Ijeremaya 14:8 - IWE ỌNỊNỊ

⁸ Ẹ ka, ọnị ọ vị ọyịtureyi Anisirẹrị nịnị nị, ọnị ọọ dọ ẹnị ha hụụnị ẹngụkata nị. Sị ẹ vẹ dị ọnị kụkụ sị mẹ anka ọzọga anaa jịnẹ dị ọ ha ka ọnị sụ̀ venẹẹhẹ avọọ yị ẹnị?

Ijeremaya 14:8 Referans Kwoze

Ijeremaya 17:13

Ọ kà, Ẹnẹyịmavara, ẹwụ Anisirẹrị nịnị aa tụra eyi nị ọ. Avaba aza ene yi wu tịtẹ vị ọnị ụhị vaa nyị; ka ẹnịnị ee yi ẹwụ Ẹnẹyịmavara, ana vị oswe ọnị enyi anịị na ọza onyi tịtẹ ẹnịnị vene vee vú anka ịrẹha ana chẹrẹ tụ ịnị ezi avọọ.

Ijeremaya 50:7

Avaba aza ene ré wa vị ana kwẹẹtẹ tu wa. Ọnịvị ẹnịnị ka, ịsa tụra ịsa ọnị ẹnị ẹẹ mẹ wa booro aanị, ẹnị ẹ́ yị rị ịvị, agụvị ka Anisirẹrị nịnị ẹ mẹ̀ ebira odivi hi Ẹnẹyịmavara nị. Ẹnẹyịmavara ọnọnị ọọ̄ sị ẹngwọọrọ yị wa nị. Ọnị ohiku Anisirẹrị vịdị sị ayị tụra nị.

Ayịsaya 43:3

Ẹma vị Ẹnẹyịmavara homorihi awụ nị. Ẹma vị Ọza Ọnịnị Anisirẹrị ana dọ wụ ha nị. Mâ sị Anijipiti nịnị si ụta awụ nịnị. Anetiyopiya ọnịrị Aniseba nịnị mị sị vara wụ nịnị ụvị dị ụ wa yàra nịnị nị.

Ahẹ Ụgama 50:15

Ọ kà waa vavọọ aa mẹ, ịhị wàa nyị ẹngụkata dị ụ hị́ ọnị nị, di e re Ọ kà vị ọnị aa vaa dọ wụụ tụ́ nị Ịjọnọọ ụ vaa sị ụbanyịị yị ọnị

Ijowẹrị 3:16

Ẹnẹyịmavara vee nowu hụrẹ Ịzayọnị, dị ọ ka irutu hụrẹ Ijerusarẹmị, dị ẹbẹẹba ọnịrị ẹtẹ ee ziizi. Ama ọnị vaa dọ aza anị ha, dị ọnị vị ụkata ẹnịnị.

Ayịsaya 45:21

Ẹ kụ ịrẹsụ gẹ, dị ẹ ka ọgụvọ sị ori ọnị ẹ yaa hẹkẹ aa mẹ yị wa. Aanị ka ọnị ẹ yị vịdị ka yị wa hụrị ụmọrụmọ ịsa ana vaa mẹ? Á vị ọnị Ẹnẹyịmavara ọ vị Ohomorihi ọnịrẹyịzẹyịza ana dọ aza anị ha. Ẹ yị nyị Ohomorihi ọsa ịrẹma anị.

Ayịsaya 43:11

Ọ kà, “Ẹmị, Ẹma vị Ẹnẹyịmavara nị. Ẹ yị nyị ọza ẹnẹsa ịrẹma amị ana zụ dọ ọza ha.

1 Itimoti 1:1

Ẹma vị Ịpọọrụ ana vị odeyi Ijeesu Ikirisiti nị. Ohomorihi, Ọdọzaha ayị, ọnịrị Ijeesu Ikirisiti oni i sị eyi tụra, ọ mẹ ọda ka ma vị odeyi nị.

Odeyi 28:20

Ọ kà agụvị avọọ ọnị hị́ wa, ka ọnị o re wa, dị ọnịrị wa è dudu kà ịrẹyị nị. Ịrẹyị ọza ana Anisirẹrị aa tụra eyi, ọ mẹ ka à kụ́ ẹba tụ́ ọnị aanị nị.”

Ayịsaya 45:15

Ohomorihi Anisirẹrị ana dọ wa ha vị Ohomorihi ana sị ẹngụ tẹ̀.

Ahẹ Ụgama 138:7

Òo zee e eyi ẹngụkata ọ̀ gụ kara mị, wẹ yị zẹẹ ka à nyị ịsị ẹ mẹ̀ mị. Wâ sị ụkata awụ dọ mị tụ́, wẹ yị zẹẹ ka ọnịvị amị ana aa kụ́ ayị amị ẹ̀ zụ mẹ mị ịrẹyị.

Ahẹ Ụgama 91:15

Ohomorihi ka aza ana vavọọ sị ayị tụra ọnị ẹ̀ẹ hị́ ọnị, ọnị vee tụ́ wa ohi. Ọ kà èe hi ịnị ẹngụkata ọnị ọ yị vaa hụrẹ wa ụvọ, ama ọnị vaa dọ waa tụ́, dị ọnị sị ụbanyị yị wa.

Ahẹ Ụgama 46:1

Ohomorihi ee sere yị dị ọ̀ yị zẹẹ ka à nyị ịsị ẹ kanyị yị nị. Ọnị ọ raa sị ụkataa yị nị Ụmẹ tụra ụmẹ ẹnị ẹngụ ayị ọ̀ọ kata vi oni oō sì ka ọnị ọ̀ gụ yị ụvọ.

Ahẹ Ụgama 9:9

Àa mẹ ehunaa yị ọza, di o zwe na vaka Ẹnẹyịmavara nị, ẹ yị nyị ịsị ẹ kụkụ zụ kanyị ọza ọnọọ. Ịrẹyị òo tù ọza di o zwe nọ ịda Ẹnẹyịmavara nị nyị ịsị ẹ kụkụ zụ na kanyị ọza ọnọọ vụrụ-vụrụ.

Ahẹ Ụgama 10:1

Ẹnẹyịmavara, ịrẹyị o tù yị aanị nọ Navọ asị ụ sị ẹngụ tẹ Aarịhịnị navọ wa kà pè yị.

Ọdọvịdị 19:17

Ịjị ọnọrụ ọnọọ kana eyi dị o re anụsoze ẹnẹẹ ẹ mẹ jẹẹ ịnị orere ẹkụra, dị ọzọkụ ọnọọ họ̀ use ka ịzị ẹ yaa nọ? Ọnịrị ịzị ẹ hụrẹ aa vẹ nị?

Ahẹ Ụgama 71:5

Ẹnẹyịmavara ana vị ohinọyị, ẹwụ mị sị ayị tụra nọ, mmẹ̀ hụrẹ vi ozweyi.

Ayịsaya 63:8

Ẹnẹyịmavara kà aza anị ẹ vị nị, ẹnịnị ẹ yị vee vene ọnị. Agụvị avọọ ọ dọ wa ha

Ijeremaya 30:7

Ẹnẹyịmavara kà ẹkụhị odivi aa vẹ. Ẹ́ yị nyị ẹkụhị ana vaa wụra juwe anị: Ọ kà ụmẹ ọnị aza anị vaa sị rị ụya ọ vaa vị nị, ama ẹnịnị vaa ha.

Ịzakaraya 9:12

Waa vaa vẹ aha ọyịtẹ̀ awụ nịnị, wa nyị eyọtụra. Ẹnẹyịmavara kà booro aanị, ọnị vaa sì wa atọ ịsa ana jị wa ha oze ẹẹva.

Ahẹ Ụgama 46:2

Ọnọnị ọ mẹ ka asị angwa rè hi yi nị Ọ̀ọ daka zee e eyi ẹhẹ òo zizi dị ataba ẹ̀ẹ hụrẹ vàa hi ini òkū,

Ayịsaya 33:2

Ẹnẹyịmavara, navọ kwogwo wa vayị ayị. Ẹwụ ị sị ayị tụra nị. Navọ weē sere eyi eyinị-eyinị, dị wa dọ yị tụ́ ịhị ẹngụkata òo tù yị.

Ijeremaya 16:19

Ijeremaya kà, Ẹnẹyịmavara, ẹwụ ee sere mi dị waa sị ụkata yị mị nị ọ; ẹwaā gụ mị ụvọ ịnị ụmẹ ẹngụkata nị. Anẹkụra nịnị vaa hụrị ịzị ẹhẹ na ta ịrẹsụ tụ vee tù wụ dị ẹ ka: Ẹ́ yị nyị ịsị ohiku ayị nịnị nyị para ori ana ahịka ireche kẹnẹ e vị nị hu, ori ẹnẹẹ yị nyị ịsị ẹ́ wụra mẹ aanị kẹnẹ ẹ nyị nị ọ.