Ijeremaya 16:21 - IWE ỌNỊNỊ

²¹ Ẹnẹyịmavara kà agụvị avọọ ọnị aa sị ụkata anị zụ wa nịnị dị ẹ̀ yẹ ka ọnị ọ vị Ẹnẹyịmavara nị.

Ijeremaya 16:21 Referans Kwoze

Ahẹ Ụgama 9:16

Aza ệ yẹ ka Ẹnẹyịmavara vị ana aā mẹ ịzẹyịza. Ịsa ana aza edivi aa sị ụvọ ẹnịnị mẹ ọ rẹ vara eyi za wa nị.

Ijeremaya 33:2

Ẹnẹyịmavara ana tụ́ ẹhẹ ọnọnị, dị ọ sị ọ hi ẹtẹ aha anị ọ́ mẹ sị ọ mẹ; ịrẹha anị ọ rị Ẹnẹyịmavara nị; ọ ka,

Ahẹ Ụgama 83:18

Navọ ẹ̀ va yẹ ka ẹwụ ọnị ịrẹha anị rị Ẹnẹyịmavara, ẹwụ ịnya kẹnẹ ọ vị Ohomorihi ene hu keekere ana nyị avaba ẹhẹ nị.

Emọsị 5:8

Ẹnẹyịmavara ọnị ọ mẹ̀ ụzọmị nịnị nị. Ọnị ọ mẹ oserụhwẹ ọnịrị ụhwaazị nị, ọnị ọọ̄ vara etohozi eyọnị, dị ẹtohweyi vara ịrahụ nị. Ọnị o tụra enyi hụụnị oku vaa hịrẹ, dị ọ zwọ ọ orihi chi vẹ hi ẹtẹ nị.

Ayịsaya 43:3

Ẹma vị Ẹnẹyịmavara homorihi awụ nị. Ẹma vị Ọza Ọnịnị Anisirẹrị ana dọ wụ ha nị. Mâ sị Anijipiti nịnị si ụta awụ nịnị. Anetiyopiya ọnịrị Aniseba nịnị mị sị vara wụ nịnị ụvị dị ụ wa yàra nịnị nị.

Ọyịkụra 15:3

Ẹnẹyịmavara vị ọkụrẹkụ, Ịrẹha anị ọ rị Ẹnẹyịmavara nị.

Ezikẹẹrị 25:14

Ẹnẹyịmavara kà aza anị Anisirẹrị nịnị vaa họ̀ oponu ịrẹsụ Edomi, dị ẹ̀ mẹ ka Anedomi nịnị vaa yẹ aza mẹẹ rị ụya ọnị ọ̀ọ ka ọnị aa họ̀ oponu.

Ezikẹẹrị 24:27

Ịhị ọnọọ gẹdẹ-gẹdẹ, ọnị vaa sị ụkata yị ọnị dị ọnị ha irenu aa kà ịrẹyị. Ọnị vee pe ọza ọnọọ kà ịrẹyị. Aanị ọ́nị mẹ vaa vị apọtẹrẹwaa yị ezi Anisirẹrị nịnị nị. Ẹnịnị vaa yẹ ka ọnị ọ vị Ẹnẹyịmavara.

Ezikẹẹrị 24:24

Ezikẹẹrị ka ọnị vaa vị apọtẹrẹwaa yị wa ịjị ọnọọ. Ẹnịnị vaa mẹ avaba ịsị ọnị mẹ aanị. Ẹnẹyịmavara kà ịjị avaba ịsị ọnọnị ọ̀ọ sị mẹ ẹnịnị vaa yẹ ka ọnị ọ̀ vị Ẹnẹyịmavara Ananyị ụkata hu nị.

Ezikẹẹrị 6:7

Aza vị ana á vaa wụ̀ avaba aha; ịjọnọọ aza ana vọ vaa dọ ka ọnị ọ vị Ẹnẹyịmavara nị.

Ọyịkụra 14:4

Mị rẹ vaa mẹ ka ayị Ihwarawo ọ̀ katẹngụ dị aa dụ wụ nịnị. Ịjị màa rẹ sị Ihwarawo ọnịrị isoja anị hú ẹtẹ ịrẹha amị rẹ vaa zị avọọ nyị ụbanyị. Anijipiti vaa yẹ ka ẹma vị Ẹnẹyịmavara nị.”

Ọyịkụra 6:3

Ộ kà ọnị ộ sị ẹngụ zụ̀ Abụrahamị ọnịrị Ayiziiki ne beri Ijekọvụ kà ẹnịnị ệ yẹ ka ọnị ọ vị Ohomorihi Ochẹtẹẹngụ nị. Ọ kà ama ọnị ọ yị sị ẹngụ anị zụ̀ wa ka ẹ̀ yẹ ka ọnị ọ̀ rị Ẹnẹyịmavara nị.