Ijeremaya 1:1 - IWE ỌNỊNỊ

¹ Ụmẹ ọnya, â nyị ọnọrụ ọnya aanị ana aā hị́ Ijeremaya ọnị ịrẹha ada anị rị Ihirikaya, ọnyara ịnị ẹnị ohirẹsụ irehi Ohomorihi ene hi ẹkụra ana aā hị́ Anatọtị ịnị ẹtẹ Ịbẹnjamịnị ọ vị nị. Ijeremaya ọnọọ ộ kà ịrẹyị ẹnẹnị nị.

Ijeremaya 1:1 Referans Kwoze

Ezikẹẹrị 1:3

Ezikẹẹrị ka Ẹnẹyịmavara ộ kà ịrẹyị yị ọnị ụtọ irehu Icheba ịnị ẹtẹ Ịbabịrọnị ịzọọ; dị ọ sị ụkata anị yị ọnị nị.

Ijeremaya 11:21

Avọọ dị Ẹnẹyịmavara kà yị ọnị ka, aza ene hi Anatọtị ee sị ọnị isu, dị ẹ ka asị ọnị vana vaa kụ tụ Ẹnẹyịmavara yị ẹnị, ka ẹyịvavọọ vị ẹnị aa wụ ọnị nị.

2 Ịtọpa 36:21

Aanị ịrẹyị ọnị Ẹnẹyịmavara tụ Ijeremaya ka ọ kà mẹmẹ sẹ nị. Ộ kà a ka ẹtẹ Ijuda vaa tụ́ ụhwọ́, dị ọ vị osusu mẹ ịrayị ẹtarẹwụ anka ọnịsẹ mẹ kà a.

1 Ịtọpa 6:60

Ẹkụra ẹnẹnị a sị yị wa hụrị ẹtẹ Ịbẹnjamịnị ọnịrị avaba ịzị aā kụ ịsụpaa rị ịnị ẹnịnị nị. Ịzị aā hị́ Ịgẹba, Aremeti, ọnịrị Anatọtị. Ẹsẹnị ẹ gụ ọ ẹkụra ẹwụrẹta ana avaba ovwoovu-ovwoovu ẹnịnị ra ịnị anị nị.

Emọsị 7:10

 nyị ohirẹsụ irehi Ohomorihi ọnya aanị ana ya Ịbẹtẹrị ọnị ịrẹha anị rị Amaziya. Dị ọ na ka yi Ijerobowami ohinọyị ka Emọsị aa ka ịrẹyị ana vaa kụ́ ẹngụkata tu ọ. Ọ kà Emọsị ee si ka ọnị ọ kụ ohinọyị ọnịrị Anisirẹrị ịrẹsụ nya ẹngụ nị.

Emọsị 1:1

 nyị ọnọrụ ọnya aanị ana aā hị́ Emọsị. Ọza ịnya ọ vị ịnị ẹnị anaā pa ịsụpa ẹkụra ana aā hị́ Itekowa nị. Ẹnẹyịmavara ộ tụ ọ ụtụ hi Anisirẹrị ịnị ụmẹ ọnị Uziya si vị ohinọyị ẹtẹ Ijuda. Ụmẹ ọnọọ Ijerobowami, ozi Ijehowasi ọnị rẹ sị vị ohinọyị tụ ẹtẹ Isirẹrị nị. Ịrayị ana tụ́ ọ ọhụva ọnị Emọsị kà enube ọnọọ kwooze, ẹtẹ ve henyi jigi-jigi nị.

Ayịsaya 1:1

Iwe ọnọnị vị iwe etore oni Ohomorihi si zụ̀ Ayịsaya ana vị ozi Amozi. Ịnị ụmẹ ọnọọ Uzaya, Ijotami ọnịrị Ahazi ne beri Ihezekaya ẹ vị avọọ vị ohinọyị Ijuda tù ẹngụ tù ẹngụ nị. Ohomorihi ộ sị ẹtẹ ọnọnị zụ̀ Ayịsaya, dị ọ kà a yọ ịrẹyị ene vee tù Ijuda ọnịrị Ijerusarẹmị nị.

Ayịsaya 2:1

Ịrẹyị ene vee tù Ijuda ọnịrị Ijerusarẹmị yị. Ohomorihi ộ sị́ ẹtore ọnọọ zụ̀ Ayịsaya ana vi ozi Amozi.

Imatiwu 2:17

Avọọ ị́sa ọnị ọnịsẹ ana aā hị́ Ijeremaya kà mẹ̀ sẹ nị.

Imatiwu 16:14

Dị ẹ ka, “Aza ẹnyị ka Ịjọọnụ ọhwọzenyi ụ vị nị; aza ẹnyị rẹ ka Erija ụ vị nị, dị aza ẹnyị ka ẹwa vị Ijeremaya nị, à vị ọnya ịnị ọnịsẹ nịnị.”

Imatiwu 27:9

Ịhị ọnọọ, ịrẹyị oni Ijeremaya ọnịsẹ vịdị kà ọ sị sẹ. Ộ kà a ka, “Ệ sị akata ọnọọ, ọpa ana Anisirẹrị nịnị ro ka ộ hụ;

1 Ohinọyị 2:26

Di ohinọyị kà a yị Abiyata ana vi ohirẹsụ irehi Ohomorihi dị ọ ka, “Kwẹẹtẹ wa nọ Anatọtị ịzị ẹtẹ awụ yà, ka vị a vọrọ ka we sú nị. Ama mẹ yị vaa wụ̀ wụ ajịnị agụvị ka ẹwa za apoti ị́zẹzẹ Ẹnẹyịmavara ana nyị yị dị ụ sị tụ́ ọvịdị Idevidi ada amị nị. Avaba ụya ana ada amị rị, vị oni u re pè e rị ọ.”

2 Ịtọpa 35:25

Ijeremaya ana vị ọnịsẹ ộ chẹrẹ ahẹ ọnị ọ sị zị ẹngụ anị. Ahẹ ọnọọ aza vị ana aa jị zị ẹngụ usu anị hụrị ụmẹ ọnọọ. Â chẹrẹ ahẹ ọnọnị tụ́ iwe ahẹ orere.

2 Ịtọpa 36:12

Ộ mẹ̀ ebira odivi hi Ẹnẹyịmavara. Ộ mẹ̀ akamawụ hi ịrẹyị Ẹnẹyịmavara ọnị ọnịsẹ Ijeremaya kà yọ.

Ẹzịra 1:1

 nyị ụmẹ ọnya aanị ọnị ọnọrụ ọnya ana aa hị́ Ịsayịrọsị sị vị ohinọyị Ipesiya. Ịnị ịrayị ịpaapa ọnị ọ rị ohinọyị, Ẹnẹyịmavara ộ mẹ̀ ka ịrẹyị anị ọnị Ijeremaya vịdị ka yị Anisirẹrị ọ sẹ. Ẹnẹyịmavara ộ kụ́ hi Ịsayịrọsị ayị ka, ọ mẹ̀ ọda, dị aa chẹrẹ ẹ tịtẹ, dị aa nọ̀ ọ ịnị avaba ẹtẹ anị nị.

Ayịsaya 10:30

Weē nowu nịnị ẹwụ nịnị Igarimi. Ẹwụ nịnị Anirayisa ẹ sị ụtọ pe ẹtẹ, dị ẹwụ nịnị Ananatotu ọ̀ ba wa owu.

Ijeremaya 29:27

Ụ ka sị ẹ vẹ dị ẹ̀ yị vavọọ mẹ Ijeremaya ana vị anẹkụra ana aā hị́ Anatọtị? Ụ ka Ijeremaya ọnọọ aa kà ịrẹyị aza anka ọnịsẹ avọọ.

Ịdanịyẹrị 9:2

Ịdanịyẹrị kà ịnị ịrayị ịpaapa ọnị ộ rị ohinọyị, dị ọnị àa ka iwe Ohomorihi. Dị ọnị re ka Ẹnẹyịmavara ộ vịdị kà a yị Ọnịsẹ Ijeremaya ka, Ijerusarẹmị vànaa mẹ̀ ịrayị ẹtarẹwụ dị aza ẹ̀ vana và nọ ịnị anị na ra nị.

Ẹzịra 2:23

Ananatotu vị ẹchẹhị tụra ohurịhịnta (42).

Ijeremaya 30:1

Ẹkụhị ọnya Ẹnẹyịmavara, Ohomorihi Anisirẹrị ộ kà a yị Ijeremaya ka,

Ijeremaya 37:12

Ijeremaya ka dị ọnị hụrẹ Ijerusarẹmị aa nọ okokooro Ịbẹnjamịnị nị. Ọnị aa na ka ọnị ọ̀ na dọ ene tu ọnị ini ogu ovwoovu ẹnịnị.