Ijeremaya 12:2 - IWE ỌNỊNỊ

² Wee chire wa tụ ịnị ẹkụra, ẹ sị ẹpa nyị; Ẹnịnị ệ hụ dị ẹ yaa tụ ẹtụtụ nị. Ịrẹyị awụ vị ẹnị ẹ sịị̄ tụ irenu pooro kẹnẹ ama ẹ yị yaa wa ayị.

Ijeremaya 12:2 Referans Kwoze

Ayịsaya 29:13

Agụvị avọọ Ẹnẹyịmavara kà, “Aza ẹnẹnị vị ana aa kú irenu kẹnẹ ka ẹnị vị amị. Irenu kẹnẹ ẹ yaa sịị sị ụbanyị mị nị ama ayị ẹnịnị ọ yị gụrị mị vụrụ-vụrụ. Ọda ana aza kẹnẹ mẹ̀ ẹ sị ụvọ za, dị ẹ ka vị ẹnị aa hẹkẹ mị nị.

Ịtayịtọsị 1:16

Ẹẹ̄ sị irenuu kà a ka ẹnị ẹẹ̄ yẹ Ohomorihi, ama ebira ẹnịnị ẹ́ yị sị zụ ka ẹ́ẹ yẹ Ohomorihi. Ịsa eenyisi ẹnịnịị̄ mẹ nị, dị ẹ rẹ yaa mẹ akamawụ nị, ẹ yị nyị ịsa ozoza ẹnẹ ẹnịnị zụ mẹ vụrụ-vụrụ.

Imatiwu 15:8

‘Irenu kẹnẹ aza ẹnẹnị sị gụrị mị nị, irenu kẹnẹ ẹ sị sị ụbanyị yị mị nị. Ama ẹnịnị ẹ yị dọ ịrẹyị amị tụ́ ịnị ayị ẹnịnị.

Ijeremaya 11:17

Ọnị Ẹnẹyịmavara Ochẹtẹẹngụ ene chire wu nịnị, ọ sị ọ ka ka vị ọnị ee vu wu nịnị ẹtẹ nị agụvị ebira odivi ọnị ẹwụ nịnị Anisirẹrị ọnịrị Anijuda aa mẹ nịnị. Ọ kà wa sị ayị mẹ kụ ọnị nịnị agụvị ka wa naa mẹ̀ ịsọvọ yị Ịbaarị nịnị.

Ezikẹẹrị 33:31

Ịzẹyịza dị aza hàrà gụ ka ẹnị ẹẹ wụ́ ịrẹyị ọnị waa kà. Ama ẹnịnị ẹ́ yị mẹ ịsị ọnị ụ ka ẹ̀ mẹ. Wàa wụ́ ịrẹyị irenu ẹnịnị, ụ ka ẹẹ da sì ịrẹyị aza, ama ọhọha vị ọnị ẹyaa yịị mẹẹ zị.

Ijeremaya 45:4

Ẹnẹyịmavara kà, ọnị ọ̀ kà a yị Ibaruki ka, ọnị Ẹnẹyịmavara vaa gara ịsị ọnị ọnị vịdị kụ gụụ ha, dị ọnị re hu ịsị ọnị ọnị vịdị chire hụrẹ ẹtẹ. Avọọ ọnị mẹ vaa mẹ avaba ẹhẹ nị.

Ịmaakị 7:6

Dị Ijeesu ka, “Ẹwụ nịnị ọmọzakụyẹ ẹnẹnị! Ịrẹyị ana Ayịsaya chẹrẹ ịyẹẹyẹ, ộ da sẹrẹ wụ nịnị kẹnẹ, ọ ka: ‘Ohomorihi ka: Irenu kẹnẹ aza ẹnẹnị sị sị ụbanyị yị mị nị; ama ẹnịnị ẹ yị dọ ịrẹyị amị tụ́ ịnị ayị ẹnịnị.

Ijeremaya 3:10

Ẹnẹyịmavara kà, dị ọ́ maanị yị mẹ avaba ẹsẹnị, onyeyiza anị, Ijuda ẹnẹẹ yị nyị ịzẹyịza ẹ yị sị ịzẹyịza và ka ọnị vẹ; vaa da ọbọ kẹnẹ nị.

Ijoovu 5:3

Erihwazi ka ọ nị ọ yẹ ka ọnụra ọ zụ mẹ ẹhẹ ịjịjọọ, dị Ohomorihi o vee chi hi ọ dị ẹhẹ anị ọ vaa va eyi ku ẹtẹ.

Ahẹ Ụgama 37:35

Ma raà sị eyi amị re aza edivi ẹnị ẹ̀ yị mā vayị ọza ẹ màa mẹ ụbanyị anka ọchị ọbanyị ene hi ịzị aā hị́ Ịrẹbanọnị avọọ.

Ihabaku 1:13

Ọnị ọ yẹ ka Ẹnẹyịmavara ẹ yị dọ ka oni o re ka ọza aa mẹ̀ ebira odivi. Asị ọ zẹ ka aza ọhịmị ẹ wụ̀ aza ọyịza vaa ha kẹnẹ.

Ijoovu 24:12

Aza ana tọ ụnava hi ini ẹkụra ee na owu ka à gụ ẹnị ụvọ, dị aza enee su a jị òrèrè nị, ama Ohomorihi o yi tụ wa ohi.

Ihoseya 7:14

Ẹnẹyịmavara kà ẹnịnị ẹ yị sị ayị ọnya na owu hi ọnị ẹngụ. E hi ịrẹsụ ode ẹnịnị aa jị òrèrè kẹnẹ nị. Ẹnịnị vị anaa sị ịsa na ẹngụ ẹnịnị yị ori anikinami ka ẹ mẹ̀ ịsa ịnị aarẹ nịnị zoza, dị ẹnị ẹ nyị akụ ọnịrị eche.