Biblia Todo Logo
Bib sou entènèt

- Piblisite -




Ijeremaya 17:3 - IWE ỌNỊNỊ

3 Waa nọ ịnị ataba ene hi ịnị akakana ẹkụra naa mẹ ori nịnị. Agụvị avọọ dị Ẹnẹyịmavara kà ọnị vaa mẹ ka ọnịvị awụ nịnị ẹ̀ va kụ́ ogu awụ nịnị ọnịrị ịsa ọkụmị-ọkụmị ọnị ụ nyị nịnị agụvị ebira odivi ọnị waa mẹẹ ngụ ẹkụra awụ nịnịị zị.

Gade chapit la Kopi




Ijeremaya 17:3
23 Referans Kwoze  

Ijeremaya ka Ẹnẹyịmavara ộ kà a yị ọnị ka, ọnị vaa tụ ọnịvị ka ẹ̀ va kụ ọgụ aza anị ọnịrị avaba ịsa ọkụmị-ọkụmị ẹnẹ nyị, dị ọnị ọ̀ sị sị ụya rị wa agụvị ebira odivi ẹnẹ ẹyaa mẹ ngụ ẹkụra ẹnịnị zị.


Ụmẹ ọnị Ihezekaya sị vị ohinọyị Ijuda, ọnịsẹ ana aā hị́ Imika hụrị ẹtẹ Imoreseti ộ ka ịrẹyị Ẹnẹyịmavara Ochẹtẹẹngụ yị avaba aza ka: E vee hùru anka a mee huru aarẹ avọọ, ọ ka, a vaa jị Ijerusarẹmị eburu saka-saka dị Irehi Ohomorihi kụkụ vara iruku tịtẹ.


Inebukadineza ộ kụ́ avaba ogu ene hi ini irehi Ẹnẹyịmavara ọnịrị ini irehi ohinọyị. Ộ chaka ẹnya ana a sị igooru mẹ̀ ọnị Isoromọnị ohinọyị Isirẹrị mẹ̀ anka Ẹnẹyịmavara vịdị ka tịtẹ.


A vaa hụ agụvị awụ nịnị gara Ịzayọnị anka a mèe huru aarẹ avọọ. Ijerusarẹmị vị ana vaa jị eburu, dị Ataba oni irehi Ohomorihi jẹẹ ịnị anị vị ana vaa vara iruku.


Ọnị vaa sị wụ́ chire aza ẹnẹẹ ụvụ, dị ẹnịnị wú avaba ịzị ụ yaa sẹ̀ ịrẹka, di waa mẹ ori nịnịị ha. Ẹnịnị vaa dọ wụ ịta awụ nịnị ọnịrị ẹnya ọvị awụ nịnị, dị ẹẹ tụ́ wụ nịnị ahwaahụ saka-saka.


ẹwụ nịnị ataba ene hi Isirẹrị ọ̀ wụ́ ịrẹyị Ẹnẹyịmavara Ohomorihi. Ọ kà ọnị ọ̀ kà a yị ẹnị ataba ọnịrị inozi nịnị ka, ọnị Ẹnẹyịmavara vaa mẹ ka à kụ́ ịrẹkụ ve du ịzị aza vaa mẹ ori ịnị ẹnịnịị ha.


Ọnịvị ẹnịnị ẹ raà kụ avaba ogu ẹnịnị. Ẹnịnị ê re ọnịvị ẹnịnị maa ngụ ịnị irehi Ohomorihi, ịzị Ẹnẹyịmavara kà ọọ vị aha eenyisi yị aza ẹnẹ yị vị Aniju ka ẹ̀ ngụ.


Aza ene eē du ịsaa ha ẹẹ wara hụụnị ụnọmị eyi ẹbẹẹba vẹ; ka ọnị Ẹnẹyịmavara ọ́ raa kụ ịrẹkụ ka è ve vu avaba ẹkụra Ijuda ọnịrị Ijerusarẹmị nịnị ẹtẹ, ẹ yị nyị ọza ana a kụkụ nyị ẹngwọọrọ.


Ộ dị ịhị Anisirẹrị ẹ̀ẹ raà chaka ịrẹta ịzị ẹ yaa mẹ̀ ịsọvọ hi ori ana aā hị́ Asẹra nẹrẹ-nẹrẹ dị ẹnẹ ẹ̀ yị mā vara ọ̀ va vagu wa ini ebira odivi ẹnị ẹ yaa mẹ, kụkụ vaa nyị ọchị ori ọnọọ ikonya ana vọ jẹẹ.


Ọ kà ịzị ẹyaa mẹ ahẹkẹ ịrẹsụ ataba vị ọnị ọnị vaa garaa ha, dị ọnị che ụta ẹnẹ ẹẹ̄ rị eturare ịra ịnị anịị va ha. Oku ẹnịnị vị ọnị ọnị vee ne vàa ku ori ẹnịnị ịrẹsụ. Ẹnịnị vị anaā vana nyị ọnị ịhyẹrẹ


Ẹnịnị ệ mẹ ayị kụ́ Ohomorihi agụvị aha ahẹkẹ ori ẹnị ẹ dà hi ịrẹsụ ataba irenyi-irenyi. Ori ẹnịnị vị ana mẹ̀ ẹ kụ́ ụhị.


Ẹnẹyịmavara kà ọnị vaa sị avaba ogu Ijuda ọnịrị ịsa anaa mẹ ịnị anịị chire ọnịvị ẹnịnịị ụvọ ka ẹ̀ kụ ọ. Ọ kà avaba ịsa ene e sì ịrẹyị anị hu kere-kere ọnịrị avaba ogu ohinọyị ẹnịnị vị ọnị ọnị ve sii chire ọnịvị ẹnịnịị ụvọ. Ọnịvị ẹnịnị vaa kụ ogu ẹnịnị nee hi Ịbabịrọnị.


A vaa dọ wa ogu ẹnẹ ẹ nyị. Ẹnịnị ẹ yị vaa ra ịnị irehi ẹnị ẹ sị ụvọta ẹnịnị da. Ẹnịnị e yi vee re oze mẹ eche hụụnị ụbazị ịvayịnị ẹnịnị, dị ẹ hyakụ vee hú ịnị anị. Irehi ẹnịnị vị ana vaa chaka, dị ẹ para eburu anị hu.


Ẹnẹyịmavara kà, ọnị vaa va eyi ịrazịị ka Ijerusarẹmị enee wo oto ka, ẹnị ẹ sị ha, ẹ yị nyị ịsị ẹ kụkụ zụ kanyị ẹnị agụvị ataba ana kara ẹnị aanị.


Ẹnẹyịmavara Ananyị ụkata hu ka, à hàrà aza vẹ ene vee chire anẹẹ ẹnẹnị angwa, dị ẹnịnị ẹ̀ sị ụkata dọ wa ịsị ẹ nyị.


Swiv nou:

Piblisite


Piblisite