Ijeremaya 14:17 - IWE ỌNỊNỊ

¹⁷ Ijeremaya ka, Ẹnẹyịmavara ộ kà a yị ọnị ka, ọnị ọ̀ kà a yị Anijuda nịnị ịsị ẹ vị ayodu anị, dị ọnị ọ̀ kà a ka, aanị eyi anị mẹ vaa ka ẹgọ, ọọdụ ọnịrị ịrahụ nị, ọnị ẹ yị hụụnị orere ọ̀ yị jị, agụvị ka aza anị ẹ́ raa tụ ụnava ngọtọọ, ịrẹyị odivi ô tù wa.

Ijeremaya 14:17 Referans Kwoze

Ijeremaya 8:21

Dị Ijeremaya ka, ayị anị ọ sị sẹ rugurugu agụvị ka aza anị ẹ kụ sẹ rugurugu. Ọnị ộ sụ́ ùnè; ọnị ẹ yị kụkụ yẹ ịsị a vọrọ ka ọnị ọ̀ mẹ vụrụ-vụrụ.

Arụwẹ 2:13

Hoo! Anijerusarẹmị ana a maanị sì ịrẹyị anị. Sị mị nyẹngụ kà? Sị mị zụ sị ayị awụ nịnị nẹtẹ aanị? Ẹ yị nyị ọza ana maanị rị ẹngụ ụya ọnọnị da o. Ịrẹyị odivi ene tu wụ aanị ọ sị dẹngụ baaba. Ẹ yị nyị eyọtụra vụrụ-vụrụ?

Ijeremaya 13:17

Ọ kà, wàa ka wẹ yị wụ nịnị, ọnị vaa jị òrèrè ịnị aku, agụvị ka waa sị ẹngụụ tụ ẹba nịnị. Ọnị vaa jị òrèrè ọngwọọngụ dị ẹgọ ee si agụvị ka asị aza Ẹnẹyịmavara za ọrịhị ne hi aha ọsa.

Ijeremaya 9:1

Ijeremaya ka, aa yẹ, ẹyị anị oo và enyi anka enyi anaa tụ̀ hụụnị eteesu avọọ. Dị ọnị oo jị òrèrè pooro kẹnẹ ọọdụ ọnịrị ịrahụ, agụvị aza anị ana a wụ̀ ha aanị.

Imika 6:13

Agụvị avọọ, ụ vaa rị ụya m maa pá ịvaa wụ Mi vee vu wu ẹtẹ saka-saka agụvị ebira odivi awụ.

Arụwẹ 2:18

Anijerusarẹmị ẹ̀ẹ jị òrèrè boro-boro hi Ananyị yị ẹngụ. Ẹnịnị ẹẹva ẹgọ hi ẹngụ ọọdụ ọnịrị ịrahụ dị oo sì anka enyi avọọ. Asị ẹ tụ́ ụhwọ́ ịnị ọyị zị ẹngụ, dị asị ẹ jị oborihu òrèrè.

Ijeremaya 10:19

Dị Anijerusarẹmị nịnị na owu zẹtẹ ka: ụnava ẹnịnị ọnọnị oo divi o! Ụnava ọnọnị ẹ yị zụ vị ọ. Vị ẹnị vịdị ro ka ịsị ẹnị zụ sị ẹngụ dọ yọ nị.

Ayịsaya 37:22

Ẹnẹyịmavara kà, Anijerusarẹmị vee nyí wu unyi, ẹwụ Isenakeribi, dị ẹẹ sị wụ mẹ ịyẹyẹ.

Ahẹ Ụgama 39:10

Navọ asị ụ rẹ kụkụ sị ụya rị mị ka ipono awụ aa vaa wụ̀ mị.

Emọsị 5:2

Isirẹrị sị mẹ anka ozwoorihi ana hyẹdụ, dị ẹ yị vana zụ kwẹẹtẹ avọọ nị. Dị aa hụrẹ ẹ ụvọ tụ ịzị ọ ya nị. Ẹ yị nyị ọza ana sị ọ kwẹẹtẹ

Ahẹ Ụgama 119:136

M mè re ka aza ẹ yị zẹẹ ka ẹnị ẹ̀ẹ saasa ọda awụ, ẹgọ vị anaaa ká mị eyi.

Ijeremaya 8:18

Ijeremaya ka, tee! ayodu anị ộ dà banyị kẹnẹ ịnẹ aa zị ọnị.

2 Ohinọyị 19:21

Ẹnẹyịmavara kà, Anijerusarẹmị vee nyí wu unyi, ẹwụ Isenakeribi, dị ẹẹ sị wụ mẹ ịyẹyẹ.

Ijeremaya 9:18

Kàa ka ụsẹ ọ̀ hụ wa ịra vẹ, dị ẹnịnị ẹ vaa jị òrèrè yị ẹnị, naa ngụ ịjị eyi ẹnịnị ọọ ta hí yị ẹgọ dị ọ kụkụ è sì ẹnị ẹẹ ma jị òrèrè nị.

Ijeremaya 18:13

Ẹnẹyịmavara kà, à họ̀ avaba anẹkụra use ka áá nyị ịzị ẹngụ ịrẹyị ọnọnị vịdị mẹ da? Anisirẹrị nịnị ẹ sị ebira odivi hangụ-hangụ mẹ.

Arụwẹ 2:11

Ọnị o jị òrèrè pooro eyi aa zị ọnị, ayị anị ộ ta du, ọ ta ngụ ọnị ẹngụ ọnị maa zị ẹngụ aza anị ene vú ẹtẹ. Ewu ọ kụ ezweyi-ezweyi ẹnịrị ezinụvọ zá va hi ẹtẹ ụngwẹ maa kụ wa.