Biblia Todo Logo
Bib sou entènèt

- Piblisite -




Ijeremaya 17:2 - IWE ỌNỊNỊ

2 Aza awụ nịnị anaa mẹ ahẹkẹ ịzị ụta ọnọọ yà, dị ụ raa nọ iruvo avaba ọchị ọnịrị ịrẹsụ ataba ịzị asị ụmọmọ ori ọnyẹnẹẹ ana aā hị́ Asẹra tụ nịnị nị.

Gade chapit la Kopi




Ijeremaya 17:2
15 Referans Kwoze  

Dị aza ẹ yị kụkụ na hẹkẹ Ẹnẹyịmavara, Ohomorihi ohiku ẹnịnị ịnị irehi anị nị. Dị ẹ kụkụ aa hẹkẹ ori ọnyẹnẹẹ ana a hị́ Asẹra ọnịrị ori irenyi-irenyi nị. Ẹnẹyịmavara ô du ayị hi Anijuda ọnịrị Anijerusarẹmị agụvị ebira odivi ẹnịnị.


Ẹnẹyịmavara ene hu kere-kere ka, Anisirẹrị, o si ku ọnị ụ hụrẹ ka a sị mị kụkụ mẹ ọda tụra wụ nịnị, Ụ ka wẹ yị kụkụ saasa ịrẹyị amị nịnị, dị ụ wẹ̀ yị rẹ kụkụ hẹkẹ mị nịnị nị. Dị ụ naa hẹkẹ ori nịnị ịrẹsụ avaba ataba ọnịrị avaba iruvo ọchị ohwoohu nịnị nị.


Aza ẹ yị kụkụ vaa sị ayị tụra ụta ori ẹnị ẹ sị ụvọ ẹnịnị mẹ. Ẹ yị rẹ kụkụ vaa sị ayị tụra ori Asẹra ene e hī ọchị ọgọdọọ yị́, ne beri ụta ẹnị ẹnị ụvọta hī dị ẹ yaa rị eturare ịra ịnị anị.


Avaba ẹwụ nịnị ana na hẹkẹ ọdụ ọnịrị ịsa ana mẹ hi ịnị ụbazị vaa sị ụmayịyẹ. Ụ mẹ ka ịnị ụbazị ayị awụ nịnị kụkụ yà aanị nị, ụhị ọ vaa nyị wụ nịnị nị.


Ộ varẹma tenyi irehi ori nịnị ana ada anị wu ha da. Dị ọ hi ụta hi ẹtẹ ọyị hẹkẹ ori Ịbaarị, dị ọ bẹ ọchị uyi ori ọnẹẹ ana a hị́ Asẹra ọnịrị ahẹkẹ ụzọmị ene hi ẹbẹẹba.


Anisirẹrị nịnị ệ rị ịvị Ẹnẹyịmavara agụvị ka ẹnịnị e hi ayị anị, dị ẹ na hẹkẹ ori Ịbaarị ọnịrị Asẹra.


Ọ kà ọnị ộ kụ wa va ngụ ẹtẹ ọnị ọnị kà a ka ọnị aa sịị yị wa. Ahatụraha aha ẹnẹ ẹnịnị ee ré ataba ana nẹba ọnịrị ọchị avị-avị nịnị kẹnẹ, dị ẹ na yà ịzọọ aa mẹ̀ ịsọvọ. Ịsị ịsọvọ ẹnẹ ẹyaa rị ịra ọnịrị eche ẹnẹ ẹyaa sị mẹ̀ ịsọvọ vị ọnị ẹyaa sịị mẹ ayịị kụ ọnị.


Ezweyi ẹẹ na tọ ọkụ gụ, dị ada ẹnịnị sị ka ịra, dị anyẹnẹẹ ẹnịnị po ayị dị ẹ sị jị akara yị ịsị ẹ ka ọọ vị ohinọyị anyẹnẹẹ ana ya ẹbẹẹba. Ẹnịnị ẹẹ rẹ sị ehe dị ẹ sị mẹ̀ ịsọvọ yị ori nịnị ọyị mẹ ayị kụ ọnị.


Ẹnịnị ệ mẹ ayị kụ́ Ohomorihi agụvị aha ahẹkẹ ori ẹnị ẹ dà hi ịrẹsụ ataba irenyi-irenyi. Ori ẹnịnị vị ana mẹ̀ ẹ kụ́ ụhị.


Avaba ịsa ọnị ohinọyị Ịmanasẹ mẹ̀ ịnị ụmẹ anị vị ana chẹrẹ tụ́ ịnị iwe ịtọpa ọnịsẹ nịnị. Aa chẹrẹ ohinọyị mẹmẹ mẹ̀ aduwa, ohi ọnị Ohomorihi sị yọ ọnịrị avaba ịvị ọnị ọ mẹ̀ dị ọ vee ro ịnẹ hụụnị ebira odivi. Avaba irehi ori ọnị ọ dà, ọnịrị uyi ori neberi ori Asẹra ọnị ọ kụ́ aha irenyi-irenyi dị aa hẹkẹ wa vị ana chẹrẹ tịtẹ.


Wèe tù ịzọọ ụ chaka ụta ịzị ẹ yàa mẹ̀ ịsọvọ, rẹ za avaba ịrẹta ẹnị ẹ sị mẹ ori dị wa chaka wa. Â nyị ọchị ẹnị ẹ bẹ yị ori ẹnịnị ẹnị ẹẹ̄ hị́ Acherimi. Ọchị ọnọọ vi oni u wee che nịnị.


Ijeremaya ka, Ẹnẹyịmavara ộ ka ẹ yị ọnị, ụmẹ ọnị Ijosaya sị vị ohinọyị ka, ọnị oo rẹ ịsị Anisirẹrị nịnị mẹ? Anisirẹrị nịnị vị ọnyẹnẹẹ ẹnẹẹ yị nyị ịzẹyịza. Ọ sị ịrẹma và ka ọnị, dị ọ naa sẹ̀ ịrẹka ngụ ịrẹsụ ataba ọnịrị iruvo avaba ọchị ohwoohu zị nị.


Ẹ ka, ori ọnị ẹnị aa hẹkẹ ngụ ịnị atabaa zị, ọnịrị eche ọnị ẹnị ee hú zị ka vị ẹnị aa mẹ ahẹkẹ aanị nị vị evene kẹnẹ. Ẹnẹyịmavara Ohomorihi kẹnẹ ọ vaa dọ Anisirẹrị ha nị.


Anẹkụra irenyi-irenyi ana ra ịzọọ vị ana hẹkẹ ori ẹnịnị. Ịjị ẹ̀ẹ raa dọ ẹtẹ ọnọọ, e du avaba aha ana a yaa hẹkẹ ori ene hi ịrẹsụ ataba ọnịrị ịrẹsụ otutu irenyi-irenyi a vị iruvo ọchị ẹbanyị-ẹbanyị ịzị ẹẹ̄ mẹ ori.


Swiv nou:

Piblisite


Piblisite