Ijeremaya 12:9 - IWE ỌNỊNỊ

⁹ Ẹnẹyịmavara kà, aza anị vị ana kụkụ sị mẹẹ anka ezi ụụhwẹ ọnị ukokoro ee bè oze eyi ụvọnị-ụvọnị avọọ. Hị́ avaba uye ịnị avị vẹ ka ẹ̀ va rị eche nịnị.

Ijeremaya 12:9 Referans Kwoze

Ayịsaya 56:9

Ẹnẹyịmavara ộ kà a yị ẹnị anẹkụra ọsa ka, ẹnịnị ẹ̀ vẹ anka uye odivi avọọ, dị ẹ̀ va wụ̀ aza anị va ha.

Ijeremaya 7:33

Ọ kà, inomi nịnị ẹnịrị uye ịnị avị nịnị ẹ vanaa rị oku ẹnịnị nị. Ẹ yị vaa nyị ọza ana aa dụ wa kwooze.

2 Ohinọyị 24:2

Ẹnẹyịmavara ộ tụ́ isoja Ikaridi, Aramị, Imowabi, ọnịrị Amọnị nịnị ka ẹ kụ́ ịrẹkụ tụ́ Ijuda di e vu wa ẹtẹ anka Ẹnẹyịmavara mẹ vịdị raà tụ́ ọnịsẹ anị ka ọnị va mẹ̀.

Ẹtore 17:16

Uye ovivi ọnịrị ọpanyị ẹẹwụ ị́rẹsụ ọnị u re avọọ, vaa nyị ịhyẹrẹ ọsẹrẹka ọnọọ. Ẹ vaa dọ ọ avaba ịsị ọ nyị, dị ẹ tụ́ ọọ ahwaahụ. Ẹ vaa rị ụpẹngụ anị, dị ẹ rị ọọ ịra.

Ijeremaya 15:3

Ẹnẹyịmavara kà ịsị odivi ẹẹna ọnị vaa mẹ ka ò tu wa nị: a vaa kụ ịrẹkụụ tụ wa dị a wụ̀ wa; irezi nịnị e vee tura oku ẹnịnị ẹtẹ; inomi nịnị vaa rị oku ẹnịnị dị uye ịnị avị va gara ana vọ ha.

Ijeremaya 2:15

Ọnịvị Anisirẹrị nịnị aa hàa hi wa anka idu avọọ, ẹ kụ aza dụ hụrị ẹtẹ Isirẹrị, dị ẹkụra ẹnịnị sị jị eburu nị. Aza ẹ sị hụ́ hụụnị anị bemi-bemi.

Ijeremaya 34:20

vị ọnị ọnị vaa kụ chire ọnịvị ẹnịnị enee si wa usu ụvọ. Inomi ịnị ahị ẹnịrị uye ịnị avị nịnị ẹ vaa rị oku ẹnịị nị.

Arụwẹ 1:17

Anịzayọnị nịnị aa da ịpẹ ka à gụ ẹnị ụvọ, ama e yi re ọza gụ wa ụvọ. Ẹnẹyịmavara ọ raa hị́ ọnịvị ẹnịnị ana kara wa ịrẹkụ tụ wa. Dị ẹ kụkụ aa sị Anijerusarẹmị mẹ enyinyi nị.

Ayịsaya 2:11

Ụmẹ ọnya aa vẹ, avaba aza ene ee wu ịkaa zị, dị Ẹnẹyịmavara kà wa chị, dị ọ tẹ avaba aza ana aa mẹ eyii zi. Ịnị ụmẹ ọnọọ, Ẹnẹyịmavara ịnya kẹnẹ aza vaa sị ụbanyịị yị nị.

Ayịsaya 2:12

Ẹnẹyịmavara ọ nyị avaba ụkata nị. Ọ raà jị ẹkụhị ọnya tịtẹ. Ịhị ọnọọ ọ vaa za avaba aza ene ee wu ịka zị dị ọ kà wa chi, dị ọ mẹ̀ ụhị nyị wa.

Ezikẹẹrị 34:5

Atẹmẹ ẹnẹẹ ẹ́ kụ gara hi agụvị ka ẹ́ yị nyị ọza enee sere wa. Dị uye edivi kụkụ aa za waa mẹ ụngwẹ nị.