Biblia Todo Logo
Bib sou entènèt

- Piblisite -




Ijemiisi 4:9 - IWE ỌNỊNỊ

9 Sị ụya rị ẹngụ awụ nịnị, wee nowu dị ụ wa rẹẹ jị òrèrè nịnị. Waa jị òrèrè, asị u re kuku nyi unyi nịnị! Du ayị, asị ụ rẹ kụkụ jẹ ịrajẹ nịnị!

Gade chapit la Kopi




Ijemiisi 4:9
25 Referans Kwoze  

Aza ana aa jị òrèrè vaa da jẹ, agụvị ka Ohomorihi vee hunẹnẹ wa ayị.


Ọza ọ nyẹngụ e nyinyi ịnị ayodu dị ọ vavẹ ịrẹma anị ọ va vị orere.


Ẹwụ nịnị ọnị ịnẹ sị há, agụvị ka ụngwẹ vaa kụ̀ wụ nịnị. Ẹwụ nịnị ene ree nyinyi booro aanị, ọ sị dà, agụvị ka u vee nowu, dị ụ waa jị òrèrè nịnị.


Dị a va sị ụya rị mị mị vịdị nyee eyi nị. Booro aanị vị ọnị mị kụkụ aa saasa ọda awụ.


Ẹnẹyịmavara kà, ọnị vaa vagu avaba ebira odivi ọnị ụ mẹ yị wụ, ama ụ vaa tamayị ẹnịnị dị ụhị nyị wụ pooro ne tu ka wẹ́ yị va zụ ha irenuu kà ịrẹyị.


Aza enee zwe, dị e ne hi ịrẹsụ ataba anka arivadi ana a dụ hụụ inozi avọọ. Avaba ẹnịnị va jị òrèrè agụvị ebira odivi ẹnịnị.


Dị Abụrahamị ka: ‘Ozi, tamayị ka ụ mẹ̀ yà ẹhẹ, wâ dọ ịsa ọyịza-ọyịza, di Ịrasarụsị ọnị rị ụya ẹtẹẹtẹrẹ nị. Ama booro aanị, ẹngụ anị ọ sị rọ tụ́ ịzẹnị, ama ẹwụ aa rị ụya ịzọọ.


Avaba ahẹ amị vị ayodu ọnịrị orere kẹnẹ.


Ẹwụ nịnị ọnị ụngwẹ aa kụ̀ booro aanị vaa daa jẹ, agụvị ka Ohomorihi vaa sị ịnẹẹ há wụ nịnị. Ẹwụ nịnị ene ee sụ ùnè booro aanị vaa daa jẹ, agụvị ka u vee nyinyi nịnị.


Ayohine ayị ộ ta; ẹzẹ ọnị ịị nyị ọ sị vara ayodu.


Ịjọnọọ ezi anẹẹ ẹnịnị vaa jẹ dị ẹyaa nyẹzẹ. Ezweyi ọnịrị azọkụ ọnọrụ ẹnịnị vee hine ayị. Ẹnẹyịmavara kà ọnị vaa vara ayodu ẹnịnị ịnohine ọnị vaa sị wa ayịị nẹtẹ, dị ọnị sị ayohine dọ ayodu ịrẹsụ yị wa.


Ọ kà, aza anị vaa vàa vẹ dị eyee sụ ùnè, ọnị ọọ kụ wa aa vàa vẹ dị ẹyaa mẹ̀ aduwa. Ọnị vaa zụ wa oze naa ngụ ịnị okuha ana nyị enyi, ọnị vaa kụ wa vaa tụra oze ana swa, ẹnịnị ẹ́ yị vaa vangga. Ọ kà, Ada ọnị vị yị Anisirẹrị nịnị nị, dị Ehwireemi vị ozi ịpaapa anị nị.


Ọnị ọ sị yẹ ka unyi o yi nyị pooro kẹnẹ vị ụra, Ẹ yị nyị ọgụ ịsị ẹ ya ịnị ẹngwọmẹ ọyị dụ pooro kẹnẹ.


Ô zoza ka à vavọọ sị ụya rị mị. Ọ raà mẹ ka ma zụ yẹ ọda awụ.


M mè re ka aza ẹ yị zẹẹ ka ẹnị ẹ̀ẹ saasa ọda awụ, ẹgọ vị anaaa ká mị eyi.


Áza ẹnẹẹ mẹ wụ́ ịrẹyị ọda Ohomorihi, dị ẹ yaa jị òrèrè nị. Dị Inehemaya ana vị Ịgọvọnọ, ọnịrị Ẹzịra ohirẹsụ irehi Ohomorihi neberi Anireevi, anaa zụ ọza ịsa aa kụ wa ẹngụ nịya nị. Dị ẹ ka asị ẹnịnị va ẹngụ hi agụvị ka ẹkụhị ọnọnị vị ana sị tịtẹ yị Ẹnẹyịmavara ana vị Ohomorihi ẹnịnị nị.


Dị ẹ kà a yị Ijeesu ka, “Vị aa wụ̀ aza edivi ẹnẹẹ ha piti-piti, dị ọ sị ụbazị anị rere aza ẹnẹsa ana vaa sị ẹtụtụ anịị vaa yọ, ụmẹ òo si tù nị.”


Swiv nou:

Piblisite


Piblisite