di Anihwirisiti nịnị ka ẹnị ẹ sị dà, ẹ ka Ohomorihi ọ va sị ngụ udi Anisirẹrị nịnị. Ẹ ka ịrẹyị ọkatẹngụ ộ yị vịdị maanị tù ẹnị da.

Ijeremaya 18:14

Eguhi waa tá hụụ ịrẹsụ ataba Ịrẹbanọnị kẹ? Enyi ohunẹnẹ eneē sìi hụụ ịzọọ wa rẹ ẹ wụ?

Emọsị 5:1

Ẹnẹyịmavara, ô hị́ Anisirẹrị, dị ọ ka e batọ ahẹ ọnị ọnị aa sị zị ẹngụ yi wa.

Emọsị 5:2

Isirẹrị sị mẹ anka ozwoorihi ana hyẹdụ, dị ẹ yị vana zụ kwẹẹtẹ avọọ nị. Dị aa hụrẹ ẹ ụvọ tụ ịzị ọ ya nị. Ẹ yị nyị ọza ana sị ọ kwẹẹtẹ