Ijeremaya 16:19 - IWE ỌNỊNỊ

¹⁹ Ijeremaya kà, Ẹnẹyịmavara, ẹwụ ee sere mi dị waa sị ụkata yị mị nị ọ; ẹwaā gụ mị ụvọ ịnị ụmẹ ẹngụkata nị. Anẹkụra nịnị vaa hụrị ịzị ẹhẹ na ta ịrẹsụ tụ vee tù wụ dị ẹ ka: Ẹ́ yị nyị ịsị ohiku ayị nịnị nyị para ori ana ahịka ireche kẹnẹ e vị nị hu, ori ẹnẹẹ yị nyị ịsị ẹ́ wụra mẹ aanị kẹnẹ ẹ nyị nị ọ.

Ijeremaya 16:19 Referans Kwoze

Ayịsaya 25:4

Onosiye ọnịrị ọnụya nịnị ê zwe vẹ ịda awụ dị ụ dọ wa tụ́ ịnị ụmẹ ẹngụkata ẹnịnị nị. Wâ vi ihuhu gu wa ka asị anayịchama re oze sị ụya rị wa. Ịrẹyị anayịchama vị ana sị mẹẹ anka opomi ana aa tụ́ kù ugene. Aza edivi vị ana kụ ọ hana wa anka opomi avọ.

Ịnahụmị 1:7

Ẹnẹyịmavara vị anaā mẹ̀ ọyịza. Ọnị e sere aza ene zwe na rị ọ ịnị ụmẹ akanya nị. Ọ̀ tẹsị aza ene zwe na vaka a nị.

Ijeremaya 17:17

Ọ kà Ẹnẹyịmavara, ọ̀ navọ asị o chire ọnị angwa; Ụmẹ ọnị ẹngụkata ọọ vẹ, ịdị anị ọnị vaa tẹ̀ ka asị a nyị ịsị ẹ mẹ̀ ọnị nị.

1Ipita 1:18

Wâ yẹ nịnị ka Ijeesu Ikirisiti ọ sị wụ nịnị hị́ varẹma hụụnị oze osusu oni ohiku awụ nịnị vịdị aa zị. Ẹ́ yị vị igooru ọnịrị ọmọ eneē du, ọ sị hị́ wụ nịnị varẹma,

Ijeremaya 10:5

Ẹngụ ori ẹnẹẹ vana sị mẹẹ anka eku ana tụra tụ ịnị aarẹ ọyị chire inomi angwa avọọ. Ẹnịnị ẹ yị zụ ka ịrẹyị; vị ee chema wa nị, agụvị ka ẹnịnị ẹ yị zụ zị ụsẹ. Asị u hí angwa ẹnịnị; ẹnịnị ẹ yị zụ zama wụ nịnị; ẹnịnị ẹ yị rẹ zụ mẹ ọyịza wụ nịnị.

Ijeremaya 2:11

Ọ kà áá nyị anẹkụra ana ka a ka ẹnị ẹ yị kụkụ yẹ ori ẹnịnị da, ọọ daka vị ka ẹ yị nyị ịsị ori ẹnẹẹ vị? Ama aza anị ẹ raa sị ọnị ana mẹ ka a sị ụbanyị wa na dọ ori ẹnẹ ẹ yị nyị ịsị ẹ zụ mẹ yị wa.

Ayịsaya 44:10

Ẹ̀nẹ rẹẹ mẹ ori, à vị ka dị ọ̀ sị enyusẹ mẹ ụ̀mọ̀mọ́ ẹnẹ ẹ̀ yị nyị ọyịza ọnị ọ zụ mẹ?

Ahẹ Ụgama 86:9

Ẹnẹyịmavara avaba anẹhẹ ọnị ụ tụ́ vẹ ẹhẹ vaa vẹ dị e kú ẹtẹ kụ́ wụ, Ẹnịnị vaa sị ụbanyịị yị wụ.

Ịmarakayị 1:11

Ọ kà aza vị ana aa hụrẹ avaba ẹhẹ vẹ, dị ẹyaa sị ụbanyị yị ọnị, dị ẹyaa rị eturare ịra yị ọnị, dị ẹyaa sị ịsa ana vọrọ vaa yị ọnị. Ọ kà aza ẹnẹẹ vavọọ aa mẹ agụvị ka ẹ yẹ ụbanyị anị.

Ịzakaraya 2:11

Ụmẹ ọnọọ, anẹkụra ọrụrụ vaa vẹ ịda Ẹnẹyịmavara, dị ẹ vị aza anị, dị ọ ra beri wa. Ẹnịnị vaa yẹ ka Ẹnẹyịmavara Ochẹtẹẹngụ ọ tụ́ oni hí wa nị.

Ihabaku 3:19

Ẹnẹyịmavara Ochẹtẹẹngụ ọ vị ụkata anị nị. Ọ vaa sị ụkata yị ọnị jẹẹ anka epeni, dị ọnị aa zị ụsẹ ịrẹsụ ataba.

Ezikẹẹrị 11:16

Kàa yị anda awụ nịnị ana a za ẹwụrị ọrịhị ka, ọnị Ohomorihi ọ me ka à ku wa ve hi aha ene noze aanị, dị ọnị gara wa hi ẹkụra-ẹkụra nị. Ama ọnị vaa yàa pe wa avaba ẹkụra ẹnẹ ẹnịnị ee hi.

Ayịsaya 49:6

Ộ ka, ẹ yị hụ ka ma vị ozi ahụ kẹnẹ. A nyị ka ma kụ ezi Ijekọvụ ana vị Isirẹrị ana ha nọ udi ụbanyị ẹnịnị. Ẹnẹyịmavara kà ọnị ọ raà nyị ọ ka ọ vị ẹtohweyi yị avaba anẹhẹ agụvị ọ sị ẹdọha yị ọza ọnyọọnya.

Ahẹ Ụgama 62:2

Ọnị kẹnẹ ee sere mị nị Mị ka ọnị aa dọ mịị tụ́ nị, ọ yị zẹẹ ka à nyị ịsị ẹ kanyị mị Mâ yẹ ka ẹ yị nyị ịsị e zụ zizi mị.

Ẹtore 11:15

Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!”

Ijeremaya 3:23

Ẹ ka, ori ọnị ẹnị aa hẹkẹ ngụ ịnị atabaa zị, ọnịrị eche ọnị ẹnị ee hú zị ka vị ẹnị aa mẹ ahẹkẹ aanị nị vị evene kẹnẹ. Ẹnẹyịmavara Ohomorihi kẹnẹ ọ vaa dọ Anisirẹrị ha nị.

Ayịsaya 62:2

Avaba anẹkụra nịnị vee re ka wa raà nyị ehuna. Avaba ohinọyị nịnị vee re ụbanyị awụ. Ẹ vaa hị́ wụ ịrẹha ọwọọwa ọnị Ẹnẹyịmavara raà sị yị wụ.

Ayịsaya 32:2

Aza vi ene vee zwe naa vaka aza ene hi ini ịjọva anka aza mèe zwe nee sì aha vaka ini ụmẹ oni orihi àa zụ̀, di opomi aa tụ́ avọọ. Ẹ rẹ vaa mẹ kà ẹngụ aza è hunẹnẹ anka okuha ana yà ịnị ụnọmị ọnịrị anka ihuhu ịrẹta ọbanyị ana yà ịzị ọchị è yi hi avọọ.

Ụhịrẹyị 18:10

Ịrẹha Ẹnẹyịmavara vị ana sị mẹẹ aha ọyị tẹ, ọnịzẹyịza òo zwe nị ịzọọ ọ sị ha.

Ahẹ Ụgama 68:31

A vaa tụ́ odeyi hụrẹ Ijipiti vẹ, Anisudani vaa kụ̀rà ụvọ tụ́ ẹba dị ẹ yaa mẹ̀ aduwaa hi Ohomorihi.

Ahẹ Ụgama 62:7

Ohomorihi ọ zụ dọ mị tụ́ nị, ọnị ọ rẹ zụ mẹ ka asị ụhị nyị mị nị Ọnị ee sere mi nị mị ka Ohomorihi ọ rẹ yị zẹẹ ka à nyị ịsị ẹ kanyị mị nị.

Ahẹ Ụgama 46:11

Ẹnẹyịmavara ana nyị ụkata vị ana sị ọtụ kà yị ịrẹma. Ohomorihi Ijekọvụ ee sere yi ka asị a nyị ịsị ẹ mẹ̀ yị nị.

Ahẹ Ụgama 46:7

Ẹnẹyịmavara Ochẹtẹẹngụ vị ana sị ọtụ kà yị ịrẹma Ohomorihi Ijekọvụ ee sere yi ka asị a nyị ịsị ẹ mẹ̀ yị nị.

Ahẹ Ụgama 46:1

Ohomorihi ee sere yị dị ọ̀ yị zẹẹ ka à nyị ịsị ẹ kanyị yị nị. Ọnị ọ raa sị ụkataa yị nị Ụmẹ tụra ụmẹ ẹnị ẹngụ ayị ọ̀ọ kata vi oni oō sì ka ọnị ọ̀ gụ yị ụvọ.

Ahẹ Ụgama 27:5

Mâ yẹ ka ịhị ịrẹyị ọ̀ọ vẹ, ọ vaa sị mịị tẹ ini eehi anị ịzọọ. Ini eehi anị ọnọọ ọ vaa sị mịị tẹẹ tụ́, dị ẹ yị nyị ịsị ẹ zụ kanyị mị nị.

Ahẹ Ụgama 19:14

Ẹnẹyịmavara, ịda awụ mị vaka tụ́ nị Navọ wa dọ ịrẹyị ọnị maa kà ọnịrị ịrẹyị ọnị mee ro.

Aniroomi 1:25

Ẹ raà sị ireche dọ ịzẹyịza Ohomorihi ịrẹsụ. Ẹyaa hẹkẹ ịsa ọnị Ohomorihi mẹ, ama ẹ yị hẹkẹ Ohomorihi ana mẹ avaba ịsa ẹnẹẹ. Ohomorihi ọnọọ a vọrọ ka àa ga pooro nị. Aamị.

1 Ohinọyị 20:23

Ẹkụhị ọnya di ezi ahụ ohinọyị Anisiriya kà a yọ dị ẹ ka, “Wáá yẹ ka ori Anisirẹrị vị ori ịnị ataba, agụvị avọọ ẹnịnị huna ayị nị. Ama ẹyịrị wa ẹ̀ẹ kụ̀ ịrẹkụ ini ozi, vi yee huna wa nị.

Ayịsaya 44:20

Vị́ ọ kụkụ sị mẹẹ anka ọza anaa rị atịtọ avọọ nị. Ịrẹyị ụrụụra ẹnẹẹ ro ọ́ raa mẹ̀ ẹ nyeeyi. Ẹ yị zụ dọ ẹngụ anị tụ. Ẹ yị zụ họ̀ ẹngụ anị ka, “ẹ yị vị evene kẹnẹ ori ọnị mị sị rị ụvọ ụvọrị aanị vị?”

Ayịsaya 45:14

Ẹnẹyịmavara ộ kà yị Anisirẹrị nịnị ka ogu Anijipiti ọnịrị Anetiyopiya vaa vị ẹnịnị. Anọrụ Aniseba ana hụ huna ẹnịnị vị ẹnị vaa za ọrịhị ẹnịnị, dị ẹ tụ wa ịchẹkẹchẹkẹ saasa ẹngụ ne eehi. E vee ku ẹtẹ ọvịdị ẹnịnị, dị ẹ dọ irenu ka Ohomorihi ya pe wa, ka ẹ yị nyị Ohomorihi ọsa ịrẹma anị.

Ijeremaya 2:8

Ẹnị ohirẹsụ irehi Ohomorihi ẹ yị kụkụ họ̀ use ka Ẹnẹyịmavara mẹ kà kẹ. Ẹnẹyịmavara kà ẹnị ohirẹsụ irehi anị ẹ yị kụkụ yẹ ọnị, Ẹnị ohinọyị ẹnịnị ệ kụ hịrẹ ọnị; ọnịsẹ nịnị kụkụ â sị ịrẹha ori anaā hị́ Ịbaarị kà ịrẹyị, dị ẹyaa hẹkẹ ori ịyẹyẹ-ịyẹyẹ nị.

Ijeremaya 4:2

Dị Ijeremaya ka wàa sị ịrẹha anị hị́ eku nịnị tụ ịrẹsụ ịzẹyịza ọnịrị ịsa ana vọrọ nịnị, ọ vaa mẹ ka ò zé yị ẹkụra awụ nịnị, dị avaba aza kụkụ aa sị ọ mẹ ụbanyị.

Ijeremaya 12:16

Ọ kà, ẹnịnị ẹ̀ẹ sị avaba ayị ẹnịnị aa hẹkẹ ọnị anka aza anị maa hẹkẹ ọnị, ọnị vaa sị wa anka aza anị. Ẹnịnị àa sị ịrẹha anịị hị́ eku anka ẹ mẹ vịdị kọ aza anị ka, ẹẹ sị Ịbaarị hị́ eku, o vee zee yị wa.

Ijeremaya 33:9

Ọ kà Ijerusarẹmị vaa vị ayohine ọnịrị ụbanyịị yị ọnị, dị ọnị aa sị waa mẹ eyi. Avaba anẹhẹ vee hí angwa, dị ẹyaa dá ẹgahị ịjị ẹnịnị ẹẹ wụ́ ịrẹyị ịsị ọyịza ọnịrị ize ọnị mẹ yị Anijerusarẹmị ẹnẹnị.

Ijowẹrị 3:16

Ẹnẹyịmavara vee nowu hụrẹ Ịzayọnị, dị ọ ka irutu hụrẹ Ijerusarẹmị, dị ẹbẹẹba ọnịrị ẹtẹ ee ziizi. Ama ọnị vaa dọ aza anị ha, dị ọnị vị ụkata ẹnịnị.

Emọsị 2:4

Ẹnẹyịmavara kà ọnị aa pịva yị Anịjuda agụvị ebira odivi ẹnẹ ẹ mẹ̀. Ẹnịnị ẹ yị dọ ịrẹyị Ẹnẹyịmavara tụ́ ịzọọ, dị ẹ yaa mẹ akamawụụ hi ọ nị. Ẹnịnị ệ saasa ohiku ẹnịnị nyeeyi agụvị ka ệ dọ ịrẹyị ireche ọnị ori ẹnịnị ka yị wa wụ.

Ahẹ Ụgama 18:3

Mê nowu na za Ẹnẹyịmavara kà ọ̀ ba mi owu Ọnị ọ dọ mị tụ́ hụụnị ụvọ ọnịvị amị nịnị nị Ẹnẹyịmavara a vọrọ ka àa sị ụbanyịị yị nị.

Ijeremaya 10:3

Ahẹkẹ ịyẹyẹ aza ẹnẹnị aa mẹ nị. Ẹẹ na dà ọchị hụụnị iruku, dị ẹẹ bẹ ẹ.

Ijeremaya 14:8

Ẹ ka, ọnị ọ vị ọyịtureyi Anisirẹrị nịnị nị, ọnị ọọ dọ ẹnị ha hụụnị ẹngụkata nị. Sị ẹ vẹ dị ọnị kụkụ sị mẹ anka ọzọga anaa jịnẹ dị ọ ha ka ọnị sụ̀ venẹẹhẹ avọọ yị ẹnị?