Ijeremaya 10:8 - IWE ỌNỊNỊ

⁸ Avaba ẹnịnị vị ọnụra. Ịrẹyọyẹ ịsị ẹ zụ kọ hụụnị ụvọ ori ana a sị ọchị bẹ kẹ?

Ijeremaya 10:8 Referans Kwoze

Ịzakaraya 10:2

Ori nịnị ẹ yị ka ịrẹyọyẹ, ọhẹva nịnị vị ene cheeche, aza ana ka ụra vị enee vene aza. Agụvị avọọ aza aa woowo zị anka atẹmẹ ene vu avọọ nị. Ẹnịnị ẹẹ nyị ẹngụkata agụvị ka ẹnịnị ẹ yị ọza ene sere wa.

Ijeremaya 10:14

Ọsọnị aza ee si re, dị ẹ sị mẹẹ ọnụra ẹnẹ ẹ yị nyị ịrẹyọyẹ nị. Anịngẹrẹ enee tu ori vị ọnị ụhị aa nyị, agụvị ka ori ẹnẹ ẹ mẹ va hi ẹtẹ vị apẹ kẹnẹ; ẹnịnị ẹ yị nyị ụhwẹ.

Ihabaku 2:18

Sị ọza aa sị ori mẹ? Ọza mẹ nyẹngụ sị ayị tụra ọnyọọnọkụmị ọnị ọ sị ụvọta anị mẹ̀. Evene kẹnẹ ọ vị nị. Ọ́ tịtẹ kẹnẹ nị, ẹ yị zụ ka ịrẹyị. Ẹnyị vị ọchị ana a bẹ, dị ẹnyị vị enyusẹ ene tu nị.

Ayịsaya 44:19

Ẹ yị nyị ọza ene ro ịrẹyị, ẹnịnị ẹ yị nyị ịrẹyọyẹ ana a vọrọ ka ọ̀ kà a ka, “Mâ sị ịnị ọchị ọnọnị kà ịra; mâ sị akịna anị mẹ̀ ịsa, mê hù uye ịnị anị dị mị rị ọ nị. Vị́ áa vọrọ ka ma rẹ sị ana vọ bẹ ori jẹẹ nị? Áá vọrọ ka ma naa tanaa tụra ẹtẹẹ yị ọchị ana a bẹ?”

Ayịsaya 41:29

Ẹ yị nyị ịsị avaba ori ẹnẹnị vị. Ẹ yị nyị ịsa ọnị ẹ zụ mẹ. Ẹnịnị ẹ yị nyị ụkata, ọkụmị ẹ vị nị.

Ahẹ Ụgama 135:18

Ẹnịrị aza ana mẹ wa ẹ vị ọnya-ọnya nị, avọọ aza ana sị ayị tụra wa ẹnị mẹ̀ rẹ yà nị.

Ahẹ Ụgama 115:8

Ẹnịrị aza ana mẹ̀ ẹ vị ọnya-ọnya nị, avọọ aza ana sị ayị tụra wa ẹnị mẹ̀ rẹ yà nị.

Ijeremaya 4:22

Ẹnẹyịmavara kà, aza anị vị ọnụra; ẹnịnị ẹ yị yẹ ọnị. Ezi ẹnẹ ẹ yị nyị ịrẹyọyẹ ẹ vị nị; ịrẹyị é me ye wa. Ẹnịnị ẹẹ yẹ ọbọ ọyị mẹ̀ ebira odivi, ama ẹnịnị ẹ maa yara mẹ ọyịza.

Ijeremaya 2:27

Ụhị ọ vaa nyị ẹwụ nịnị ana a kà ọchị ọ va ada awụ nịnị, dị ịrẹta vị ọnyị awụ nịnị nị. Ọ kà aanị ọ mẹ vaa yaa wụ nịnị nị, agụvị ka wa sị ịrẹma và ka ọnị nịnị, we yị và eyi ka ọnị nịnị. Ama ịjị ẹngụkata ọọ ka wụ nịnị vẹ dị ụ ka ọnị ọ̀ kwẹẹtẹ dị ọnị ọ̀ dọ wụ nịnị tụ.

Ihoseya 4:12

E yee họ̀ use etore hụụnị ụvọ ori ana sị ọchị bẹ. Okutẹ aa jị ẹva yị wa. Ụhwẹ ịrẹkọyịsẹ ọ raà sị wa nyeeyi ka asị ẹ yẹ Ohomorihi ẹnịnị.

Ayịsaya 44:18

Ẹngụ aza ẹnẹẹ vị ọnụra. Ẹnịnị ẹ yị yẹ ịsị ẹyaa mẹ. Ẹnịnị ệ sị eyi ẹnịnị kú oku, agụvị asị ẹnị zụ re ẹtẹ. Ệ sị ịsa kú ayị ẹnịnị agụvị asị ẹnịnị yẹ ịsa a vọrọ ka ẹ yẹ.

Ijeremaya 3:9

Isirẹrị ọ sị ẹkụra du. Ịrẹta ọnịrị ọchị ọnị ọ naa hẹkẹ vị ịrẹka ọyị sẹ yọ. Ịrẹka ọyị sẹ vị ịsa oweyi eyi anị.

Ijeremaya 5:4

Ijeremaya ka, dị ọnị ro nị ka, aza ẹnẹnị ẹẹ daa ụya rị, ọnụra ẹ vị nị. Ẹnịnị ẹ yị yẹ ịsị Ohomorihi ẹnịnị ee sì, ọnị Ẹnẹyịmavara ee sị ka ẹnịị ọ̀ mẹ.

Ijona 2:8

Dị ọ ka aza ana aa hẹkẹ ịsa ọsa kẹnẹ-kẹnẹ ẹnẹ ẹ yi nyị ịsa ọ vị, ẹ raà va hụrẹ ịrẹma Ẹnẹyịmavara.