Ijeremaya 10:23 - IWE ỌNỊNỊ

²³ Ijeremaya ka, Ẹnẹyịmavara ọnị oo yẹ ka ẹ yị nyị ọza ana zụ sị ụvọ nya ịrachị ọnị ọ nyị ẹhẹ anị nị. Ẹ yị nyị ọza ana nyị ụkata ka a ka aanị ọnị mẹ vaa mẹ ẹhẹ anị nị.

Ijeremaya 10:23 Referans Kwoze

Ụhịrẹyị 20:24

Ẹnẹ ka ọnị ọ yẹ oze ẹhẹ anị kẹ? Ẹnẹyịmavara kẹnẹ ọọ̄ zụ ọza oze nị.

Ụhịrẹyị 16:1

Ọyịkà vị ọza, ama ọyịmẹ̀ vị Ẹnẹyịmavara.

Ahẹ Ụgama 37:23

Ebira ọnị ọza aa mẹ òo zee Ẹnẹyịmavara eyi dị aa gụ ọ ụvọ ịnị avaba ịsị àaa mẹ

Ahẹ Ụgama 17:5

Oze ọnị ụ ka ma zị mị và tụra nị mẹ yị zẹẹ ka ma ha hụrẹ oze.

Ụhịrẹyị 3:6

Tamayị Ẹnẹyịmavara ịnị ịsa tụra ịsa ọnị waa mẹ̀, ọ vaa sị oze zụ wụ.

Ụhịrẹyị 16:9

Ọyịkà vị ọza, ọyịmẹ̀ vị Ẹnẹyịmavara.

Ayịsaya 26:7

Ohomorihi, ẹwụ vị ana aa mẹ ka ò zee yị ọza ana aa mẹ̀ ebira ana vọrọ. Ụụ̄ mẹ ka ẹngụ ẹnịnị ọ̀ rọ.

Ịdanịyẹrị 5:23

Ọ kà ọ raà sị ẹngụ anị tụ ẹba huni Ananyị yị ana nyị ẹbẹẹba agụvị ka ộ kụ ako ọnịrị ẹnya ana a kụ hụụnị irehi Ohomorihi dị ọnịrị ọdọvịdị ẹkụra anị nịnị, ese anị beri onyeehi anị nịnị ee sii hú eche nị. Ako ọnịrị ẹnya ẹnẹnị ẹ yee sii hú eche dị ẹ yaa ka ẹngụrẹhaa ku ori ana a sị igooru ọnịrị isiriva beri enyusẹ ana vọ ọnịrị ọchị beri ịrẹta mẹ ẹngụ nị. Ori ene è yị re ẹtẹ, ẹ yị wụ́ ịrẹyị, di ẹ̀ yị hyakụ va yẹ ịsa ọnyọọnyị. Ama ẹ yị va sị ụbanyị yị Ohomorihi ana nyị ụhwẹ ana aza aa tụ́, dị ọ rẹ nyị ụkata avaba ịsa anaā mẹ.