Ijeremaya 10:13 - IWE ỌNỊNỊ

¹³ Ohomorihi ọọ̄ ka ịrẹyị dị orihi aa karutu ẹbẹẹba nị. Ọnị ọọ̄ mẹ̀ ka ịnyanya ọọ̄ rị orihi aa zụ nị. Ọnị ọọ̄ mẹ̀ ka ahị ọọ̄ tụ́ hụụ ịzị ọ zaa ku tụ nị.

Ijeremaya 10:13 Referans Kwoze

Ahẹ Ụgama 135:7

Ọọ̄ kụ́ eguhi hụrẹ ịzị ẹhẹ na ta hi, dị ọ kụ́ wa vaa hịrẹ. Àa zụ̀ orihi, dị ọ mẹ ka apaana ihinẹba ọ̀ọ haa vaka a. Dị ọ sị ahị jịnẹ hụrẹ ịzị ọ sị ọ tẹ tụ́.

Ijoovu 38:22

Ọ kà Ijoovu ọ́ọ́ nọ ịzị a kụ ata orihi ọnịrị eguhi eneē chire hi nee re wa da?

Ahẹ Ụgama 18:13

Ẹnẹyịmavara mè nowu ini eguhi, aza ệ wụ ọ ịrẹyị Ata ihinẹba ọnịrị ịra ẹnị vị ana raa zụ̀.

Ahẹ Ụgama 147:8

Ẹnẹyịmavara ọ sị eguhi kú ẹbẹẹba nị, dị aa mẹ ka orihi ọ̀ọ zụ̀ụ hi ẹtẹ nị. Ọnị aa mẹ ka avị ee nyii hi ịnị ataba nị.

Ahẹ Ụgama 135:17

Avọọ ẹ mẹ̀ rẹ nyị ụtọ nị, ama ẹ yị zụ sị wụ́ ịrẹyị, ẹ yị hyakụ zụ tụ́ ụhwẹ hụụnị irenu ẹnị ẹ nyị.

Ahẹ Ụgama 68:33

Jị ahẹ kụ́ Ohomorihi anaā tụra eguhi ana yà ẹbẹẹba hụrẹ ụmọrụmọ. Heyi, ọ̀ọ kà ịrẹyị, dị ọ sị mẹẹ ka vị apaana ihinẹba aa há nị.

1 Ohinọyị 18:41

Ịjị Erija vavọọ sị wa wụ, dị ọ va kà a yi Ahabị dị ọ kà, “Kwẹẹtẹ wa rị ịsa, di we sì ịsa hú, ka maa wụ́ ka orihi ọbanyị aa karutu.”

Ọyịkụra 9:23

Ịzẹyịza di Imosiisi tana okutẹ anị hi ẹbẹẹba nị. Dị Ẹnẹyịmavara mẹ ka apaana ihinẹba ọ̀ọ há di ata orihi aa zụ̀, dị ịnyanya aa rị vee-vee nị. Dị Ẹnẹyịmavara vavọọ zụ̀ ata orihi hi ẹtẹ ịnị avaba ẹtẹ Ijipiti nị.

Ịzakaraya 10:1

Họ̀ use orihi hụụnị ụvọ Ẹnẹyịmavara ịnị ụmẹ ịrẹsụ. Ẹnẹyịmavara anaā mẹ ka eguhi o ka eyi, ọnị ọ rẹ zụ orihi hi ịsa ịnị aarẹ yị avaba ọza nị.

Oyinyima 2:5

ịnị ụmẹ ọnọọ ẹ yị nyị ọchị à vị avị ana chị tụ́ ịrẹsụ ẹtẹ, agụvị ka Ẹnẹyịmavara Ohomorihi ọ́ yị mẹ ka orihi ọ̀ zụ̀ụ hi ịnị ẹtẹ, ẹ yị rẹ nyị ọza ana vọrọ ka ọ̀ dà aarẹ tụ́ ịnị ẹhẹ.

Ahẹ Ụgama 104:13

Wâ zụ̀ orihi hụrẹ ẹbẹẹba hi ịnị ataba. Avaba anẹhẹ vị ọnị ụ mẹ ka ò zee yị.

Ijeremaya 51:16

Ọnị ọọ̄ kà ịrẹyị, dị orihi aa kà irutu nị. Ọọ̄ kụ́ eguhi gụ hụrị avaba aha ịnị ẹhẹ. Ọọ̄ mẹ ka ịnyanya ọọ rị orihi aa zụ, dị ọ mẹ ka ahị ọọ tụụ hụrị ịzị ọ zaa ku tụ nị.

Emọsị 4:13

Ọ kà ọnị ọ mẹ̀ ataba nịnị, dị ọnị tụ́ ahị ana tụ́ nị. Ọnị ọọ̄ sị ịrẹyị anị zụ ọza nị. Ọnị ọ vara etohozi tụ́ ịnị ẹnẹnẹ nị. Ọnị a zị ụsẹ ziizi ịrẹsụ avaba ataba ene hi ịrẹsụ ẹtẹ nị. Ịrẹha anị ọ rị Ẹnẹyịmavara Ohomorihi Ochẹtẹẹngụ nị.

Ijeremaya 5:24

Ẹnẹyịmavara kà we yị ma daba ka a nịnị ka waa sị ụbanyị yị ọnị nịnị, ọnị anaa zụ̀ orihi yị wụ nịnị ịnị avaba ụmẹ, dị ọnị aa mẹ ka ịsị ịnị aarẹ awụ nịnị ọọ mẹ.

Ijeremaya 14:22

Ẹ yị nyị ori Anẹkụra ọnyọọnyị ana zụ zụ̀ ori; eguhi ụvọta ẹ yị zụ mẹ ka orihi ọ̀ zụ̀. Anijuda nịnị ka, tee! Ẹnẹyịmavara ana vị Ohomorihi ẹnịnị ẹnị zi eyi nị, agụvị ka ọyịnyara ọọ̄ mẹ̀ ịsa ẹnẹnị nị.

Ijeremaya 19:12

Ẹnẹyịmavara kà ọnị vaa mẹ Ijerusarẹmị ọnịrị avaba aza ene hi ịnị anị anka Itohwẹtị avọọ nị.