Ijemiisi 4:10 - IWE ỌNỊNỊ

¹⁰ Kà ẹngụ awụ nịnị chi ọvịdị Ohomorihi Ananyị yị, ka ọ vaa sị wụ nịnịị tụ́ ẹba!

Ijemiisi 4:10 Referans Kwoze

Ahẹ Ụgama 147:6

Aza ana kà ẹngụ ẹnịnị chi vi ẹnị Ẹnẹyịmavara gụ ụvọ, ama aza ana aa mẹ̀ ebira odivi vị ọnị ọ vaa gụụ hyẹdụ.

Imatiwu 23:12

Ọza ana àa kà ẹngụ anị hịrẹ, vị Ohomorihi aa kà a chí nị, ọza ana àa kà ẹngụ anị chí, vị Ohomorihi aa kà a hịrẹ nị.”

1Ipita 5:6

Agụvị avọọ, kà ẹngụ awụ nịnị chi ọvịdị Ohomorihi ana nyị ụkata, agụvị dị ọ̀ sị wụ nịnị tụ́ ẹba ịnị ụmẹ ene èe zée eyi.

Iruuku 14:11

Ọza ana àa kà ẹngụ anị hịrẹ, a vaa kà a chí; ama ọza ana àa kà ẹngụ anị chí, ọnị a vaa kà a hịrẹ nị.”

Ijoovu 22:29

Àa mẹ̀ ụhị nyị aza, dị ụ mẹ̀ aduwa nị, dị Ohomorihi dọ wa ha.

Ahẹ Ụgama 113:7

Ộ tụ̀ onosiye ọnịrị oniruwa hụụnị ezi ọnịrị atịtọ.

Iruuku 1:52

Ọ sị aza ana nyị ọda jị hụrẹ udi ẹnịnị. Dị ọ kụkụ sị aza ẹnẹ ẹ̀ yị nyị ịsị ẹ vị, dị ọ kà wa hịrẹ nị.

Iruuku 18:14

Dị Ijeesu ka, “Dị ma kà a wụ nịnị ka ọdẹkẹhirehi ọnọọ Óhomorihi jị ịhị yị, dị aa nọ eehi nị, ẹ yị vị Anihwarisi ọnọọ. Agụvị ka ọza ana àa kà ẹngụ anị hịrẹ, vị Ohomorihi vaa kà a chí nị; ọza ana àa rẹ kà ẹngụ anị chí, dị Ohomorihi kà a hịrẹ.”

Ahẹ Ụgama 27:6

Ọ̀ọ vavọọ raà dọ mị tụ́, mi vee huna avaba ọnịvị amị ana kara mị Di mi nọ ini eehi anị, dị maa sị ịrajẹẹ jị ahẹ ga a. Màa jị ahẹ ọnọọ di mee hú ịsaa tụ́ ọ.

Ahẹ Ụgama 30:1

Ẹnẹyịmavara ẹwụ mị vaa sị ụbanyịị yị nị agụvị ka wa sị mị dọ tụ́ Wẹ rẹ vaa navọ ka ọnịvị amị è huna mị dị ẹ̀ vaa jẹ.

1 Ịsamụwẹrị 2:9

Ohomorihi vi ene vee sere aza ana sị ayị tụra a. Aza ana aa mẹ̀ ebira edivi vị ọnị ọ vaa mẹ ka è vu tụ́ ịnị ịrahụ; ọza ẹ yị zụ sị ụkata anị ụvọta sị nyị ehuna ọnịvị anị.

Ahẹ Ụgama 28:9

Ohomorihi, navọ wa dọ aza awụ tụ́ dị wa mẹ ka ò zee yị wa Weē sere wa, dị wa si eyi pè wa pooro.

Ọyịkụra 10:3

Di Imosiisi ọnịrị Eerọnị ne tù Ihwarawo dị ẹ ka Ẹnẹyịmavara ana vị Ohomorihi Anihiburu ka ộ yị va dọ ka ọnị aa ká ẹngụ anịị chi yị ọnị ọgọnị? Di Imosiisi nịnị ka Ẹnẹyịmavara kà ọ̀ hụrẹ aza anị ụvọ dị ẹ na, dị ẹ̀ na hẹkẹ ọnị.

1 Ịsamụwẹrị 2:7

Ẹnẹyịmavara ọ zụ mẹ ka aza ẹnyị ẹ̀ vị onosiye, dị ọsa ẹ̀ vị ọzọbanyị nị. Ọnị ọ kà aza ẹnyịị chi, dị ọ kà ọsa hịrẹ nị.

2 Ịtọpa 7:14

Aza anị ana aa sị ịrẹha anị hị́, ẹ̀ẹ va ẹngụ ẹnịnị nẹtẹ, dị ẹ mẹ̀ aduwa, dị ẹ ro ịnẹ varẹma, dị ẹ va hụụnị ebira odivi ẹnịnị, ọnị vaa wụ́ aduwa ẹnịnị hụrẹ ẹbẹẹba, dị ọnị sị eyi hụụnị ịvị ẹnịnị, dị ọnị mẹ ẹtẹ ẹnịnị zoza yị ịsa aarẹ.

Ijoovu 5:11

Ọnị ọọ̄ sị ọkụmị tụ ẹba dị ọ vara ayodu ọza ayohine nị.

Ụhịrẹyị 29:23

Ọza anaā sịị ẹngụ anị tụ ẹba vị ọnị ụhị nyị. Ama ọza ana ka ẹngụ anị chi vị ọnị a vaa sị ụbanyị yị.

Ezikẹẹrị 21:26

Ẹnẹyịmavara Ananyị ụkata hu ka, wa ngwa ubobo awụ, dị wa hụ̀ amu ohinọyị awụ. Ịsavị-ịsavị ọ sị vara booro aanị. A vaa sị ọkụmịị rị ohinọyị, dị aa kà ọnụkata chi.