Ijeremaya 15:15 - IWE ỌNỊNỊ

¹⁵ Ijeremaya ka, dị ọnị ka, tee! Ẹnẹyịmavara waa yẹ ọ. Ọ̀ navọ ọ̀ tamayị anị dị ọ̀ mẹ ọgụvọ yị ọnị o. Ọ̀ navọ ọ̀ họ̀ oponu ịrẹyị anị ịrẹsụ aza anaa sị ụyaa rị ọnị anị o. Asị ọ kụkụ nyị usuuru yị aza anaa wụ ọnị aanị de. Ọnị ka Ẹnẹyịmavara ọ̀ tamayị ka agụvị anị ọnị aa dọ ụhụụ zị nị.

Ijeremaya 15:15 Referans Kwoze

Ijeremaya 12:3

Ọ kà ama, Ẹnẹyịmavara waa yẹ ọnị, wee re ịsị ọnịị̄ mẹ ọnịrị ọnị mẹmẹ sì ịrẹyị awụ. Tura aza edivi ẹnẹnị hi ẹhẹ anka atẹmẹ ana a ka à na wụ avọọ. Sị eyi pe wa nee tu ụmẹ ana a vaa sị wụ̀ wa.

Iruuku 21:17

Dị avaba aza aa nyị ịhyẹrẹ awụ nịnị kẹnẹ agụvị amị.

Ijeremaya 20:12

Ama Ẹnẹyịmavara Ochẹtẹẹngụ, ẹwụ aa sị ịzẹyịzaa zama azaa re nị. Waa yẹ ịsị ẹ yà ịnị ayị aza, ọ ka, Ẹnẹyịmavara ọ̀ navọ ọnị o re ịjị aa họ̀ oponu ịrẹsụ ọnịvị anị nịnị.

Ijeremaya 17:16

Ijeremaya ka, ama, Ẹnẹyịmavara, ọnị ẹ́ yị kà a ka wa kụ́ ẹngụkata ve tu wa o. Waa yẹ ka ọnị ẹ yị va ụva ka à nyị ụmẹ ọnị ẹngụkata si tu wa. Waa yẹ ịsị ọnị kà.

Inehemaya 13:22

Dị mị mẹ ọda yị Anireevi ka ẹ sị ụvọ za ẹngụ ẹnịnị, di e si eyi pe oze ọbanyị ẹkụra agụvị à sị ẹkụhị ụhwọtụ tịtẹ yị Ohomorihi nị.

Imatiwu 10:22

Dị avaba aza aa nyị ịhyẹrẹ awụ nịnị kẹnẹ agụvị amị. Ama ọza ana àa zụ sị ẹngụ dọ ọ pooro ne tù ẹzẹtẹ, ọnị a vaa dọ ọ há nị.

Ijeremaya 20:8

Ọ kà ụmẹ tụra ụmẹ ọnị ọnị aa kà ịrẹyị vị ọnị ọnịị na owu ka, ezigi aa vẹ! Ee vee vú ẹnị ẹtẹ. Ọ kà, vị Ẹnẹyịmavara, waa kụkụ aa sị eyi wo nị dị aa mẹ̀ ọnị isiya pooro kẹnẹ, agụvị ka ọnị aa kà ụtụ ọnị ụ tụ ọnị nị?

Ahẹ Ụgama 119:84

Ụ wáá ka ẹmị ozi ahụ awụ ọ maanị jị jẹẹ pooro nị? Ye re ụmẹ ọnị ụ vaa sị sị ụyaa rị aza ana aa chamayịị mị?

Ahẹ Ụgama 106:4

Ẹnẹyịmavara, ịjị wàaa gụ aza awụụ ụvọ, ụ navọ wa tamayị amị. Navọ ịjị wàaa dọ waa tụ́ wa va gụ mị ụvọ.

Inehemaya 5:19

Mâ mẹ̀ aduwa ka Ohomorihi ọ̀ mẹ ize yị mị ịnị avaba ịsa ọnị mị raà mẹ yị aza anị nị.

Ẹtore 18:20

Ẹwụ nịnị ene hi ẹbẹẹba ọ̀ọ jẹ! Ẹwụ nịnị aza Ohomorihi ọnịrị ezirẹma Ijeesu beri ọnịsẹ nịnị ọ̀ọ jẹ agụvị Ịbabịrọnị, agụvị ka Ohomorihi o reè sị ọ atọ wụ nịnị!

Ẹtore 6:10

Di e yee nowu booboro, dị ẹ ka: Ananyị yị ana vị ọnịrẹyịzẹyịza dị ẹ̀ yị nyị ẹngụ anị, ịhị ọ vaa mẹ̀ ọkarẹyị yị anẹhẹ di ò sí wa atọ ọyịwụ̀ ẹnẹ ẹ wụ̀ ẹnị?

2 Itimoti 4:14

Ịsị Arẹkịsanda anaā mẹ ụ́hị́ avọọ mẹ mị, óo divi ẹtẹẹtẹrẹ. Ananyị yị o vee sí ọọ atọ avaba ịsa ọ mẹ nị.

2 Anịkọrịntị 5:11

Ya sị yẹ, a mẹmẹẹ̄ nyị angwahi Ananyị yị. Agụvị avọọ ị yaa da ịpẹẹ yị aza ka ẹ̀ va saasa a nị. Ohomorihi ộ yẹ yị ẹtẹẹtẹrẹ. Mee ro ka ẹwụ nịnị ọ rẹ yẹ yị ini ivehu awụ nịnị.

Aniroomi 12:19

Ẹwụ nịnị ẹyịnyara amị, asị u sí atọ ịrẹyị ẹngụ awụ nịnị, oo! Ama naavọ yị Ohomorihi, di ò sí ọọ, agụvị ka â vịdị chẹrẹẹ ka Ohomorihi Ananyị yị ka, “Emeē sí atọ nị, mi vee sí atọọ varẹma.”

Imatiwu 19:29

Ọza ọ̀ọ navọ irehi anị, àa vị ẹyịnyara anị anọrụ, àa vị anẹẹ, ọ̀ọ navọ ada anị, àa vị ọnyị anị, ọ̀ọ navọ ose anị, àa vị ezi anị, ọ̀ọ navọ aarẹ tịtẹ agụvị ịrẹha amị, Ohomorihi rẹ vaa sị ịsa ene huna avọọ oze ẹchẹhị-ẹchẹhịị sí ọọ atọ, dị ọza ọnọọ rẹ yàra pooro zịna-zịna.

Ijeremaya 15:10

Ijeremaya ka, kaaa! Aayẹ asị ọnyị anị ma ọnị va ngụ ẹhẹ. Ọnịrị avaba aza aa kụ́ dị ọnịrị wa aa nyị ahankata ngụ ịnị ẹkụraa zị nị. Ọnị ẹ yị rị ọza ụta, ọza ẹ yị rị ọnị; ama ọzọza vanaa tu ozirenu hi ọnị.

Ayịsaya 38:3

Ọ kà, Ẹnẹyịmavara ọ tamayị ka ọnị ọ raà sị avaba ayị mẹ ịzẹyịza, dị ọnị rẹ mẹ̀ ịsa ana vọrọ eyi anị nị. Dị ọ nyayịnẹ jị òrèrè ẹtẹẹtẹrẹ nị.

Ahẹ Ụgama 102:24

Dị mị va ka Ohomorihi amị, asị ụ yị sị mị hụụnị ẹhẹ dê, wáā yẹ ka ẹwụ vị ana yà ịzọọ pooro zịna-zịna

Ahẹ Ụgama 39:13

Navọ wa hụrẹ mị ụvọ dị ẹngụ amị ọ̀ daba rọ chee dị ma va sị ẹhẹ tịtẹ.

Ahẹ Ụgama 17:3

We ve tù mị ịrahụ dị ụ zama mi re nị. Wâ yẹ ayị amị, wâ yẹ ka me yi sì ka ma sị irenu amị ka ịsa odivi.

Ijoovu 10:7

Ọ yẹ ka ọnị ọ rị ịvị dị ẹ yị nyị ọza ana zụ dọ ọnị ha hụrẹ ụvọ nị.

Inehemaya 13:31

Mâ mẹ eto ọkụ ene e ve sii hù ịsa ịsọvọ ịnị ụmẹ ana vọrọ, dị mị kà a yị aza ka ẹẹ sị ịsa ịpaapa ịnị aarẹ ẹnịnịị vẹ nị. Ẹwụ Ohomorihi amị, tama ayị amị dị ụ wa mẹ ọyịza yị mị o.

Inehemaya 6:14

Dị mị da ịpẹ yị Ohomorihi ka ọ sị ụya rị Itobaya ọnịrị Ịsanbaratị ịnị ịsa odivi ọnị ẹ yaa mẹ̀. Dị ọ rẹ sị ụya rị Inodaya, ọnẹẹ ana vị ọnịsẹ ọnịrị ọnịsẹ nịnị ana vọ ana sị vụrị ka ẹnị ẹ tụ mị angwahi.

Aniroomi 8:35

Sị ẹ zụ sị yị hụụ ịdị Ikirisiti, ana maanị sì ịrẹyị ayị aanị? Ayodu wáá yọ? Ẹngụkata wáá yọ? Àa daka sị ụya rị yị, dị ụngwẹ aa kụ̀ yị, dị yẹ̀ yị kụkụ nyị ịta kú ẹngụ nị, yẹ yị vaa hụụ ịdị Ikirisiti ene sì ịrẹyị ayị. Ịrẹyị asigiri ọ̀ọ daka vẹ, à vị ka daa sị ụhwọ ka àa sịị wụ yị, yẹ yị vaa hụụ ịdị Ikirisiti.

Ọdọvịdị 16:28

Ụmẹ ọnọọ dị Ịsamịsịnị mẹ̀ aduwa hi Ẹnẹyịmavara nị dị ọ ka Ẹnẹyịmavara ana nyị avaba ẹhẹ ọ tamayị anị, ọ ka, Ohomorihi kwogwo ọ navọ ọ varẹma sị ụkata yị ọnị ụpẹ ọnya dị ọnị ọ zụ si atọ eyi anị ẹyịva ẹnẹ tụ.

Ahẹ Ụgama 44:22

Awụ aza ee chire yi angwa eyinị-eyinị ka ẹnị vaa wụ̀ yị nị ẹ yaa mẹ yị anka atẹmẹ ana aa vaa wụ̀ avọọ.

Ijeremaya 15:20

Ẹnẹyịmavara kà ọnị vaa mẹ ka ọnị ọ̀ yà anka ọvọ ana sị enyusẹ ọkatẹngụ tụ avọọ yị Anijuda nịnị. E vee pe ọnị zyaazị ama ẹnịnị e yi vee huna ọnị. Ẹnẹyịmavara kà ọnị vaa jẹẹ pe ọnị, dị ọnị ee sere ọnị. Ẹ yị nyị ịsị ẹ vaa mẹ̀ ọnị.

Ijeremaya 20:11

Ijeremaya ka ama, Ẹnẹyịmavara ana nyị ụkata jẹẹ pe ọnị, avọọ aza anaa sị ụyaa rị ọnị e yi vee ree mẹ. Ụhị ọ vaa nyị wa nị. Ụhị ana vaa nyị wa ẹ yị vaa ta ọza eyi pàá.

Ijeremaya 18:23

Ama Ẹnẹyịmavara waa yẹ́ avaba eyi ẹnẹ yaa gẹ ka à wụ ọnị. Ẹnẹyịmavara, asị ụ vagu wa ịnị ebira odivi ẹnịnị; asị ụ sị eyi hụụnị anị yị wa. Nyị ẹbẹẹba ẹnịnị dị wa gụ wa sẹ ẹdụ. Sị ọyịkụ tana ụvọ za wa o.

Arụwẹ 3:64

Ẹnẹyịmavara sị ụya ịsa ẹnẹ ẹ mẹ̀ rị wa

Arụwẹ 3:66

Sị ọyịkụ-ọyịkụ dụ wa, di we vu wa ẹtẹ hụụnị ẹhẹ.