Ijeremaya 15:4 - IWE ỌNỊNỊ

⁴ Ịsa ọnị ọnọrụ anaā hị́ Ịmanasẹ ozi Ihezekaya mẹ Ijerusarẹmị ụmẹ ọnị ọ sị vị ohinọyị Ijuda, ọnị vaa mẹ ka ịrẹyị Anijuda nịnị ọ̀ za avaba anẹhẹ zizi ẹtẹẹtẹrẹ.

Ijeremaya 15:4 Referans Kwoze

Ijeremaya 24:9

Ọ kà ọnị vaa kụ ẹngụkata odivi tù wa ana vaa mẹ angwaa hi anẹhẹ. Ọ kà aza vị ana vaa sị wa mẹ enyinyi, dị aa sị ịrẹyị ẹnịnị mẹ̀ isiya, dị a raa kụ wa ụhụ. Aha tụra aha ọnị ọnị ọọ dụ wa ne hi vị ana a vaa sị ịrẹha ẹnịnịị chii hi aza.

Ijeremaya 29:18

Ọ kà ọnị vaa kụ́ ịrẹkụ ụngwẹ ọnịrị ụkụụ tù wa dị ọnị sị dụ wa. Avaba anẹkụra ene hi ẹhẹ vee re wa dị ayị aa hụrẹ wa ịnẹ. Ịsị ẹ mẹ tù wa vaa za azaa zizi, dị angwa ee hi wa aha tụra aha ọnị ọnị ọọ dụ wa ne hi. Aza vị ana vaa sị wa mẹ ịyẹyẹ, dị ẹ kụkụ aa sị ịrẹha ẹnịnị tụ ozirenuu hi aza.

Ezikẹẹrị 23:46

Ẹnẹyịmavara Ananyị ụkata hu ka, à hàrà aza vẹ ene vee chire anẹẹ ẹnẹnị angwa, dị ẹnịnị ẹ̀ sị ụkata dọ wa ịsị ẹ nyị.

Iwe Ọhụhị Imosiisi ana aa hị́ Ọyịvatụrọda 28:25

Ẹnẹyịmavara vaa mẹ ka ọnịvị awụ nịnị ẹ̀ nyị ẹbẹẹba awụ. Ụ vaa zi oze ọnya nọ ịrẹkụ ọnịvị awụ, ama dị ẹ dụ wụ zi oze ịhịmba. Avaba anẹhẹ vee re ịsị ẹ mẹ tù wu nịnị, dị angwa hi wa.

Ijeremaya 34:17

Avọọ, ọnị Ẹnẹyịmavara kà, wẹ́ yị saasa ịrẹyị anị nịnị. Ụ ka wẹ́ yị hụrẹ anda awụ nịnị ụvọ; agụvị avọọ, ọnị vaa hụrẹ ẹwụ nịnị ka we ne sú ha eyirẹkụ nịnị, dị ụkụ ọnịrị ụngwẹ ẹ̀ wụ̀ wụ nịnị va ha. Ọ kà ịsị ọnị ọnị vaa mẹ ẹwụ nịnị vee chire avaba anẹhẹ angwa.

2 Ohinọyị 21:2

Ịmanasẹ vị ana mẹ̀ ebira odivi ọvịdị Ẹnẹyịmavara, ộ saasa ebira odivi anẹkụra ọnị Ẹnẹyịmavara dọ ẹtẹ eyi Anisirẹrị nịnị na mẹ̀ ịsa ana vị enyisi anị.

Ireevi 26:33

Ọ kà ọnị vaa kụ ịrẹkụ vee tù wa, dị ọnị gara wa ne hi ẹtẹ anẹkụra ọsa nịnị. Ẹtẹ ẹnịnị vaa tụ́ osusu, dị ẹkụra ẹnịnị jị eburu.

Arụwẹ 1:8

Anijerusarẹmị nịnị ẹ sị tẹ agụvị ebira odivi-odivi ẹnẹ yaa mẹ̀. Ẹ yị kụkụ nyị ụbanyị vụrụ-vụrụ. Asị iruvo ẹnịnị re. Eyee rimanya, ụhị maa nyị wa ẹ kụkụ à sị eyi tẹ̀.

Ijeremaya 9:16

Ọ kà ọnị vaa gara wa hi ịnị akakana aza ọnị ẹnịrị ohiku ẹnịnị ẹ yị vịdị yẹ. Ọnị vaa kụ ịrẹkụ tu wa, dị ọnị dụ wa nee tu ịjị ọnị ọọ sị wa vú ẹtẹ saka-saka.

Iwe Ọhụhị Imosiisi ana aa hị́ Ọyịvatụrọda 28:64

Ẹnẹyịmavara vaa gara wụ nịnịị hi ịnị akakana avaba anẹkụra ana vọ hi avaba ẹhẹ. Ụ vaa yà ịzọọ dị ụ waa hẹkẹ ori ana a sị ịrẹta ọnị ọchị mẹ. Ẹ yị nyị ọza awụ nịnị, àa vị ohiku awụ nịnị ana vịdị yẹ ori ẹnẹẹ da.

2 Ohinọyị 21:1

Ịmanasẹ vị ịrayị ẹwụrẹva ịnị ụmẹ ọnị ọ sị rị ohinọyị. Ộ vị ohinọyị tụ́ Ijerusarẹmị ịrayị ẹvarẹwụ. Ịrẹha ọnyị anị ọ rị Ihepiziba nị.

2 Ịtọpa 33:1

Ịmanasẹ vị ịrayị ẹwụrẹva dị a sị ọ rị ohinọyị Ijuda, dị ọ mẹ̀ ẹ ịrayị ẹvarẹwụ tụra ẹẹhị Ijerusarẹmị nị.

2 Ịtọpa 33:2

Ộ saasa ebira enyisi ọnị anẹkụra nịnị ọnị Ẹnẹyịmavara dụ kwooze hụụnị ẹtẹ ọnọọ yị wa aa mẹ̀. Ịmanasẹ ộ rị ịvị Ẹnẹyịmavara.

Ezikẹẹrị 18:19

Wee họ̀ use ka, sị ẹ vị iruvo ọnị ozi ẹ̀ yị sịị rị ụya ebira odivi ana ada anị mẹ? Iruvo ọ vị ka, ozi ọnọọ ộ mẹ̀ ịsị ene zoza dị ọ rẹ vọrọ. Ẹnẹyịmavara kà ộ sị ụvọ za ọda anị, dị ọ tangwa aa saasa wa nị; agụvị avọọ é yị vee sú.

2 Ohinọyị 21:15

Ọnị vavọọ vaa mẹ̀ aza anị agụvị ka ẹnịnị ẹ raà rị ịvị anị dị ẹ raà mẹ̀ ayị kụ́ ọnị hụụnị ụmẹ ọnị ohiku ẹnịnị jịnẹ hụrẹ Ijipiti va ngụ ụmẹ ọnọọ.