Ijeremaya 13:9 - IWE ỌNỊNỊ

⁹ Aanị ọnị mẹ vee du avaba ịsa ọnị Anijuda ọnịrị Anijerusarẹmị nịnị aa sị mẹ̀ eyii zịị ha nị.

Ijeremaya 13:9 Referans Kwoze

Ireevi 26:19

Ọ kà ọnị vaa gara ụkata ẹnẹ ẹnịnị vavọọ è sii wùu zị avọọ ha; ọnị vaa mẹ ka à sị orihi zụ̀ yị wa, dị ẹtẹ ẹnịnị wụ, dị ọ katẹngụ anka enyusẹ avọọ.

Ịzẹhwanaya 3:11

Dị Ẹnẹyịmavara kà, ịnị ụmẹ ọnọọ, ụhị ọ yị kụkụ vaa nyị aza anị ana vịdị mẹ̀ akamawụ hi ọnị. Ọ kà ọnị va kụ́ aza ana aa sị ẹngụ tụ́ ẹba kwooze, dị aza ẹ yị kụkụ vaa mẹ̀ akamawụ hi ọnị ịnị ataba ọnịnị anị.

Ayịsaya 23:9

Ẹnẹyịmavara Ochẹtẹẹngụ ọ vavọọ mẹ nị, ka ọnị ọ̀ tẹ avaba aza ana aā mẹ eyi, dị ọnị ọ̀ rẹ mẹ̀ ụhị nyị avaba aza anị anẹhẹ aa sị ụbanyị yị.

Ụhịrẹyị 16:18

Ụhị ọọ̄ nyị ọza anaā sịị ẹngụ tụ ẹba nị. Ịrẹsụ ọyị sị tụ́ ẹba vị anaā va ọza nẹtẹ.

1Ipita 5:5

Ẹwụ nịnị ezweyi bẹẹ, re ka waa ka ịrẹsụ hi yị azọkụ nịnị. Avaba awụ nịnị ọ̀ọ sị ụbanyị yị ẹngụ nịnị, dị ụ waa sị ịrẹsụ ọkahii mẹ awuru chire nịnị, agụvị ka Iwe Ohomorihi ộ kà a ka: Ohomorihi ó yi sì aza anaā sịị ẹngụụ tụ́ ẹba, ama ọọ̄ mẹ̀ ọyịzaa yị aza anaā kà ẹngụ ẹnịnịị chi.

Ijemiisi 4:6

Ama ụkata oni Ohomorihi sị yị ọ banyị hu nị, agụvị ka Iwe Ohomorihi ọ́ kà a ka: Ohomorihi o yi sì aza anaā sịị ẹngụ ẹnịnịị̄ tụ́ ẹba ama ọọ̄ mẹ̀ ọyịzaa yị aza anaā kà ẹngụ ẹnịnịị chi.

Iruuku 18:14

Dị Ijeesu ka, “Dị ma kà a wụ nịnị ka ọdẹkẹhirehi ọnọọ Óhomorihi jị ịhị yị, dị aa nọ eehi nị, ẹ yị vị Anihwarisi ọnọọ. Agụvị ka ọza ana àa kà ẹngụ anị hịrẹ, vị Ohomorihi vaa kà a chí nị; ọza ana àa rẹ kà ẹngụ anị chí, dị Ohomorihi kà a hịrẹ.”

Ịnahụmị 2:2

Ẹnẹyịmavara aa vaa va Anisirẹrị nọ udi ụbanyị ọnịrị ụkata anka ẹ mẹ vịdị ya dị ọnịvị ẹnịnị vaa sị ịrẹkụ hụ́ wa.

Ezikẹẹrị 16:56

Aanị ka ẹ́ vị ụ mẹ Isodọmị isiya ụmọ ọnị wee sii wùu zị,

Ezikẹẹrị 16:50

Ayị ẹnịnị ộ katẹngụ, dị ẹyaa sị ẹngụụ tụ ẹba nị. Ẹnịnị ệ mẹ ịsị ọnị ọnị ẹ̀ yị sì ịrẹyị anị, agụvị avọọ dị ọnị vu wa ẹtẹ nị. Waa vavọọ yẹ nịnị.

Ijeremaya 48:29

Ẹnẹyịmavara kà Animowabi nịnị aa sị ẹngụ ẹnịnịị tụ ẹba baaba. Ọnị ộ wụ́ ẹnịnị mẹmẹ aa sị ẹngụ ẹnịnịị tụ ẹba, di eyee wùu zị. Ọnị ộ wụ́ eyi ene eyee sii ré ẹngụ ẹnịnị.

Ayịsaya 16:6

Anijuda ka ẹnị ệ vịdị yẹ Animowabi mẹmẹẹ mẹ eyi. Vị ọ nyayịnẹ ẹ mẹ eyi ẹnẹmẹhị nị. Ama irenu osusu kẹnẹ ẹ vavọọ nyị nị.

Ijeremaya 13:8

Dị Ẹnẹyịmavara va kà a yị ọnị ka

Ijeremaya 25:18

Ọnị ộ sị ọ ne tu Anijerusarẹmị ọnịrị avaba ẹkụra ene hi Ijuda, beri ohinọyị ẹnịnị ọnịrị ọdọvịdị ẹnịnị, dị á mẹ ka avaba ẹnịnị è hú ịnị anị nị. Dị ẹnịnị hụ́ hụrị ẹkụra nị. Aza ene re e vị ọnị ọ́ za zizi dị angwa ee hí wa. Dị aza kụkụ aa sị ịrẹha ẹnịnịị chii hị́ aza pooro ve tu ajịnị nị.