Ijeremaya 1:6 - IWE ỌNỊNỊ

⁶ Dị ọnị ka, oonino! Ẹnẹyịmavara Ohomorihi, ozweyi ọnị vị nọ, ọnị ẹ yị yara ka ịrẹyị o.

Ijeremaya 1:6 Referans Kwoze

Ọyịkụra 6:12

Di Imosiisi tụ́ Ẹnẹyịmavara ohi, dị ọ ka Anisirẹrị ẹ yị hyakụ dọ ịrẹyị anị tụ́ ịzọọ, Ihwarawo óó kuku vee tụ́ oni ọsụkọrọ ohi nị?

Ijeremaya 32:17

Tee, Ohomorihi Ananyị yị! Ẹwa tana ụvọ dị ụ sị ụkata awụ tụ́ ẹbẹẹba ọnịrị ẹhẹ ọnọnị nọ. Ẹ́ yị nyị ịsị ẹ katẹngụ yị ụ o.

Ọyịkụra 6:30

Ama di Imosiisi kà yị Ẹnẹyịmavara ka ọnị maa sụ́ ụkọrọ aanị, Ihwarawo wáá vaa dọ ịrẹyị anịị tụ́ ịzọọ?

Ijeremaya 14:13

Ijeremaya ka, dị ọnị kà a yị Ẹnẹyịmavara Ochẹtẹẹngụ ka, tee, ọọ yẹ ka ọnịsẹ ana vọ nịnị vanaa kà a yị. Anijuda nịnị ka ẹ́ yị vaa nyị ịrẹkụ ọnịrị ka ụngwẹ ẹ́ yị rẹ vaa kụ̀ wa. Ẹnịnị ka waa vị dị sị ọ ka ka ẹngwọọrọ ọ́ vaa vị̀ị yị wa ịnị ẹtẹ ẹnịnị nị.

Ọyịkụra 4:1

Di Imosiisi tụ́ Ẹnẹyịmavara ohi dị ọ ka: ọ́ọ́ yẹ ka ẹnịnị ẹ yị vaa dọ ka ịzẹyịza ọnị aa kà nị. Ọ kà ẹnịnị ẹ yị vaa wụ́ ịrẹyị anị. Ọ kà ẹnịnị vị ana vaa kà a ka ireche ọnị ee che nị, ka oni o yi re Ẹnẹyịmavara.

Ijeremaya 4:10

Ijeremaya ka, dị ọnị ka, tee! Ananyị yị Ohomorihi vị ụ vene aza ẹnẹnị saka-saka nọ. Waa kà a yị wa ka ẹngwọọrọ ọ vaa vị yị wa nị, ama ẹnị a vaa sị ịrẹkụ wụ vaa ha anị nị ọ.

Ayịsaya 6:5

Di mi nowu za ẹtẹ, dị mị ka, “Ma sị dà, ịrẹyị ô tù mị. Ịsị mịị̄ si irenu amịị ka e yi zoza. Avọọ aza ẹnị ẹmịrị ra vabẹ ẹnị mẹ̀ rẹẹ kà ịrẹyị ene è yi zoza nị. Ẹmị ọnọọ ọ raà sị eyii re ohinọyị aanị nị. Ọnị ọ vị Ẹnẹyịmavara Ochẹtẹẹngụ nị.”

Ezikẹẹrị 4:14

Ezikẹẹrị ka dị ọnị ka, tee! Ohomorihi Ananyị yị, ọnị ẹ́ yị vịdị du ẹngụ anị ẹngụ da ọ. Ọnị ẹ̀ẹ yị rị ịsa ene sú da; ọnị ẹ̀ẹ yị rị uye ọnị uye ọsa wụ da, dị ọnị ẹ́ẹ yị rẹ rị uye ana sị vụ da.

Ịzakaraya 2:4

Dị ọ ka oni o zwe na ka yị ozwọọmụha ọnọọ, ka Ijerusarẹmị aa vaa vara ẹkụra ẹnẹ ẹ yị nyị ọvọ. Ọnị ọ vavọọ na kà a agụvị aza ọrụrụ ọnịrị ịsụpa ọdẹngụ ene hi ịzọọ.

Ijeremaya 34:6

Ijeremaya ka dị ọnị vavọọ na ka ụtụ ọnọnị yị ohinọyị Ịzẹdẹkaya, Ijerusarẹmị nị.