Ijemiisi 4:8 - IWE ỌNỊNỊ

⁸ Kà pe Ohomorihi nịnị, ka ọnị rẹ vaa kà a pe wu nịnị! Ẹwụ nịnị ọnịvị, sị ụvọ hụụnị ịsa odivi nịnị! Tenyi ayị awụ nịnị, ẹwụ nịnị ana aa mẹ ayị ẹẹva!

Ijemiisi 4:8 Referans Kwoze

Ahẹ Ụgama 145:18

Ẹnẹyịmavara ộ gụrị avaba aza ana sị ayị ọnya nowu na za a.

Anihiburu 10:22

Agụvị avọọ, à vẹ ya sị ayị ọnya kà pe Ohomorihi, dị ya sị avaba ayị ayị tụra a, agụvị ka Ijeesu ọ raà nyịna ịvị ana ayị ayị aa jịị yị kwooze. A rẹ raà sị enyi ana nị nyịna ẹngụ ayị.

Ịmarakayị 3:7

Ẹnẹyịmavara Ochẹtẹẹngụ kà, hụrẹ ụmẹ ohiku ẹnịnị ệ va ịrẹma ka ọda anị nị. Ama ẹnịnị ẹ̀ẹ varẹma ka ọnị vẹ, ọnị ọ rẹ vaa varẹma ka wa na. Ama dị ệ kà a ẹnị mẹmẹ zụ varẹma ka a na?

Ịzakaraya 1:3

avọọ ọ ka ọnị ọ ka yị wa ka, ọnị Ẹnẹyịmavara Ochẹtẹẹngụ ka, ẹnịnị ẹ varẹma ka ọnị vẹ, dị ọnị ọ rẹ varẹma ka wa na.

2 Ịtọpa 15:2

Ô ne tù ohinọyị Asa, di o na owu, dị ọ kà, ohinọyị Asa ọnịrị Anijuda ne beri Anịbẹnjamịnị nịnị e batọ ịrẹyị anị. Ộ kà Ẹnẹyịmavara kà ọnị vaa ya pe wa ẹnịnị ẹ̀ẹ jẹẹ pe ọnị. Ẹnịnị èe si ọ, e vee re e, ama ẹnịnị ẹ̀ẹ varẹma ka a, ọnị rẹ vaa hụrẹ wa ụvọ.

Ijeremaya 4:14

Ẹwụ nịnị Anijerusarẹmị, hụụnị ebira odivi awụ nịnị dị wa ha. Ịzị ụ maanị vaa sị ịrẹyị odivi tụ ịnị ayị nee tu nịnị?

1 Ịjọọnụ 3:3

Avaba aza ana nyị ẹngụ ọyịtureyi ọnọnị, aa mẹ̀ ebira ọnịnị anka Ikirisiti mẹ̀ rẹ nị nị.

Ahẹ Ụgama 51:10

Ohomorihi, navọ kwogwo wa mẹ ayị amị di ò kukuu ro ịrẹyị ene zoza.

Anihiburu 7:19

Ọda Imosiisi ọnọọ ọ yị zụ mẹ ka ọza gụ. Ama ịsị Ohomorihi kụkụ sị vẹ, ọnị sị eyi tụra booro aanị o hu nị, agụvị ka ini oze anị ya zụ gụrị Ohomorihi.

2 Anịkọrịntị 7:1

Ẹwụ nịnị anda ayị, avaba ayị a kà a ka a vaa mẹ̀ ịsa ẹnẹẹ yị nị. Agụvị avọọ, à vẹ ya nyịna ẹngụ ayị hụụnị avaba ịsị ẹẹ̄ mẹ ka asị ẹngụ ọza ọnịrị ayị ọza nị! À vẹ ya vị Ohomorihi saka-saka ini oze angwahi Ohomorihi ọyịnyị.

Ezikẹẹrị 18:31

Sị ụvọ hụụnị ebira odivi ọnị waa mẹ nịnị, dị waa dọ ayị ọwọọwa ọnịrị ụhwẹ ọwọọwa nịnị. Ẹwụ nịnị Anisirẹrị, sị ẹ vẹ di wee sì ka we sú nịnị?

Ahẹ Ụgama 73:28

Yị ẹmị, ò ze ka ma gụrị Ohomorihi. Ẹnẹyịmavara Ochẹtẹẹngụ ọ sị mị tẹ nị, Avaba ịsa oni Ohomorihi aa mẹ vị ọnị mị vaa kà a zụ̀ aza.

1 Ịtọpa 28:9

Ộ kà a yị Isoromọnị ka, ozi emi, ò re ka ọnị ọọ yẹ Ohomorihi ada anị, dị ọọ̀ sị ayị ọnya hẹkẹ ẹ, dị ọ̀ rẹẹ sị ayị anịị mẹ̀ ịsa oni o si. Ọ kà Ohomorihi ộ yẹ ịsị aza ee ro, ọnịrị ịsị eyee sì. Isoromọnị ọ̀ọ ká Ohomorihi na, vi aa dọ ọ nị. Ama ọ̀ọ va ịrẹma ka Ohomorihi, vi aa và ịrẹma anị pooro zịna-zịna nị.

1Ipita 3:21

A zụ sị ịsa ọnọọ juwe ọyịhwenyi, ana dọ yị há ọyaanị, agụvị ka Ijeesu Ikirisiti ộ ha kwẹẹtẹ hụụnị isu. Ọyịhwọzenyi ọ yị vị ọyịhụ ịdọtị ẹngụ ayị và ha. Ama yaa sịị dá ịpẹẹ yị Ohomorihi ka ọ̀ nyịna ayị ayị hụụnị ịvị.

Ijoovu 17:9

Ịsa tụra ịsa enee tu ọnizẹyịza, vị́ ọnị aa jẹẹ gere-gere.

Imatiwu 12:33

“Wàa ka wa nyị ẹtụtụ ozoza, ụ hị́ ọchị ozoza! Ama wàa hị́ ọchị ọnị ụkụ za, ẹtụtụ odivi ụ waa há nị. Ẹtụtụ ọchị a sịị yẹ ẹ nị.

1 Itimoti 2:8

Mee sì ka avaba aha anọrụ ẹ̀ẹ mẹ̀ aduwa; ẹ̀ sị ayị ọnịnị sị ụvọ tụ́ ẹba, dị asị a nyị ọyịkụ ọnịrị ahankata ịnị ayị ẹnịnị!

Ayịsaya 29:13

Agụvị avọọ Ẹnẹyịmavara kà, “Aza ẹnẹnị vị ana aa kú irenu kẹnẹ ka ẹnị vị amị. Irenu kẹnẹ ẹ yaa sịị sị ụbanyị mị nị ama ayị ẹnịnị ọ yị gụrị mị vụrụ-vụrụ. Ọda ana aza kẹnẹ mẹ̀ ẹ sị ụvọ za, dị ẹ ka vị ẹnị aa hẹkẹ mị nị.

Ahẹ Ụgama 24:4

Ẹngụ aza ana zụ nọ ini irehi Ohomorihi ẹ vị aza ẹnẹ yị ma mẹ̀ ebira odivi, di è yi mē re ro ịrẹyị odivi nị. Ẹnịnị ẹ mā rẹ hẹkẹ ori, ẹ mā rẹ hị́ eku ireche.

1Ipita 1:22

Wa sị ẹngụ awụ nịnị vara aza ọnịnị, agụvị ka waa saasa ịzẹyịza Ohomorihi nịnị; agụvị avọọ di u kuku ee sì ịrẹyị ọdọwụ anda ayị nịnị ẹtẹẹtẹrẹ nị. Agụvị avọọ, wa yịị sị avaba ayị awụ nịnịị sì ịrẹyị ẹngụ nịnị ẹtẹẹtẹrẹ.

Ahẹ Ụgama 18:20

Ebira ọnị maa mẹ̀ ộ vọrọ ini eyi Ẹnẹyịmavara Avọọ ọ mẹ̀ raa sị ọgụ anịị mị nị Ô re ka mẹ yị nyị ụvọ tụ́ ini ebira odivi dị ọ rẹ vavọọ aa sị ọgụ ebira amị yị mị nị.

Ijemiisi 1:8

Anayẹẹva ọ mā jẹẹ aha ọnya pooro.

Ahẹ Ụgama 26:6

Ẹnẹyịmavara, wê re m mẹ̀ nyịna ụvọ amị, ka mẹ yị rị ịvị Mee jesii kara ụta ịzị a yàa mẹ ịsọvọọ wụ.

Odeyi 15:9

O yi sị eyi irenyi re ẹyịrị wa. Ộ mẹ ayị ẹnịnị ọnịnị, agụvị ka ệ sị ayị tụra a.

Oyinyima 18:23

Di Abụrahamị kà pè Ẹnẹyịmavara dị ọ ka Aanị ka ọ vaa wụ̀ aza ọyịza ọnịrị aza edivii vaa bẹ nị?

Ijoovu 16:17

Ama ọnị ẹ yị mẹ̀ ebira odivi ọnyọọnyị. Ayị ọnyara ọnị a sị mẹ̀ aduwa hi Ohomorihi.

Imatiwu 15:2

“Sị ẹ vẹ dị ezirẹma awụ ẹ̀ yị mẹ ido oni ohiku ayị jị? Agụvị ka ẹyaa rị ịsa, ẹ yị nyịna ụvọ.”

Ijeremaya 4:11

Ụmẹ aa vẹ ana a vaa kà a yị Anijerusarẹmị ka aa nyị ahị ịrịịra ana tụ́ hụụnị ụnọmị aa ka wáa vẹ. Ẹ yị vị ahị ana vaa kụ ẹchịchị kwooze kẹnẹ ọ́ vaa vị.

Ijoovu 9:30

Ẹ yị nyị ụkwọ ana nyẹngụ sị nyịna ịvị anị kwooze.

Ayịsaya 13:15

Avaba aza ana aa za, dị a ká a ụhwọ, dị o sú.

Ahẹ Ụgama 73:13

Dị mị kụkụ ee ro o ka ẹmị ana ka m maa mẹ̀ ịzẹyịza nị, sị ẹ va vị ọgụ amị kẹ? Mị ka me yi sì ka ma mẹ̀ ebira odivi ama sị ẹ va vị ọgụ oni mi re ịnị anị?

Imatiwu 27:24

Ịjị Ipayireti re ka ẹ yị nyị ịsị ọnị zụ mẹ, ka ịrazị hyakụ aa vaa chị, dị ọ sị enyi, dị ọ sị nyịna ụvọ anị éyi avaba aza nị, dị ọ ka, “Ẹ yị nyị ụvọ amị rị tụ́ ịnị iswọọza ẹnẹ ẹ̀ yị nyị ịsị ọ mẹ aanị, oo! Ịrẹyị awụ nịnị ọ vị nị.”

1 Ịsamụwẹrị 14:35

Dị Ịsọọrụ kụkụ hi ụta aha ịsọvọ tụ́ ịzọọ nị. Ịpaapa ọnị ọ vavọọ ee vee hi ụta ọ vị ọnọọ nị.

Ahẹ Ụgama 119:113

Onogevegeve vị ana ayị anịị kụ mị, ama mê sì ịrẹyị ọda ọnị ụ mẹ.

Ayịsaya 58:2

Ẹ yaa hẹkẹ ọnị eyinị-eyinị. Ẹnịnị ẹ yaa mẹ̀ ọ sị mẹ̀ẹ anka e yee si ka ẹnị ẹ yẹ oze ọnị dị ẹnị ẹ saasa ọda anị nị. Ẹ kà ọnị ọ sị ọda kẹnẹ yị ẹnị, ayị ẹnịnị vee hine ọyị hẹkẹ ọnị.”

Ijemiisi 3:17

Ama ịrẹyọyẹ ana hụụ ịdị Ohomorihi vẹ, vị ọnịnị, ọ́ọ mẹ ka ọza ọ̀ nyị ayị ohunẹnẹ; ọọ̄ nyị ebira hẹẹ, oō ree batọ ịrẹyị ọza ẹnẹsa, ọọ̄ rẹẹ vayị ọza ẹtẹẹtẹrẹ. Ebira ozoza ọọ̄ mẹ̀ pooro nị, ọ mā nyị ọza remeyi, oō mee re vene ọza.

Arụwẹ 3:57

Wậ kà pe mị, ịjị mị hị́ wụ, dị ụ kà a yị mị ka asị mị hí angwa nị.