Biblia Todo Logo
Bib sou entènèt

- Piblisite -




Ijeremaya 17:20 - IWE ỌNỊNỊ

20 Ọ kà, ọnị ọ̀ kà a yị ohinọyị nịnị ọnịrị avaba Anijuda, beri avaba aza ana ra Ijerusarẹmị, dị ẹẹ̄ zị oze ẹnẹnị ngụ eehi ka ẹ̀ wụ́ ịrẹyị Ẹnẹyịmavara.

Gade chapit la Kopi




Ijeremaya 17:20
13 Referans Kwoze  

Ijeremaya ka, Ẹnẹyịmavara kà ọnị kà a yị ohinọyị Anijuda nịnị ọnịrị Anijerusarẹmị nịnị ka, ẹnịnị ẹ̀ sị ụtọ pe ịrẹyị ọnị ọnị Ẹnẹyịmavara Ochẹtẹẹngụ aa kà. Ọnị ọ̀ Ohomorihi Anisirẹrị nịnị nị. Ẹnẹyịmavara kà ọnị vaa sị ụyaa rị ẹkụra ọnọnị divi-divi, dị o hi avaba aza anaa wụ ọ irenu.


Ẹnẹyịmavara kà, ịsị ọnị ọọ kà a yị ọnị kẹnẹ, ọnị vaa kà a yị wa nị, ẹẹ ka ẹnịị wù, ẹẹ ka ẹnị ẹ́ yị wụ. Asị ayị hi ọnị ka vị Anisirẹrị nịnịị kụ́ụ hịrẹ ọza nị.


Ẹwụ ohinọyị Ijuda, ana yaatụ ịrẹsụ aga ohinọyị Idevidi, ẹwụrị ezi ahụ awụ beri avaba Anijerusarẹmị ọ̀ wụ́ ịrẹyị ọnị Ẹnẹyịmavara kà.


Ọza ana àa nyị ụtọ, ọ̀ sị ụtọ pe ịrẹyị ọnị Ụhwẹ Ohomorihi aa kà a yị anịragụ Ohomorihi!”


Ẹnẹyịmavara kà we batọ nịnị ẹwụ nịnị ọdọvịdị anovwoovu Ijekọvụ. Ọ kà ọnị ka ẹwụ nịnị ọdọvịdị Anisirẹrị è batọ di wa wụ́ ịrẹyị. Ẹwụ nịnị a vọrọ ka ọ̀ yẹ ịsa ana vọrọ nị.


Ẹnẹyịmavara kà Anẹẹ Anịsamarịya ana dẹngụ anka ụnọ Anịbasanị avọọ e batọ ịrẹyị anị. Ẹnịnị aa mẹ̀ ẹvaya yị onosiye nịnị, di ẹ yaa chamayị yi onuruwa nịnị nị. Eche kẹnẹ ẹ ka ọva ẹnịnị ẹẹ kụ yi ẹnị hu nị.


Batọ, ẹwụ nịnị ohirẹsụ irehi Ohomorihi! Sị ụtọ pe ẹtẹ ẹwụ nịnị Anisirẹrị, batọ ẹwụ nịnị anovwoovu ohinọyị! A vọrọ ka wa sị ịzẹyịza mẹ̀ ọkarẹyị nịnị. Agụvị avọọ ọkarẹyị aa vẹ ịrẹsụ awụ nịnị! Ẹnịnị ê vene aza naa hẹkẹ ori ene hi ịnị ataba Imizipa ọnịrị Ịtabọ


Ọnị ozi-ọza, ọnị Ẹnẹyịmavara ộ nyị ọnị ka ọnị ò sị eyi pe Anisirẹrị nịnị. Ịjị ọnị ọọ káa yị ọnị Ezikẹẹrị ka ọnị ọ̀ na kà wa ọnọ o.


Ijeremaya ka Ẹnẹyịmavara ộ ka ẹ yị ọnị ka, ọnị ọ̀ kà a yị ohinọyị ọnịrị ọnyị anị ka è chi hụụnị aga ohinọyị ẹnịnị, agụvị ka ọkẹkẹrẹkụ ẹnịnị ọ sị hụ hụrẹ wa ịrẹsụ.


Ijeremaya ka, Ẹnẹyịmavara ộ kà a yị ọnị ka, ọnị ọ̀ nọ enoze ọnị ohinọyị Ijuda zịị̄ ngụ ịnị ẹkụra dị ọ rẹẹ̄ zị avọọ tụ ẹhẹ, dị ọnị ọ̀ rẹ nọ avaba oze ana vọ ana a zịị̄ ngụ Ijerusarẹmị, dị ọnị ọ̀ na nọ̀ọ ụtụ anị ọnọnị.


Ọ kà ọnị vavọọ vaa mẹ agụvị ka aza ẹ raa và ịrẹma anị. Ẹ sị ẹtẹ du ẹ́ mẹ kụkụ yà ịnị anị aa mẹ ịsọvọọ yị ori nịnị. Ẹnịrị ohiku ẹnịnị beri ohinọyị Ijuda nịnị ẹ yị vịdị yẹ ori ẹnẹẹ. Aza ẹnẹ ẹ̀ yị nyị ịsị ẹ mẹ̀ vị ọnị ẹyaa wụ ịzọọ.


Ẹnẹyịmavara kà Ijeremaya ọ̀ ka ẹ yị avaba aza ohinọyị Ijuda ana vị evere Idevidi ka


Swiv nou:

Piblisite


Piblisite