Ijeremaya 13:25 - IWE ỌNỊNỊ

²⁵ Ọ kà ịsị e vee tù u nịnị yị. Ịsị ọnị vaa mẹ ụ nịnị ọ vị ọnọọ nị, agụvị ka we ree hi ayị anị nịnị, dị ụ kụkụ sị ayị tụra ori ana ahịka apẹ kẹnẹ ẹ vị nị.

Ijeremaya 13:25 Referans Kwoze

Ijoovu 20:29

Ịsị Ohomorihi ka ọnị vaa mẹ aza edivi yị.

Imatiwu 24:51

Dị ọga anị za a, dị ọ sẹ̀ ẹ rugu-rugu, dị ọ sị ọgụ ọmọzakụyẹ yọ. Ịzọọ di ee nowu, dị aa rị anyị.”

Ijeremaya 2:32

Ozwoorihi óó zụ hi ayị ẹnya ọvị anị kẹ? Ọnẹẹ anaa va ọnọrụ oo zụ hi ayị ịta anaa kụ hi ẹngụ ịhị anaa va ọnọrụ? Ama o si kù ọnị aza anị hụrẹ hi ayị anị.

Ahẹ Ụgama 11:6

Ẹnẹyịmavara vị ana vaa zụ̀ orihi ịrịịra hi aza edivi ịrẹsụ Ịra ana a sị ohuru kà ọnịrị ahị ịrịịra ọ vaa vẹ ịrẹsụ aza edivi nị.

Ahẹ Ụgama 9:17

Avaba aza edivi ene hi ayị Ohomorihi vi ene vee súu vaa ha.

Imika 3:11

Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị.

Ijeremaya 10:14

Ọsọnị aza ee si re, dị ẹ sị mẹẹ ọnụra ẹnẹ ẹ yị nyị ịrẹyọyẹ nị. Anịngẹrẹ enee tu ori vị ọnị ụhị aa nyị, agụvị ka ori ẹnẹ ẹ mẹ va hi ẹtẹ vị apẹ kẹnẹ; ẹnịnị ẹ yị nyị ụhwẹ.

Ijeremaya 2:13

ka aza anị ẹ raa mẹ̀ ebira odivi oze ẹẹva: Ọ kà ẹnịnị ẹ raa và ịrẹma anị, ọnị ana vị oswe enyi anaā sịị ẹngụ ọzaa hunẹnẹ, dị ẹnịnị na chị́ ịkangga ana ahịka ka ẹnịnị ẹ yị zụ re enyi da hụụnị anị vụrụ-vụrụ yị ẹngụ ẹnịnị nị.

Ayịsaya 28:15

A vi wee wo oto nịnị ka ewuri iswọọza ọ sị eku hị́ yị ẹngụ nịnịị? Ụ ka ịrẹyị ọnịrị ikuta ọ sị jẹẹ nịnị. Wee ro o ka ịrẹyị odivi ọ̀ọ vẹ, o yi kuku vee tù wu nịnị agụvị ka wa raà si ireche jị ọvọ gu ẹngụ hi nịnị. Ireche ụ sị mẹ ịzị ụ na tẹ̀ tụ́ nị.

Ayịsaya 17:4

Ẹnẹyịmavara kà ụmẹ aa vẹ ọnị ụbanyị Anisirẹrị nịnị vaa ta. Di ize ẹnịnị ta, dị ẹ kụkụ nee re osiye.

Aniroomi 1:25

Ẹ raà sị ireche dọ ịzẹyịza Ohomorihi ịrẹsụ. Ẹyaa hẹkẹ ịsa ọnị Ohomorihi mẹ, ama ẹ yị hẹkẹ Ohomorihi ana mẹ avaba ịsa ẹnẹẹ. Ohomorihi ọnọọ a vọrọ ka àa ga pooro nị. Aamị.

Ayịsaya 34:17

Ẹnẹyịmavara ò reè re ẹtẹ ne hu, dị ọ ga a, dị ọ sị ẹhwị ẹtẹ ọzọza yọ nị. Ẹnị ẹ vaa nyị ẹtẹ ọnọọ pooro zịna-zịna, hụrẹ ụmẹ ọnyị na ngụ ọsa.

Ayịsaya 65:7

Ẹnẹyịmavara kà, “Mi vee si wa atọ ịvị ẹnịnị ọnịrị ịvị oni ohiku ẹnịrị rị. Agụvị ka ẹnịnị ệ nọ ịrẹsụ ataba na mẹ̀ ịsọvọ, dị ẹ yà ịrẹsụ ataba eweyi kụ́ mị ụhụ nị. Mị vaa sị́ ụya anịị rị wa a mẹ̀ vọrọ.”

Ijeremaya 3:21

Aa wụ́ ka aza ee na owu ịrẹsụ ataba. Anisirẹrị nịnị aa jị òrèrè, dị ẹ yaa da ịpẹ nị, agụvị ka ẹnịnị ẹ sị ebira odivi-odivi mẹ. E reè hi ayị Ẹnẹyịmavara, Ohomorihi ẹnịnị.

Ịzẹhwanaya 3:2

Ẹnịnị ẹ yị wụ́ chire Ẹnẹyịmavara. Àa kà a yị wa pooro ẹnịnị ẹ yị dọ. Ẹnịnị ẹ yị sị ayị tụra Ẹnẹyịmavara, di e vee hyakụ si ọgụvọ hụụnị ụvọ anị.

Ijeremaya 18:15

Ẹnẹyịmavara kà ama, aza anị e ree hí ayị anị; ẹnịnị vana kụkụ rị eturare ịra yị ori nịnị. Ẹnịnị ẹ raa tụ́ ahụ oze ẹnẹ và tụra. Ẹ́nịnị ẹ yị và tụra oze ịyẹẹyẹ. Ụparị ọnị ọza ẹ yị tọrẹwa ẹ́ kụkụ aa zị nị.

Ezikẹẹrị 23:35

Avọọ, Ẹnẹyịmavara Ananyị ụkata hu ka, agụvị ka wê hí ayị anị, waa varẹma ka ọnị, ụ vaa rị ụya ịsị ọnị ụ vavọọ aa dụ gògògò avọọ, dị ụ rị ụya ịrẹkọyịsẹ awụ.