Ijeremaya 14:19 - IWE ỌNỊNỊ

¹⁹ Anijuda nịnị ka tee! Vị Ẹnẹyịmavara wa kụkụ sị ẹnị yi tịtẹ samị-samị nị? Ẹ ka, vị Ẹnẹyịmavara waa kụkụ nyị ịhyẹrẹ Anịzayọnị nịnị nị? Sị ẹ vẹ dị ọ maanị kụ ẹngụkata odivi tu ẹnị ka, asị ẹngụ ẹnịnị zụ nịya? Ẹnị ee zi ka ẹnị a vaa nyị ẹngwọọrọ, ama ẹ yị nyị ịsị ọyịza anaa mẹẹ tu ẹnị vụrụ-vụrụ. Ẹnị èe zị ka ẹngụ ẹnịnị aa vaa nịya, dị ahịka ayịhụrịnẹ ọ rẹ vẹ nị.

Ijeremaya 14:19 Referans Kwoze

Arụwẹ 5:22

Ẹnẹyịmavara ụ wáá sị yị yi tịtẹ saka-saka nị? Aanị ka ọyịkụ awụ ẹ yị vaa nyị ẹhwị?

Ijeremaya 8:15

Ẹ ka, ẹnị ê zi ẹngwọọrọ ọnịrị ụmẹ ẹngwohyahị eyi, ama ẹnị e yị ve re ọyịza ọnyọọnyị. Re, ayịhụrịnẹ kẹnẹ o hi ẹtẹ nị.

1 Anịtẹsaronika 5:3

Ịjị aza àa kà a ka ẹ́ yị nyị ịrẹyị vụrụ-vụrụ, dị ịrẹyị vana ngụ tù wa kẹnẹ anka ọnẹẹ ọnị ịrẹẹ aa zị avọọ. Dị ẹnịnị ẹ́ yị zụ há.

Ijeremaya 6:30

Ẹnẹyịmavara kà, enyusẹ ene si du ha a vanaa hị́ wa nị, agụvị ka ọnị ọ sị yi hụụnị aza anị.

Ijeremaya 30:13

Ẹ́ yị nyị ọza anaa da ịpẹ ịrẹyị awụ nịnị; ẹ́ yị nyị ịsị a zụ sị mẹ ịtahụ awụ nịnị, asị ụ tụra eyi ka ẹngụ awụ nịnị vaa nịya o.

Ijeremaya 15:18

Ijeremaya ka, sị ẹ vẹ dị ọnị vaa yịị rị ụya? Sị ẹ vẹ dị ụnava anị ka ọnị ẹ yị vị? Ọ kà vị Ẹnẹyịmavara wee sị ka ọnị ọ̀ mẹ̀ ụhị nyị ọnị anka okuha anaa wụ ụmẹ ọhahị avọọ nị?

Ijeremaya 12:8

Ọ kà, aza anị vị ana kụkụ sị mẹẹ anka idu ana yà ịnị iruku avọọ yị ọnị. Ẹnịnị ee nowu ka ẹnị ee si ọnị, agụvị avọọ ọnị ọ yị kụkụ sì ịrẹyị ẹnịnị.

Ahẹ Ụgama 78:59

Ịjị ọ maanị re wa, ayị ộ kụ́ ọ ẹtẹẹtẹrẹ, di o yi Anisirẹrị ka ẹ yị kụkụ vị aza ẹnị ẹ vị vụrụ-vụrụ nị.

Ijoovu 30:26

Ọyịza ọnị ee zi eyi nị, dị ahịka odivi ọ vaa vẹ nị. Etohweyi ọnị ee zi nị ama dị ahịka etohozi ọ vaa vẹ nị.

Arụwẹ 4:17

Eyi ayị ọ sị jị tụ oze i mee sì ọnọgụvọ ọnị ye yi ve re. Ẹnị ee zi ọgụvọ pooro ne tu ka ẹnị ee zi anẹkụra ẹnị ẹ̀ yị nyị ịsị ẹ zụ mẹ ka, ẹ̀ va gụ ẹnị ụvọ.

Arụwẹ 2:13

Hoo! Anijerusarẹmị ana a maanị sì ịrẹyị anị. Sị mị nyẹngụ kà? Sị mị zụ sị ayị awụ nịnị nẹtẹ aanị? Ẹ yị nyị ọza ana maanị rị ẹngụ ụya ọnọnị da o. Ịrẹyị odivi ene tu wụ aanị ọ sị dẹngụ baaba. Ẹ yị nyị eyọtụra vụrụ-vụrụ?

Ijeremaya 15:1

Ijeremaya ka Ẹnẹyịmavara ộ kà a yị ọnị ka, Imosiisi ọnịrị Ịsamụwẹrị ẹ̀ẹ daka va jẹẹ ọvịdị anị dị ẹ yaa dá ịpẹẹ yị ọnị nị, ọnị ẹ yị kụkụ aa vayị Anịjuda nịnị. Ẹnẹyịmavara kà, à dụ wa hụrẹ ọnị eyi, à kà a ka ẹnịnị ẹẹ na.

Ijeremaya 8:22

Ọ kà, aanị ka ẹ yị kụkụ nyị ahọ̀nọ ẹtẹ Anigiriyadi? Aanị ka ẹ yị kụkụ nyị Idokita ịzọọ? Sị ẹ vavẹ dị ẹngụ aza anị ẹ̀ẹẹ yị va nịya?

Ijeremaya 7:29

Ọ kà, ẹwụ nịnị Anijerusarẹmị ọ̀ kụ ịrẹsụ awụ nịnị. Na yà ịnị ataba dị wa jị òrèrè nịnị agụvị ka Ẹnẹyịmavara aa kụ ayị hi anụmọgọnị. Ọ sị wa yi hụụnị aza anị.

Ahẹ Ụgama 89:38

Ama we ve reè hí ayị, we si yi ne ta. Ụ kụkụ vaa kụ́ ayịị hi ọza ọnị ụ sị nyị.

2 Ịtọpa 36:16

Ama dị ẹnịnị yaa mẹ̀ ọnụtụ Ohomorihi ẹnẹẹ isiya, dị e eyi wụ́ ịrẹyị Ohomorihi, dị ẹ yaa nyị ọnịsẹ nịnị unyi nị. Ẹvabẹ-ẹvabẹ ẹnẹnị ọ kụ́ Ẹnẹyịmavara ayị hi wa dị ẹ yị nyị ọza ẹnịnị ana ha nị.

Ijeremaya 12:7

Ẹnẹyịmavara kà, ọnị ọ sị va ịrẹma Anisirẹrị nịnị, ọnị ọ raa hụrẹ aza anị ụvọ. Ọnị ọ raa sị aza ọnị ọnị sì ịrẹyị anị chire ọnịvị ẹnịnị ụvọ.

Imika 1:12

Aza ene hi Imaroti ee zi ka ẹnị vee re ọyịza. Dị ahịka ịrẹyị odivi Ẹnẹyịmavara kụ́ tù wa nị. Ộ kụ́ ịrẹyị odivi ngụ eehi ve tù Ijerusarẹmị.

Ụhịrẹyị 29:1

Ọza anaa ka ọnị ọ mā dọ ohuvọ ọza, vị ana jị obo nee vu.

Ijeremaya 30:12

Ẹnẹyịmavara kà, ọza ẹ yị zụ mẹ ụnava ana a tọ ụ nịnị aanị, ụnava ọnọnị ẹ yị kụkụ zụ vị.

Ijeremaya 51:5

Ẹnẹyịmavara kà, ọnị Ohomorihi Ochẹtẹẹngụ, ẹ́ yị hụrẹ Anisirẹrị ọnịrị Anijuda nịnịị ụvọ, ọọ́ daka vị ka ẹnịnị ệ mẹ̀ ebira odivi hi ọnị.

Arụwẹ 2:22

Ẹnẹyịmavara ộ tụ hị́ ọnịvị anị hụrị eyi ọnyị eyi ọsa anka a mẹẹ tụụ hị́ aza aa rị eche avọọ, dị ẹ va takara ayị nị. Ịhị Ẹnẹyịmavara aa kụ ayị, ẹ yị nyị ọza ana ha. Ọnịvị amị nịnị ẹ sị ezi emi ọnị mị paa dị mị sì ịrẹyị anị wụ̀ va ha.