Ijeremaya 10:12 - IWE ỌNỊNỊ

¹² Ama Ohomorihi ọ sị ụkata anị tụ ẹhẹ ọnọnị nị. Ọnị ọ sị ịrẹyọyẹ anị nyima ẹhẹ ọnọnị nị. Ịrẹyọyẹ anị ọ sị tana ẹbẹẹba nị.

Ijeremaya 10:12 Referans Kwoze

Ijoovu 9:8

Nyị ọza ana gụ ọ ụvọ gana ihinẹba ku. Ọnị ọọ̄ za oku ana jị ayị dị aa da ẹgangguu jẹẹ nị.

Oyinyima 1:1

Ịjị Ohomorihi nyima aa tụ́ ẹhẹ ộ tụ́ ẹbẹẹba ọnịrị ẹtẹ.

Ụhịrẹyị 3:19

Ẹnẹyịmavara vị ana sị ịrẹyọyẹ anị mẹ̀ ẹtẹ; Avọọ ọ mẹẹ sị ịrẹyọyẹ sị ẹbẹẹba tụ aha anị nị.

Ayịsaya 40:22

Ohomorihi ana mẹ̀ ẹhẹ ộ yaatẹ ịrẹsụ ude ohinọyị anị ẹbẹẹba ẹteesu ọnịrị eguhi. Ẹyị aza ana ya ịrẹsụ ẹtẹ vi ene weyi anka ihine avọọ. Ọnị ọ́ gana eguhi anka ịta anaā sịị jị oze avọọ nị. Ọ gana a anka ajẹngụ ana aā ra ịnị anị avọọ nị.

Anikorasi 1:16

Ini oze anị Óhomorihi zị mẹ avaba ịsa ene hi ẹhẹ ọnịrị ẹbẹẹba nị, ọnị ọ vị ka ịsị yee re ọnịrị ịsị yè yi zụ re, ẹhụụ anggẹẹrị nịnị ana nyị ụkata ọnịrị ọda irenyi-irenyi. Ini oze anị Óhomorihi zị mẹ avaba ịsa nị. Ọnị ọ rẹ mẹ wa yị nị.

Ịjọọnụ 1:3

Ini oze Ịrẹyị ọnọọ Óhomorihi zị mẹ avaba ịsa nị. Ịnị avaba ịsa oni Ohomorihi tụ́ saka-saka ẹ yị nyị ikonya ẹnẹ ẹ̀ yị vị ini oze Ịrẹyị ọnọọ ọ yà tụ́ ọọ.

Ahẹ Ụgama 24:2

Ịrẹsụ oku ọ vavọọ sị ọ jẹẹ tụ́ nị.

Ịzakaraya 12:1

Ọsọnị ọ vị ụtụ ọnị Ẹnẹyịmavara tụ́ hi Anisirẹrị nịnị. Ẹnẹyịmavara ana gana eguhi ku ẹbẹẹba, dị ộ mè ẹtẹ, dị ọ sị ụhwẹ ka ọ sị ra kà,

Ijeremaya 32:17

Tee, Ohomorihi Ananyị yị! Ẹwa tana ụvọ dị ụ sị ụkata awụ tụ́ ẹbẹẹba ọnịrị ẹhẹ ọnọnị nọ. Ẹ́ yị nyị ịsị ẹ katẹngụ yị ụ o.

Ijeremaya 10:13

Ohomorihi ọọ̄ ka ịrẹyị dị orihi aa karutu ẹbẹẹba nị. Ọnị ọọ̄ mẹ̀ ka ịnyanya ọọ̄ rị orihi aa zụ nị. Ọnị ọọ̄ mẹ̀ ka ahị ọọ̄ tụ́ hụụ ịzị ọ zaa ku tụ nị.

Ayịsaya 49:8

 nyị ụmẹ ọnya ọnị Ẹnẹyịmavara kà ịrẹyị yị Anisirẹrị: Ọ kà ụmẹ mee tu ọnị ọ wụ́ aduwa ẹnịnị, dị ọnị gụ wa ụvọ, dị ọnị rẹ dọ wa ha. Ọnị rẹ vaa mẹ̀ ịsa yị wa ọnị anẹkụra ana vọ vaa nyị ụvọọ tụ ọ. Ọnị vaa da ẹkụra ẹnịnị ene du varẹma yị wa.

Ayịsaya 48:13

Ụvọ anị ộ sị ka ẹhẹ ẹtẹ, dị ọ gana ẹbẹẹba ku nị. Ịrẹyị kẹnẹ ọ kà, dị ịsa ọzọza jẹẹ udi anị nị.

Ayịsaya 45:18

Ẹnẹyịmavara ịnya kẹnẹ ọ vị Ohomorihi nị! Ọnị ọ tụ ẹbẹẹba ọnịrị ẹhẹ ịzị ọ kụ aza hi ka ẹ ra, asị ọ vị osusu. Ọ kà ọnị Ẹnẹyịmavara ọ vị Ohomorihi, ẹ yị nyị Ohomorihi ọsa.

Ayịsaya 45:12

Ọ kà ọnị ọ mẹ ẹhẹ, dị ọnị mẹ aza ene hi ini anị nị. Ọnị ọ sị ụkata anị gara ẹbẹẹba kụ, dị ọnị sị ụvọ za ọyị, ụhwẹ ọnịrị ụzọmị nịnị nị.

Ayịsaya 44:24

Ẹnẹyịmavara ana dọ wụ nịnị ha ka; ọza ana mẹ wụ nịnị tụ́ ịnị ịnẹ ọnyị awụ nịnị ka, “Ẹma vị Ẹnẹyịmavara ana ma avaba ịsa nị. Ẹmị ịnyara ọ mẹ ẹbẹẹba ịzị ọ gana na za nị. Ẹmị ọnọọ ọ rẹ mẹ ẹhẹ ịzị ọ gana na za nị.

Ayịsaya 42:5

Ohomorihi ộ mẹ avaba ịsa ene hi ẹbẹẹba, dị ọ gana wa nị. Ọnị ộ mẹ̀ ẹhẹ ọnịrị avaba ịsa ene hi ịnị anị nị. Ọnị ộ mẹ̀ ka aza ene hi ịnị ẹhẹ ẹ̀ yara, dị ẹẹ tụ́ ụhwẹ nị. Ẹnẹyịmavara, Ohomorihi ọ kà a yị ozi ahụ anị ọyaanị ka;

Ahẹ Ụgama 104:24

Ẹnẹyịmavara, ụkọrọ awụ ộ dà rụrụ kẹnẹ, ịrẹyọyẹ ụ vavọọ sị mẹ avaba anị nị. Ẹwa mẹ avaba ịsa ene hi ẹhẹ nị.

Ahẹ Ụgama 33:6

Irenu kẹnẹ ọ sị ka ịrẹyị dị ọ sị mẹ ẹbẹẹba ọnọnị. Ọ mẹ̀ tụ́ ụhwẹ hụụnị irenu, dị ọ sị mẹ avaba ịsị e hi ịnị anị nị.

Ụhịrẹyị 30:4

Ẹnẹ na ẹbẹẹba, ene chi vẹ da? Ẹnẹ sị ụvọ za ahị da? Ẹnẹ sị achị gụ enyi ịrẹgụ da? Ẹnẹ tẹ ẹhị ẹhwị ẹtẹ avaba ẹhẹ? Ịrẹha ọza ọnọọ rị? Ịrẹha ozi anị rị? Kà a mị ẹnẹ ọ vị?

Ahẹ Ụgama 119:90

Ịzẹyịza ụụ̄ mẹ pooro nị, wa raà sị ẹhẹ jẹẹ vị ọ kụkụ jị jẹẹ pooro nị.

Ahẹ Ụgama 78:69

Dị ọ dà irehi anị tụ́ ịzọọ anka irehi anị ana yà ẹbẹẹba nị. Ộ sị ọ jẹẹ geri-geri anka ọ́ mẹ̀ sị ẹhẹ ịnyẹmba jẹẹ pooro.

Ijoovu 26:7

Ohomorihi vị ana gana ihinẹba ku oze eyi ẹbẹẹba, Ẹ́ yị nyị ịsị ọ sị ẹhẹ gẹ ịnị anị.

Ahẹ Ụgama 104:2

Wâ sị ẹtohweyi dị ụ sị mẹ awuru chire nị, dị ụ maanị gana ẹhẹ jẹẹ anka ọza òó rere jị ajẹngụ avọọ nị.

Ahẹ Ụgama 93:1

Ẹnẹyịmavara ọ vị ohinọyị, dị ọ sị ụbanyị mẹ awuru chire nị. Mị ka Ẹnẹyịmavara vị ana sị ụbanyị ọnịrị ụkata mẹ awuru chire. Ẹhẹ vị ọnị ụ sị jẹẹ nganganga, o yi zụ henyi.

Oyinyima 2:5

ịnị ụmẹ ọnọọ ẹ yị nyị ọchị à vị avị ana chị tụ́ ịrẹsụ ẹtẹ, agụvị ka Ẹnẹyịmavara Ohomorihi ọ́ yị mẹ ka orihi ọ̀ zụ̀ụ hi ịnị ẹtẹ, ẹ yị rẹ nyị ọza ana vọrọ ka ọ̀ dà aarẹ tụ́ ịnị ẹhẹ.

Ijoovu 37:18

Wáá nyẹngụ tana eguhi ẹbẹẹba, anka Ohomorihi mẹ̀ mẹ, dị ụ wa mẹ̀ ẹ katẹngụ anka enyusẹ?

Ayịsaya 37:16

Ẹwụ Ẹnẹyịmavara, Ohomorihi Anisirẹrị nịnị, ohinọyị ana ya ẹbẹẹba anggẹẹrị nịnị, ẹwụ ịnyara ọ vị̀ Ohomorihi nị. Ẹ wa vị ohinọyị avaba ẹhẹ nị. Ẹwụ tụ ẹtẹ ọnịrị ihinẹba nị.

Ijeremaya 10:16

Ohomorihi Ijekọvụ ọnịrị wa ẹ ị vị ọnya, agụvị ka ọnị ọ mẹ avaba ịsa nị. Ọ raa nyị Anisirẹrị nịnị ka ẹ vị aza anị. Ẹnẹyịmavara Ochẹtẹẹngụ ịrẹha anị rị nị.

Ijeremaya 27:5

ọnị Ẹnẹyịmavara kà ụkata anị ọnị sị tụ ẹhẹ ọnọnị beri aza ọnịrị uye ene hi ịnị anị nị. Ọza enee zee ọnị eyi kẹnẹ ọnị nyẹngụ sị wa chire ụvọ nị.

1 Ịtọpa 16:26

Avaba ori anẹhẹ nịnị vị ọchị kẹnẹ ana a bẹ, ama Ẹnẹyịmavara ọ mẹ ẹbẹẹba nị.

Ahẹ Ụgama 65:7

Ịjị òkū aa dà vụụ-vụụ, dị aa jị ayị, ẹwa mẹ̀ ẹ ka ọ̀ varẹma nẹtẹ hẹẹ nị Mị ka ịjị anẹhẹ kwẹẹtẹ aa mẹ ezigi ẹwa varẹma sị wa ayị nẹtẹ nị.

Ijeremaya 14:22

Ẹ yị nyị ori Anẹkụra ọnyọọnyị ana zụ zụ̀ ori; eguhi ụvọta ẹ yị zụ mẹ ka orihi ọ̀ zụ̀. Anijuda nịnị ka, tee! Ẹnẹyịmavara ana vị Ohomorihi ẹnịnị ẹnị zi eyi nị, agụvị ka ọyịnyara ọọ̄ mẹ̀ ịsa ẹnẹnị nị.