Ijemiisi 3:10 - IWE ỌNỊNỊ

¹⁰ Irenu ana aa sị ga Ohomorihi, ọnị a rẹẹ̄ sị tụ́ ozirenuu hi ọza nị. Ẹwụ nịnị ẹyịnyara amị, áá vọrọ ka ọ̀ vavọọ yà?

Gade chapit la Kopi

« Previous

tounen moute ⬆

Aniroomi 12:14

Waa mẹ̀ aduwaa yị aza ana aa sị ụyaa rị wụ nịnị. Mị ka waa mẹ̀ aduwaa yị wa, asị u chì hi wa nịnị.

Gade chapit la

1Ipita 3:9

Asị ụ sị odivi sí atọ odivi! Ọza ọ̀ọ kụ́ wụ ụhụ, asị ụ vàa yị ọ. Ama waa mẹ̀ aduwaa yị ọ. Wâ yẹ ka Ohomorihi ee sì ka ọnị ọ̀ mẹ wụ nịnị ẹyịza; agụvị avọọ ọ hị́ wụ nịnị nị.

Gade chapit la

1 Anịkọrịntị 3:3

agụvị ka ụ waa yịị mẹ̀ ebira anka aza kẹnẹ ene hi ịnị ẹhẹ ọnọnị nị. Waa yịị kụ̀ ụhị nịnị, ụ raa zyaazị nịnị. Ọnọọ ọ́ọ sị zụ̀ ka vụ ụ yị yà anka aza kẹnẹ ene hi ịnị ẹhẹ nịnị nị.

Gade chapit la

1 Itimoti 5:13

Ẹ yị vị avọọ kẹnẹ, dị ẹyaa nyị uworo, dị ẹ rẹ yaa ngụ irehi-irehii zị. Ene divi hu ọ vị ka, dị ẹ kụkụ aa kụ́ ọza ịrẹkaa zị, dị ẹyaa jị eyii ngụ ịnị ịrẹyị ọnịrẹyị, dị ẹ rẹ yaa kà ịsa ẹnẹ ẹ̀ yị vọrọ.

Gade chapit la

Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị.

Gade chapit la

Oyinyima 20:9

Di Abimẹrẹkị va hị́ Abụrahamị dị ọ họ̀ ọ dị ọ ka, “Sị ọ mẹ yị aanị? Ọ kà sị ọnị na mẹ̀ ẹ dị ọ maanị mẹ ka ọnịrị anẹkụra anị ọ̀ maanị na mẹ ịvị ọbanyị? Ọ kà ịsị ọ mẹ̀ ọnị aanị ọ yị vọrọ.”

Gade chapit la

2 Ịsamụwẹrị 13:12

Di Ịtama ka, “Navọ de, ẹnẹbẹnị amị, asị ụ sị ụkata za mị. Wáá yẹ ka enyisi ọ vị nị, ọza ọ mā maanị mẹ ịnị ẹtẹ Anisirẹrị. Aarịhịnị navọ asị ụ mẹ̀ ẹngụ ebira odivi ọnọnị.

Gade chapit la

Ijemiisi 1:16

Ẹwụ nịnị ẹyịnyara amị oni mi sì, asị ụ zẹẹ ka è vene wu nịnị oo.

Gade chapit la

Ijemiisi 1:19

Ẹwụ nịnị ẹyịnyara amị oni mi sì, tamayị ọsọnị nịnị: Ọzọza ọ̀ọ wụ́ ịrẹyị, ama asị ụ zẹẹ ka ịrẹyị òo juntuu hụrẹ wụ nịnị irenu. Asị u re juntu kụ́ ayị nịnị.

Gade chapit la